Oral Health-Stroke Risk: దంత సమస్యలున్న వారికి స్ట్రోక్ వచ్చే ఛాన్స్!
ABN, Publish Date - Oct 26 , 2025 | 10:29 PM
దంత సమస్యలకు, స్ట్రోక్ ముప్పునకు సంబంధం ఉందా? అంటే అవుననే అంటున్నారు శాస్త్రవేత్తలు. మరి వారి అధ్యయనంలో ఏం తేలిందో తెలుసుకుందాం
పళ్లు పుచ్చిపోవడం, చిగుళ్ల సమస్యలు ఉన్న వారిలో స్ట్రోక్ ముప్పు పెరుగుతుందని శాస్త్రవేత్తలు తాజాగా తెలిపారు.
యూనివర్సిటీ ఆఫ్ సౌత్ కెరొలీనా శాస్త్రవేత్తలు సుమారు 6 వేల మందిని అధ్యయనం చేశాక ఈ విషయాన్ని వెల్లడించారు.
నోటి సమస్యలు లేని వారిలో స్ట్రోక్ ముప్పు 4 శాతం, పళ్లు పుచ్చిపోయిన వారిలో 7 శాతం, పండ్లు, చిగుళ్ల సమస్యలున్న వారిలో స్ట్రోక్ ముప్పు 10 శాతానికి పెరిగింది.
ఆరోగ్యవంతులతో పోలిస్తే పళ్లు, చిగుళ్ల సమస్యలు రెండూ ఉన్న వారిలో స్ట్రోక్ ముప్పు ఏకంగా 86 శాతం ఎక్కువగా ఉన్నట్టు శాస్త్రవేత్తలు గుర్తించారు.
నోటి సమస్యలున్న వారిలోని హానికారక బ్యాక్టీరియా విడుదల చేసే విషతుల్యాలు నోటి ద్వారా రక్తంలో కలిసి స్ట్రోక్ ముప్పును పెంచుతున్నాయట.
రక్తంలో ప్రవేశించే ఈ విషతుల్యాలు ఇన్ఫ్లమేషన్ను పెంచి స్ట్రోక్ ముప్పు పెరిగేలా చేస్తున్నాయని శాస్త్రవేత్తలు వివరించారు.
ఇక క్రమం తప్పకుండా డెంటల్ చెకప్లకు వెళ్లే వారిలో స్ట్రోక్ ముప్పు 81 శాతం తక్కువగా ఉందని కూడా సైంటిస్టులు గుర్తించారు.
పంటి ఆరోగ్యంతో పాటు రోగుల ఆర్థిక స్థితిగతులు, ఆరోగ్యం, జన్యుక్రమం వంటివి కూడా స్ట్రోక్ ముప్పుపై ప్రభావం చూపిస్తాయని చెప్పారు.
Updated Date - Oct 26 , 2025 | 10:33 PM