Reduce Spice In Curry: కూరలో కారం ఎక్కువైందా
ABN, Publish Date - Aug 13 , 2025 | 12:38 AM
ఒక్కోసారి కూరలో కారం ఎక్కువ అవుతూ ఉంటుంది. అలాంటి సందర్భాల్లో చిన్న చిట్కాలు పాటించి కూరను సరిచేయవచ్చు....
ఒక్కోసారి కూరలో కారం ఎక్కువ అవుతూ ఉంటుంది. అలాంటి సందర్భాల్లో చిన్న చిట్కాలు పాటించి కూరను సరిచేయవచ్చు.
కూర ఉన్న గిన్నెను స్టవ్ మీద పెట్టి రెండు నిమిషాలు వేడిచేయాలి. ఇందులో ఒక చెంచా శనగపిండి, కొన్ని నీళ్ల చుక్కలు చల్లి కలిపితే కారం తగ్గుతుంది. చివరలో ఉప్పు సరిచూసుకోవాలి.
కూరలో ఒక చెంచా వెనిగర్ లేదంటే నిమ్మరసం కలిపితే కారం తగ్గుతుంది. కొద్దిగా చింతపండు గుజ్జు కలిపినాకూడా మంచి ఫలితం కనిపిస్తుంది.
ఒక ఆలుగడ్డను ఉడికించి తొక్క తీసి వేళ్లతో చిదిమి కూరలో వేసి కలిపితే కారం తగ్గుతుంది. చిటికెడు ఉప్పు చల్లితే కమ్మని రుచి వస్తుంది.
సన్నగా తరిగిన కేరట్ ముక్కలు లేదంటే కొన్ని పచ్చి బఠాణీలు వేసి కొన్ని నీళ్లు చల్లి అయిదు నిమిషాలు కూరని ఉడికిస్తే కారం తగ్గుతుంది.
స్టవ్ మీద గిన్నె పెట్టి ఒక చెంచా నూనె వేసి వేడిచేయాలి. రెండు టమాటాలను సన్నగా తరిగి అందులో వేసి కలపాలి. చిటికెడు ఉప్పు చల్లి మగ్గనివ్వాలి. తరవాత చల్లార్చి మెత్తగా గ్రైండ్ చేయాలి. ఈ మిశ్రమాన్ని కూరలో కలిపితే కారం తగ్గి చక్కని రుచి వస్తుంది.
కొత్తిమీర, చుక్కకూర లేదంటే పాలకూర ఆకులను సన్నగా తరిగి కూరలో కలిపి స్టవ్ మీద పెట్టి అయిదు నిమిషాలు మగ్గిస్తే కారం తగ్గుతుంది.
కొబ్బరి పాలు, వెన్న, పాల మీగడ, పెరుగు, పచ్చి కొబ్బరి తురుం, పుట్నాలపప్పు పొడి, బ్రెడ్ ముక్కలు, పన్నీరు ముక్కలు లాంటివి వేసి కలిపినా ప్రయోజనం ఉంటుంది.
ఈ వార్తలు కూడా చదవండి..
బీసీ గర్జన సభను మరోసారి వాయిదా వేసిన బీఆర్ఎస్
మహిళలకు ఉచిత బస్సు ప్రయాణం.. సీఎం చంద్రబాబు కీలక సూచనలు
Read Latest Telangana News And Telugu News
Updated Date - Aug 13 , 2025 | 12:38 AM
