1. • Home » Photos » Telangana » Drinking Water Shortage In Gandhi Hospital Hyderabad VVNP

Gandhi Hospital:హే మహాత్మా.. గాంధీ ఆసుపత్రిలో నీళ్లు కట కట

పంచ భూతాల్లోనే కాదు.. పంచామృతంలో ఒకటి. నీరు. అలాంటి నీరు మనిషికి ప్రాణాధారం. ఆ నీరే లేకుంటే మనిషి పరిస్థితి అగమ్య గోచరమే. నీరు లేకుంటే.. అదీ కూడా అందుబాటులో లేకుంటే.. మనిషి బతుకు అల్లకల్లోమే. తెలంగాణ రాజధాని హైదరాబాద్‌లోని గాంధీ ఆసుపత్రికి ప్రపంచ వ్యాప్తంగా పేరు ప్రఖ్యాతలు ఉన్నాయి. అంతటి ప్రతిష్టాత్మకమైన గాంధీ ఆసుపత్రిలో చికిత్స కోసం పలు ప్రాంతాల నుంచి రోగులు తరలి వస్తారు. అయితే ఆసుపత్రిలో మంచి నీరు లేకుండా పోయింది. దీంతో అనార్యోగంతో ఆసుపత్రికి వస్తున్న రోగులు.. మంచి నీటి కోసం పడుతోన్న ఇబ్బందులు అన్ని ఇన్నీ కావు. ప్రభుత్వాసుపత్రుల్లో మందులు లేవంటే.. గతంలో బయట కొనుకోచ్చేవారమని రోగులు చెబుతున్నారు. కానీ ప్రస్తుతం మందుల సంగతి దేవుడెరుగు.. మంచి నీళ్లు సైతం లేక పోవడంతో వాటిని సైతం బయట కోనుగోలు చేసుకో వాల్సి వస్తుందని రోగులు చెబుతుండడం గమనార్హం.