Relieve Headache: ఇలా చేస్తే తలనొప్పి మాయం
ABN, Publish Date - Oct 06 , 2025 | 05:26 AM
ఒక్కోసారి విపరీతంగా తలనొప్పి వేధిస్తూ ఉంటుంది. అలాంటప్పుడు వెంటనే మందు బిళ్ల మింగకుండా పాటించాల్సిన చిట్కాల గురించి తెలుసుకుందాం...
ఒక్కోసారి విపరీతంగా తలనొప్పి వేధిస్తూ ఉంటుంది. అలాంటప్పుడు వెంటనే మందు బిళ్ల మింగకుండా పాటించాల్సిన చిట్కాల గురించి తెలుసుకుందాం...
తలనొప్పి ఎక్కువగా ఉన్నప్పుడు చీకటి గదిలో కొద్దిసేపు విశ్రాంతి తీసుకోవాలి. చీకటి వల్ల కళ్లు, మెదడు విశ్రాంతి పొంది వెంటనే తలనొప్పి తగ్గుతుంది.
ఒక్కోసారి శరీరంలో ఏర్పడే నిర్జలీకరణ వల్ల కూడా తలనొప్పి వస్తుంటుంది. తలనొప్పి అనిపించగానే ఒక గ్లాసు మంచి నీళ్లు తాగితే ఉపశమనంగా ఉంటుంది.
కొన్ని ఐస్ క్యూబ్స్ను చేతిరుమాలులో చుట్టి నుదిటి మీద ఉంచుకుంటే తలనొప్పి తగ్గుతుంది. చల్లటి నీళ్లతో తడిపిన తువాలును తలకు చుట్టుకున్నా ఫలితం ఉంటుంది.
గోరువెచ్చని గ్రీన్ టీ తాగినా ప్రయోజనం కనిపిస్తుంది. గ్రీన్ టీ లోని యాంటి ఆక్సిడెంట్లు ఒత్తిడిని తగ్గించి నరాల పనితీరును క్రమబద్దీకరిస్తాయి. దీంతో తలనొప్పి తగ్గుతుంది.
శరీరంలో చక్కెర స్థాయి తగ్గినా విపరీతంగా తలనొప్పి వస్తుంది. ఏదైనా పండు లేదా డ్రై ఫ్రూట్స్ తింటే సమస్య తీరుతుంది.
మెడ మీద హాట్ బ్యాగ్ పెట్టుకున్నా మెల్లగా మర్ధన చేసుకున్నా కండరాలు సడలి తలనొప్పి తగ్గుతుంది.
ఎక్కువసేపు టీవీ చూస్తున్నా; మొబైల్, ల్యాప్టా్పలను అదేపనిగా వినియోగిస్తున్నా తలనొప్పి తప్పదు. కాబట్టి స్ర్కీన్ టైమ్ను నియంత్రించుకుని సమయానుసారం వ్యాయామం చేయడం, నిద్రపోవడం అలవాటు చేసుకోవాలి. యోగ, ధ్యానం లాంటివి కూడా మంచి ఫలితాన్నిస్తాయి.
ఈ వార్తలు కూడా చదవండి...
ఏబీఎన్ ఆంధ్రజ్యోతి ఎఫెక్ట్.. ఎట్టకేలకు అమరావతిలోని సీఆర్డీఏ భవనానికి మోక్షం
వాయుగుండం ఎఫెక్ట్.. ఏపీలో భారీ వర్షాలు
Updated Date - Oct 06 , 2025 | 05:26 AM
