Cheapest Diesel Car: భారత్లో అత్యంత చవకైన డీజిల్ కారు ఇదే
ABN, Publish Date - Nov 04 , 2025 | 02:59 PM
నిత్యం ప్రయాణాలు చేసే వారికి డీజిల్ కారుకు మించిన ప్రత్యామ్నాయం లేదు. మరి భారత్లో అత్యంత చవకైన డీజిల్ కారు ఏదో ఈ కథనంలో తెలుసుకుందాం.
భారత్లో ప్రస్తుతం టాటా ఆల్ట్రోజ్ అత్యంత చవకైన డీజిల్ కారుగా పేరుగాంచింది. ఇందులో అనేక ఫీచర్స్ అందుబాటులో ఉన్నాయి.
1.2 లీటర్ పెట్రోల్ వేరియంట్, 1.5 లీటర్ డీజిల్ వేరియంట్స్ అందుబాటులో ఉన్నాయి. పెట్రోల్ వర్షెన్లో ఫ్యాక్టరీ ఫిట్టెడ్ సీఎన్జీ కిట్ కూడా ఉంది. ఇందులో 5 స్పీడు మ్యానువల్ ట్రాన్స్మిషన్ ఉంటుంది.
ఇక డీజిల్ వేరియంట్లో ఇంజెన్ 90పీఎస్ పవర్, 200ఎన్ఎమ్ టార్క్ను డెలివర్ చేస్తుంది. మైలేజీ లీటరుకు ఏకంగా 23.64 కిలోమీటర్లు.
డీజిల్ వేరియంట్లో అనేక ప్రీమియం ఫీచర్స్ ఉన్నాయి. 10.25 అంగుళాల టచ్ స్క్రీన్, యాపిల్ కార్ ప్లే, ఆండ్రాయిడ్ ఆటో, 7 అంగుళాల ఇన్స్ట్రుమెంట్ డిజిటల్ క్లస్టర్, వాయిస్ కమాండ్స్ ఆధారిత సన్రూఫ్, వైర్లెస్ చార్జింగ్ సౌకర్యం, 360 డిగ్రీ కెమెరా కూడా ఉంది.
భద్రతా ప్రమాణాల్లో కూడా ఈ కారు టాప్. దీనికి ఫైవ్ స్టార్ గ్లోబల్ ఎన్సీఏపీ రేటింగ్ ఉంది. 6 ఎయిర్బ్యాగ్స్, ఈబీడీతో కూడిన ఏబీఎస్, ఈఎస్సీ, ఐఎస్ఓఎఫ్ఐఎక్స్ చైల్డ్ సీట్ మౌంట్స్, రియర్ పార్కింగ్ సెన్సర్లు, టైర్ ప్రెజర్ మానిటరింగ్ సిస్టమ్ ఉన్నాయి.
మారుతీ బాలెనో, హ్యుందాయ్ ఐ20, టొయోటా గ్లాన్జా వంటి బ్రాండ్స్కు ఆల్ట్రోజ్ గట్టిపోటీ ఇస్తోంది. మోడల్ను బట్టి ఈ కారు ధర రూ.6.30 లక్షల నుంచి రూ.10.51 లక్షల వరకూ ఉంటుంది.
Updated Date - Nov 04 , 2025 | 03:04 PM