Plant Maintenance Tips: ఇండోర్ ప్లాంట్స్ ఇలా
ABN, Publish Date - Oct 30 , 2025 | 02:31 AM
ఇంటి అందాన్ని పెంచడంలో ఇండోర్ ప్లాంట్స్ ప్రధాన పాత్ర పోషిస్తుంటాయి. అందుకే చాలామంది వీటిని ఇష్టంగా పెంచుకుంటూ ఉంటారు. చలికాలంలో ఇండోర్ ప్లాంట్స్కు ప్రత్యేక సంరక్షణ అవసరమని...
ఇంటి అందాన్ని పెంచడంలో ఇండోర్ ప్లాంట్స్ ప్రధాన పాత్ర పోషిస్తుంటాయి. అందుకే చాలామంది వీటిని ఇష్టంగా పెంచుకుంటూ ఉంటారు. చలికాలంలో ఇండోర్ ప్లాంట్స్కు ప్రత్యేక సంరక్షణ అవసరమని నిపుణులు చెబుతున్నారు.
ఆ వివరాలు...
చలికాలంలో ఇండోర్ ప్లాంట్స్కు రోజూ నీళ్లు పోయనవసరం లేదు. కుండీలోని మట్టి పొడిబారినప్పుడు మాత్రమే కొద్దిగా నీళ్లు చిలకరించాలి. మొక్క తత్వాన్ని అనుసరించి నీళ్లు పోయాలి. అవసరానికి మించి నీళ్లు పోస్తే మొక్కలకు తెగుళ్లు వచ్చే ప్రమాదం ఏర్పడుతుంది.
చలికాలంలో గాలి చాలా పొడిగా ఉంటుంది. దీనివల్ల మొక్కలు తేమను కోల్పోతూ ఉంటాయి. కుండీలో చిన్న నీళ్ల గిన్నెను ఉంచితే నీరు ఆవిరిగా మారి చుట్టూ ఉన్న గాలిలో తేమను పెంచుతుంది. దీంతో మొక్కలు కూడా ఆరోగ్యంగా పెరుగుతాయి.
రోజూ కుండీలను కొద్దిసేపు ఎండలో ఉంచడం మంచిది. ఎండ రాని రోజుల్లో ఇంట్లో గ్రో లైట్లను వేయడం వల్ల మొక్క అవసరాలు తీరతాయి.
చలికాలంలో మొక్కల ఎదుగుదల తక్కువగా ఉంటుంది. కాబట్టి వాటికి ఎరువులు అందించనవసరం లేదు. ఒకవేళ ఎరువులు వేసినప్పటికీ మొక్కలు పోషకాలను గ్రహించలేవు. కాబట్టి చలికాలమంతా మొక్కలను విశ్రాంతిగా ఉంచడం మేలు.
ఆకుల మీద దుమ్ము, ధూళి పేరుకోకుండా జాగ్రత్తలు తీసుకోవాలి. వారానికి రెండుసార్లు ఆకులను తడిగుడ్డతో తుడవడం మంచిది.
పండిన, ఎండిన ఆకులను ఎప్పటికప్పుడు తొలగిస్తూ ఉండాలి. అదనంగా పెరిగిన కొమ్మలను కత్తిరిస్తే మొక్క శక్తి సద్వినియోగమవుతుంది.
చలికాలంలో మొక్కలకు కుండీలను మార్చకూడదు. అలాచేస్తే మొక్కలు బలహీనమవుతాయి. దానికి బదులు కొత్త కుండీలో కొత్త విత్తనాలు చల్లుకోవచ్చు.
ఇవి కూడా చదవండి:
కూతురికి ఈత నేర్పిస్తుండగా విషాదం.. 5 రోజుల తర్వాత..
మొంథా తుఫాను ఎఫెక్ట్.. పాఠశాలలకు సెలవు
Bhatti Vikramarka: ఓవర్సీస్ స్కాలర్షిప్ బకాయిలపై తెలంగాణ ప్రభుత్వం కీలక నిర్ణయం
Azharuddin: తెలంగాణ కేబినెట్లోకి అజారుద్దీన్.. మంత్రిగా ప్రమాణ స్వీకారం చేసేది ఎప్పుడంటే..
Updated Date - Oct 30 , 2025 | 02:31 AM
