Health Tips: క్యాన్సర్ ప్రమాదాన్ని తగ్గించే.. 5 ఆహారాలివే..
ABN, Publish Date - Jun 20 , 2025 | 04:22 PM
ప్రస్తుత జీవన విధానంలో మనిషిని అనేక రోగాలు చుట్టుముడుతున్నాయి. వాటిలో క్యాన్సర్ ఒకటి. ఇది ప్రమాదకరమైన వ్యాధే అయినా ముందు జాగ్రత్తలు తీసుకోవడం ద్వారా దీన్ని నియంత్రించవచ్చు.
ప్రస్తుత జీవన విధానంలో మనిషికిని అనేక రోగాలు చుట్టుముడుతున్నాయి. వాటిలో క్యాన్సర్ ఒకటి. ఇది ప్రమాదకరమైన వ్యాధే అయినా ముందు జాగ్రత్తలు తీసుకోవడం ద్వారా దీన్ని నియంత్రించవచ్చు. ఇందుకోసం ప్రధానంగా తీసుకోవాల్సిన ఆహారాల గురించి ఇప్పుడు తెలుసుకుందాం.
ద్రాక్ష తొక్కలో క్యాన్సర్ నిరోధక లక్షణాలు కలిగిన రెస్వెరాట్రాల్ అనే సమ్మేళనం ఉంటుంది. అలాగే ద్రాక్ష విత్తనాల్లో ఫ్లేవనాయిడ్లు, ఫినోలిక్ ఆమ్లాలు, ఆంథోసైనిన్లు తదితర పోషకాలు ఉంటాయి. ఇవి క్యాన్సర్ నిరోధకాలుగా పని చేస్తాయి.
ఆపిల్స్లోని పాలీఫెనాల్స్ అనే సమ్మేళనం క్యాన్సర్ నిరోధకంగా పని చేస్తుంది. అలాగే వాపు, గుండె జబ్బులు, అనేక రకాల ఇన్ఫెక్షన్ల నుంచి శరీరాన్ని రక్షిస్తుంది.
మీ ఆహారంలో బ్రోకలీని చేర్చడం వల్ల కూడా క్యాన్సర్ ప్రమాదం తగ్గుతుంది. ఇందులో ఉండే సల్ఫోరాఫేన్ అనే సమ్మేళనం.. మహిళల్లో రొమ్ము క్యాన్సర్ కణాలను నిరోధించడంలో సహకరిస్తుంది. అలాగే పెద్ద ప్రేగు, మల క్యాన్సర్ల ప్రమాదాన్ని కూడా తగ్గిస్తుంది.
క్యారెట్లు తరచూ తీసుకోవడం వల్ల కడుపు, ప్రోస్టేట్, ఊపిరితిత్తుల క్యాన్సర్ ప్రమాదం తగ్గుతుంది.
సాల్మన్, మాకేరెల్, ఆంకోవీస్ తదితర కొవ్వు చేపలు తీసుకోవడం వల్ల కూడా క్యాన్సర్ రాకుండా ఉంటుంది. ఈ చేపల్లోని విటమిన్-బి, పొటాషియం, ఒమేగా-3 కొవ్వు ఆమ్లాలు. కొలొరెక్టల్ క్యాన్సర్ ప్రమాదాన్ని తగ్గిస్తుంది. అలాగే మహిళల్లో రొమ్ము క్యాన్సర్ను కూడా దూరం చేస్తుంది.
ఈ విషయాలన్నీ కేవలం అవగాహన కోసం మాత్రమే. ఎలాంటి సమస్య వచ్చినా వెంటనే వైద్యుడిని సంప్రదించాలి.
Updated Date - Jun 20 , 2025 | 04:43 PM