Water Well : బావి ఆకారం ఎప్పుడూ గుండ్రంగా ఎందుకు ఉంటుంది.. సీక్రెట్ ఇదే..
ABN, Publish Date - Mar 24 , 2025 | 08:21 PM
Water Well : మీరెప్పుడైనా పల్లెటూళ్లు లేదా మరేదైనా ప్రదేశాల్లో ఉన్న బావులను గమనించారా.. ఇవెప్పుడూ కూడా గుండ్రటి ఆకారంలోనే ఉంటాయి. ఇలాగే ఎందుకని ఎప్పుడైనా ఆలోచించారా.. దాని వెనక ఉన్న పెద్ద సీక్రెట్ ఇదే అంట..
పూరాతన కాలంతో పోలిస్తే ఇప్పటి జీవన విధానం, పద్ధతుల్లో చాలా మార్పులొచ్చాయి. గతంతో పోలిస్తే ఇప్పుడు చాలా పనులు సులభంగా చేసుకోగలుగుతున్నాం.
పూర్వ కాలంలో ప్రజలు తమ నీటి అవసరాలను తీర్చుకోవడానికి నదులు, చెరువులతో పాటు బావులపై ఆధారపడేవారని మీకు తెలిసే ఉంటుంది.
కానీ, పురాతన కాలం నుంచి బావుల ఆకారంలో ఎలాంటి మార్పులు జరగకపోవడం ఎప్పుడైనా గమనించారా.. చారిత్రాత్మక బావులని చెప్పుకునే వాటి నుంచి కొన్నేళ్ల క్రితం వరకూ అన్నీ గుండ్రగానే ఉంటాయి.
బావులు ఎప్పుడూ గుండ్రటి ఆకారంలోనే ఎందుకుంటాయి. చతురస్రం, దీర్ఘచతురస్రం లేదా ఇతర ఆకారాల్లో ఎందుకుండవు. దాని వెనక ఉండే సైన్స్ ఇదే.
బావి ఆకారం చతురస్రాకారం, షడ్భుజి లేదా త్రిభుజాకారంలో ఉండవచ్చు. కానీ ఇలా ఉన్నవి త్వరగా దెబ్బతింటాయి. ఎందుకంటే, బావికి ఎక్కువ మూలలు ఉంటే నీటి పీడనం ఎక్కువగా ఉంటుంది. ఈ కారణంగానే బావి గోడలు పగుళ్లు ఏర్పడటం ప్రారంభిస్తాయి.
వృత్తాకార బావిలో చుట్టూ గోడ సమానంగా ఉండటం వల్ల బావి అంతటా నీటి పీడనం ఒకే విధంగా ఉంటుంది. అందుకే గుండ్రటి బావులు ఏళ్లు గడచినా చెక్కుచెదరకుండా ఉంటాయి.
Updated Date - Mar 24 , 2025 | 08:23 PM
