Google Maps: గూగుల్ మ్యాప్స్ను గుడ్డిగా నమ్మితే ఇలాగే జరుగుతుంది.. ఓ కుటుంబం పరిస్థితి ఏమైందంటే..
ABN, Publish Date - Jul 06 , 2025 | 08:24 PM
గూగుల్ మ్యాప్స్ను గుడ్డిగా ఫాలో అయి తెలియని రహదారుల్లో ప్రయాణించిన ఓ కుటుంబం ప్రమాదం అంచు వరకు వెళ్లిపోయింది. త్రుటిలో ప్రాణాలను కాపాడుకుని బయటపడ్డారు. హిమాచల్ ప్రదేశ్లోని సోలన్ జిల్లాలో ఒక దారుణ ఘటన జరిగింది.
ప్రస్తుత డిజిటల్ యుగంలో టెక్నాలజీ (Technology) మన జీవితాలను ఎంతో సులభతరం చేస్తోంది. అయితే ఆ డిజిటల్ సాధానాలపై అతిగా ఆధారపడితే, గుడ్డిగా నమ్మి ఫాలో అయిపోతే మాత్రం కష్టాలు తప్పవు. గూగుల్ మ్యాప్స్ (Google Maps)ను గుడ్డిగా ఫాలో అయి తెలియని రహదారుల్లో ప్రయాణించిన ఓ కుటుంబం ప్రమాదం అంచు వరకు వెళ్లిపోయింది. త్రుటిలో ప్రాణాలను కాపాడుకుని బయటపడ్డారు. హిమాచల్ ప్రదేశ్ (Himachal Pradesh)లోని సోలన్ జిల్లాలో జరిగిన ఒక దారుణ ఘటన జరిగింది.
హిమాచల్ ప్రదేశ్లోని నలగఢ్కు చెందిన ఓ కుటుంబం తమ కుమార్తె పరీక్ష కోసం ఉనాకు కారులో ప్రయాణిస్తోంది. వారు ప్రధాన రహదారిలో ప్రయాణించడం మానేసి, గూగుల్ మ్యాప్స్ను ఫాలో అయి దభౌతా వంతెన మార్గాన్ని ఎంచుకున్నారు. అయితే రెండు సంవత్సరాల క్రితం వరదల సమయంలో ఆ వంతెన పాక్షికంగా కొట్టుకుపోయింది. ఆ విషయాన్ని గుర్తించని గూగుల్ మ్యాప్స్ ఆ కుటుంబానికి ఆ రహదారిని సూచించింది. దీంతో వారు కారులో ఆ నదిలోకి ప్రవేశించారు. వంతెన బాగా లేకపోవడంతో వారి కారు కొట్టుకుపోయింది.
వారి కారు ఆ నదిలో కొన్ని కిలోమీటర్ల దూరం కొట్టుకుపోయింది. అదృష్టవశాత్తూ స్థానికులు వారిని గమనించి కాపాడారు. ఆ కారులోని నలుగురిని రక్షించారు. కాగా, ఈ పంచాయతీ ప్రజలు ఆ వంతెన గురించి ఆగ్రహం వ్యక్తం చేస్తున్నారు. ఆ వంతెనను బాగు చేయాలని కోరుతున్నారు. ఇంతకు ముందు కూడా పలువురు గూగుల్ మ్యాప్స్ను ఉపయోగించి ఆ వంతెన దగ్గర ప్రమాదానికి గురయ్యారని తెలిపారు. త్వరగా ఆ వంతెనను బాగు చేయాలని, లేదా ఆ వంతెన స్థితిని తెలిపే సైన్ బోర్డ్లనైనా పెట్టాలని సూచించారు.
ఇవి కూడా చదవండి..
ఏసీ కంపెనీలు భయపడాల్సిందే.. ఈ కూలర్ ముందు ఏసీలు కూడా పనికి రావట..
ఈ ఫోటోలో Nల మధ్యలో కొన్ని Mలు కూడా ఉన్నాయి.. ఎన్ని ఉన్నాయో కనిపెట్టండి..
మరిన్ని ప్రత్యేక వార్తలు కోసం క్లిక్ చేయండి..
Updated Date - Jul 06 , 2025 | 09:12 PM
