Air India: టెల్అవీవ్ విమానాశ్రయ సమీపంలో క్షిపణి దాడి
ABN, Publish Date - May 05 , 2025 | 05:22 AM
టెల్అవీవ్ విమానాశ్రయానికి సమీపంలో క్షిపణి దాడి జరగడంతో ఢిల్లీ నుంచి వెళ్లిన ఎయిర్ ఇండియా విమానం అబుదాబికి మళ్లించారు. ఈ దాడి నేపథ్యంలో మే 6 వరకు టెల్అవీవ్కు విమాన సేవలను నిలిపివేస్తున్నట్లు ఎయిర్ ఇండియా ప్రకటించింది.
ఢిల్లీ నుంచి టెల్అవీవ్ వెళ్తున్న విమానాన్ని అబుదాబికి మళ్లించిన ఎయిర్ఇండియా
న్యూఢిల్లీ, మే 4: ఇజ్రాయెల్ నగరం టెల్అవీవ్లోని ఓ విమానాశ్రయానికి సమీపంలో ఆదివారం ఉదయం క్షిపణి దాడి జరగడంతో ఢిల్లీ నుంచి టెల్ అవీవ్కు వెళ్తున్న తన విమానాన్ని ఎయిర్ ఇండియా అబుదాబికి మళ్లించింది. టెల్ అవీవ్లో ఎయిర్ ఇండియా బోయింగ్ 787 విమానం ఏఐ139 దిగడానికి అరగంట ముందు ఈ క్షిపణి దాడి ఘటన జరిగింది. ఈ నేపథ్యంలో ఎయిర్ ఇండియా అధికారులు అప్రమత్తమయ్యారు. మే 6 వరకు టెల్అవీవ్కు విమానాల రాకపోకలను తక్షణమే నిలిపివేసినట్టు ఎయిర్ ఇండియా తెలిపింది. టెల్అవీవ్ నుంచి ఢిల్లీకి ఆదివారం రావాల్సిన ఎయిర్ ఇండియా విమానాన్ని కూడా రద్దు చేశారు. యెమెన్ నుంచి హూతీ రెబెల్స్ ప్రయోగించిన బాలిస్టిక్ క్షిపణి టెల్అవీవ్లోని బెన్గురియన్ విమానాశ్రయం మూడో టెర్మినల్కు 75 మీటర్ల దూరంలో పడింది. దీంతో 25 మీటర్ల లోతు గొయ్యి ఏర్పడింది. కాగా క్షిపణిని అడ్డుకోవడానికి పలు ప్రయత్నాలు చేసినప్పటికీ విఫలమైనట్టు ఇజ్రాయెల్ డిఫెన్స్ ఫోర్సెస్ పేర్కొంది. క్షిపణి దాడి నేపథ్యంలో ఇజ్రాయెల్ రక్షణ మంత్రి కట్జ్ తీవ్ర హెచ్చరిక చేశారు. విమానాశ్రయదాడికి ప్రతీకారం తీర్చుకుంటామన్నారు.
ఇవి కూడా చదవండి
Pehalgam Terror Attack: ప్రధాని మోదీతో చీఫ్ ఆఫ్ ఆర్మీ స్టాఫ్ భేటీ..
India Vs Pakistan: భారత్ సైనిక సమాచారం పాక్కు చేరవేత.. ఇద్దరి అరెస్ట్
Rahul Gandhi: సిక్కుల ఊచకోతపై రాహుల్ గాంధీ స్పందన
For National News And Telugu News
Updated Date - May 05 , 2025 | 05:22 AM
