Bathroom Tips: బాత్రూమ్ సువాసనభరితంగా
ABN, Publish Date - Sep 01 , 2025 | 02:09 AM
మనం ఇంట్లో బాత్రూమ్ను పరిశుభ్రంగా ఉంచుకుంటాం. అయినప్పటికీ ఒక్కోసారి దుర్వాసన వస్తూ ఉంటుంది. అలాంటి సందర్భాల్లో బాత్రూమ్ను సువాసనభరితంగా ఎలా మార్చుకోవాలో తెలుసుకుందాం...
మనం ఇంట్లో బాత్రూమ్ను పరిశుభ్రంగా ఉంచుకుంటాం. అయినప్పటికీ ఒక్కోసారి దుర్వాసన వస్తూ ఉంటుంది. అలాంటి సందర్భాల్లో బాత్రూమ్ను సువాసనభరితంగా ఎలా మార్చుకోవాలో తెలుసుకుందాం...
ఒక చిన్న గిన్నెలో రెండు చెంచాల బేకింగ్ సోడా వేసి దాన్ని బాత్రూమ్లో ఒక మూలగా లేదా కిటికీలో ఓ పక్కగా పెట్టాలి. ఇలా చేయడం వల్ల బేకింగ్ సోడా దుర్వాసనను పీల్చుకుని బాత్రూమ్లో తాజాదనాన్ని నింపుతుంది.
వాడేసిన నిమ్మతొక్కలు అలాగే నారింజ, బత్తాయి, అనాస తొక్కలను చిన్న ముక్కలుగా చేసి ఒక గిన్నెలో వేయాలి. ఈ గిన్నెను బాత్రూమ్లోని ఓ అరలో పెడితే మంచి ప్రయోజనం ఉంటుంది.
తేమ వాతావరణంలో బాగా పెరిగే ఇండోర్ ప్లాంట్ కుండీని బాత్రూమ్లో ఏర్పాటు చేసుకున్నా తాజా అనుభూతి కలుగుతుంది.
ఒక బకెట్ నీళ్లలో నాలుగు చెంచాల వెనిగర్ వేసి బాగా కలపాలి. ఈ నీళ్లతో శుభ్రం చేస్తే బాత్రూమ్లో దుర్వాసన రాదు. వారానికి రెండుసార్లు ఇలా చేయడం వల్ల మంచి ఫలితం ఉంటుంది.
బాత్రూమ్లో వెంటిలేషన్ సరిగా ఉండేలా చూసుకోవాలి. గాలి, వెలుతురు ధారాళంగా ప్రసరిస్తే తేమ నిలవదు. దీనివల్ల బాత్రూమ్ ఎప్పుడూ పొడిగా తాజాగా ఉంటుంది.
ఇవి కూడా చదవండి
హరీష్ రావు తప్పు చేశారని కమిషన్ చెప్పింది: ముఖ్యమంత్రి రేవంత్
కాంగ్రెస్ ప్రభుత్వం రాజకీయ కక్ష సాధిస్తోంది.. మంత్రి ఉత్తమ్పై హరీష్రావు ఫైర్
Updated Date - Sep 01 , 2025 | 02:09 AM
