1. • Home » NRI » aria university medical school groundbreaking san joaquin historic healthcare project suchi

Aria University: సాన్ వాకిన్ కౌంటీలో ఆర్య మెడికల్ స్కూల్ నిర్మాణం ప్రారంభం

సెప్టెంబర్ 22న సాన్ వాకిన్ జనరల్ హాస్పిటల్ క్యాంపస్‌లో ఈ చారిత్రక కార్యక్రమం ఘనంగా నిర్వహించారు. ఆర్య యూనివర్సిటీని ఎస్‌జేజీహెచ్ సీఈవో రిక్ కాస్ట్రో, సీఎంవో డాక్టర్ షీలా కాప్రే ఆహ్వానించారు.

సాన్‌వాకిన్ కౌంటీ, కాలిఫోర్నియా: ఉత్తర కాలిఫోర్నియాలోని సాన్ వాకిన్ కౌంటీలో ఆరోగ్య సంరక్షణ రంగంలో విప్లవాత్మక మార్పులు తీసుకురావడానికి ఉద్దేశించిన ఆర్య యూనివర్సిటీ స్కూల్ ఆఫ్ మెడిసిన్ (AUSOM)నూతన భవన నిర్మాణం ప్రారంభమైంది. సెప్టెంబర్ 22న సాన్ వాకిన్ జనరల్ హాస్పిటల్ క్యాంపస్‌లో ఈ చారిత్రక కార్యక్రమం ఘనంగా నిర్వహించారు. ఆర్య యూనివర్సిటీని ఎస్‌జేజీహెచ్ సీఈవో రిక్ కాస్ట్రో, సీఎంవో డాక్టర్ షీలా కాప్రే ఆహ్వానించారు. ఎస్‌జేజీహెచ్‌ 1857లో స్థాపించబడిందని, ఈ మెడికల్ స్కూల్ చేరికతో ఫ్రెంచ్ క్యాంప్ ఒక మెడికల్ సెంటర్‌గా అభివృద్ధి చెందుతుందని వారు ఆశాభావం వ్యక్తం చేశారు. ఈ కార్యక్రమానికి భారతదేశ కౌన్సిల్ జనరల్ డాక్టర్ శ్రీకర్ రెడ్డి హాజరై భారతీయ డయాస్పోరా అమెరికన్ ఆరోగ్య సంరక్షణ వ్యవస్థకు చేసిన కృషిని ప్రశంసించారు.

వైద్య నిపుణుల కొరతను అధిగమించడమే లక్ష్యం..

ఆర్య యూనివర్సిటీ వ్యవస్థాపక అధ్యక్షుడు డాక్టర్ ఆనంద్ కూచిభొట్ల మాట్లాడుతూ.. తమ విశ్వవిద్యాలయానికి డబ్ల్యూఏఎస్‌సీ (WASC) గుర్తింపు ఉందని తెలిపారు. కాలిఫోర్నియాలోవైద్య నిపుణుల కొరత తీవ్రంగా ఉందని, 39.9 మిలియన్ల జనాభా ఉన్నప్పటికీ, కేవలం 13 మెడికల్ స్కూల్స్ మాత్రమే ఉన్నాయని వెల్లడించారు. ఇది 19 మిలియన్ల జనాభా ఉన్న న్యూయార్క్ (16 స్కూల్స్) కంటే చాలా తక్కువని వివరించారు. ఉత్తర కాలిఫోర్నియాలో స్టాన్‌ఫర్డ్ తర్వాత ఇది రెండవ ప్రైవేట్ లాభాపేక్ష లేని మెడికల్ స్కూల్ అవుతుందని తెలిపారు. ఒక దశాబ్దానికి పైగా ప్రయత్నం, వేలాది గంటల శ్రమ, మిలియన్ల డాలర్ల ఖర్చు తర్వాత ఈ ఘట్టానికి చేరుకున్నామని డాక్టర్ ఆనంద్ కూచిభొట్ల పేర్కొన్నారు.

కౌంటీ, హాస్పిటల్స్ మద్దతు..

ఈ ప్రాజెక్ట్‌కు సాన్ వాకిన్ కౌంటీ బోర్డ్ ఆఫ్ సూపర్  వైజర్స్ ఏకగ్రీవంగా మద్దతు ఇచ్చింది. కౌంటీ బోర్డ్ ఛైర్ పాల్ కనెపా మాట్లాడుతూ.. ఈ మెడికల్ స్కూల్ ద్వారా స్థానికులకు శిక్షణ ఇవ్వడం, మెరుగైన ఆరోగ్య ఫలితాలు అందించడం సాధ్యమవుతుందని పేర్కొన్నారు. కౌంటీ 30 సంవత్సరాలకు గాను సంవత్సరానికి కేవలం $1 లీజుకు భవనాన్ని అందిస్తోందని.. ఇది ఒక గొప్ప మద్దతు మాత్రమే కాదు తమ బాధ్యత అని కౌంటీ బోర్డ్ ఛైర్ పాల్ కనెపా పేర్కొన్నారు. ఈ ప్రాజెక్ట్ కోసం 1923-24లో నిర్మించబడిన శతాబ్దపు పురాతన భవనాన్ని పునరుద్ధరించనున్నట్లు ఆర్య యూనివర్సిటీ ఛైర్మెన్ ప్రభాకర్ కల్వచర్ల తెలిపారు. క్లినికల్ రొటేషన్ల కోసం సేంట్ జోసెఫ్ మెడికల్ సెంటర్, సాన్ వాకిన్ జనరల్ హాస్పిటల్‌లతో ఒప్పందాలు కుదిరాయని తెలియజేశారు.

