ప్రధాని మోదీతో మంత్రి నారా లోకేష్ భేటీ
ABN, Publish Date - Sep 05 , 2025 | 04:33 PM
ప్రధాని మోదీతో ఏపీ విద్య, ఐటీ శాఖల మంత్రి నారా లోకేష్ సమావేశమయ్యారు. ఈ సందర్బంగా జీఎస్టీలో కేంద్రం కీలక సంస్కరణలు చేసిన నేపథ్యంలో ప్రధాని మోదీని లోకేష్ అభినందనలు తెలిపారు. ఈ సందర్భంగా యోగాంధ్ర టేబుల్ బుక్ను ప్రధాని మోదీ ఆవిష్కరించారు.
ప్రధాన మంత్రి నరేంద్ర మోదీతో ఆంధ్రప్రదేశ్ ఐటీ, విద్య శాఖల మంత్రి నారా లోకేష్ శుక్రవారం న్యూఢిల్లీలో సమావేశమయ్యారు.
45 నిమిషాల పాటు సాగిన ఈ సమావేశంలో ప్రధాని మోదీతో పలు కీలక అంశాలపై మంత్రి లోకేష్ చర్చించారు.
ఏపీకి కేంద్ర ప్రభుత్వ సాయం, పెండింగ్ ప్రాజెక్టులు, కేంద్ర పథకాల అమలు, తాజా రాజకీయ పరిస్థితులపై ప్రధానితో లోకేష్ చర్చించారు.
అలాగే జీఎస్టీ స్లాబ్ల హేతుబద్ధీకరణ, సంస్కరణల అమలు నేపథ్యంలో ప్రధాని మోదీని లోకేష్ అభినందనలు తెలిపారు. ఈ సందర్భంగా యోగాంధ్ర టేబుల్ బుక్ను ప్రధాని మోదీ ఆవిష్కరించారు.
ప్రత్యేకించి విద్యారంగంలో పలు రకాల వస్తువులపై జీఎస్టీ తగ్గించినందుకు ప్రధాని మోదీకి ఈ సందర్భంగా మంత్రి లోకేష్ కృతజ్ఞతలు తెలియజేశారు.
ఏపీలో పెట్టుబడులు, పరిశ్రమల స్థాపన, సింగపూర్లో ఏపీ బృందం పర్యటన వివరాలను ప్రధానికి వివరించారు. ఆంధ్రప్రదేశ్లో సెమీ కండక్టర్ యూనిట్ ఏర్పాటుకు నిర్ణయం తీసుకున్నందుకు ప్రధాని మోదీకి మంత్రి నారా లోకేష్ ప్రత్యేక కృతజ్ఞతలు తెలిపారు.
Updated Date - Sep 05 , 2025 | 04:36 PM