అకాడమిక్, నిధుల సేకరణ:

డాక్టర్ బాబ్ సస్కిండ్ (మూడు మెడికల్ స్కూల్స్‌ను స్థాపించిన వ్యవస్థాపక డీన్), డాక్టర్ ఆల్ఫ్రెడ్ టెనోర్ (21వ శతాబ్దపు మెడికల్ పాఠ్యప్రణాళిక అభివృద్ధిలో సూపర్‌స్టార్), టెరి వర్క్‌మన్‌ బృందం ఆర్య యూనివర్సిటీకి మద్దతు ఇస్తోంది.

నిధుల సేకరణలో ఉదారంగా విరాళాలు

*   ఆరోగ్య సంరక్షణ సంస్థ చరిత్రలో తొలిసారిగా, హెల్త్ ప్లాన్ సాన్ వాకిన్ నుండి $2 మిలియన్ల గ్రాంట్ లభించింది.

*   డాక్టర్ హెన్రీ వాంగ్ $1 మిలియన్ విరాళం ఇచ్చారు.

*   డాక్టర్ హనిమిరెడ్డి ఈ కార్యక్రమానికి హాజరై, నిరంతర ప్రోత్సాహంతో కూడిన అభినందనలు తెలిపారు.

*   డాక్టర్ రఘు రెడ్డి దంపతులు అమూల్యమైన మద్దతు ఇస్తూ.. ఈ ప్రాజెక్ట్‌ను ముందుకు తీసుకెళ్లడానికి ఎంతో తోడ్పడుతున్నారు.

*   లక్ష్యాన్ని చేరుకోవడానికి మొత్తం $50 మిలియన్లు అవసరం.

భవిష్యత్ లక్ష్యాలు:

స్టాక్టన్ మేయర్ క్రిస్టినా మాట్లాడుతూ.. ఈ మెడికల్ స్కూల్ ద్వారా విద్యార్థులు తిరిగి వచ్చి, సమాజానికి సేవ చేస్తారని, తద్వారా స్థానిక ఆరోగ్య సంరక్షణ అవసరాలు తీరుతాయని ఆశాభావం వ్యక్తం చేశారు. నిర్మాణ పనులను స్థానిక కాంట్రాక్టర్ బల్దేవ్ సింగ్, ఆయన కుమారుడు సన్నీ సింగ్ చేపట్టార. వారు సమాజానికి ఏదైనా తిరిగి ఇవ్వాలనే లక్ష్యంతో లాభాపేక్ష లేకుండా పనిచేయడానికి ముందుకు వచ్చారు.

మెడికల్ స్కూల్‌ను 24 నుంచి 30 నెలల్లో ప్రారంభించాలని ఆర్య యూనివర్సిటీ లక్ష్యంగా పెట్టుకుంది. ఫౌండింగ్ డీన్ డాక్టర్ సస్కిండ్, ఈ ప్రాజెక్ట్ సాన్ వాకిన్ వ్యాలీ ఆర్థిక వ్యవస్థపై వందల మిలియన్ల డాలర్ల ప్రభావాన్ని చూపుతుందని అంచనా వేశారు. ఈ మెడికల్ స్కూల్ ద్వారా శిక్షణ పొందిన వైద్యులు (దాదాపు 90% మంది స్థానికంగానే ఉంటారని అంచనా) ఆరోగ్య అసమానతలను తగ్గించడంలో సహాయపడతారని అధికారులు విశ్వసిస్తున్నారు.

ఇక చివరగా.. ఆర్య యూనివర్సిటీ దార్శనికత, సమాజ భాగస్వామ్యాన్ని అభినందిస్తూ కాంగ్రెస్‌మెన్ జోష్ హార్డర్, స్టేట్ సెనేటర్ జెర్రీ మెక్నెర్నీ, అసెంబ్లీ వుమెన్ రొడెషియా రాన్సమ్ కార్యాలయాల నుంచి గుర్తింపు పత్రాలను (Certificates of Recognition) అందజేశారు. ఈ  కార్యక్రమంలో ఆర్య యూనివర్సిటీ సీఈవో రాజు చమర్తి,  దేవేందర్ నరాల, ఎల్వా స్పార్ట్లింగ్, వెంకట్ గుడివాడ , మమత కూచిభొట్ల,  ప్రియ తనుగుల, మీనాక్షి గణేశన్ తదితరులు పాల్గొన్నారు.

ఇవి కూడా చదవండి..

కలరా విజృంభణ.. అధికారుల అప్రమత్తం

అసెంబ్లీలో ఆమోదం పొందనున్న పలు బిల్లులు

Read Latest NRI News And Telugu News