Kulgam Encounter: జమ్మూ కశ్మీర్ కుల్గాంలో ఎన్కౌంటర్..కీలక ఉగ్రవాది హతం
ABN, Publish Date - Aug 02 , 2025 | 09:25 AM
జమ్మూ కశ్మీర్లోని కుల్గాం జిల్లాలోని అఖల్ ప్రాంతంలో శుక్రవారం సాయంత్రం ప్రారంభమైన ఆపరేషన్లో సైన్యం గొప్ప విజయాన్ని సాధించింది. ఆ క్రమంలో జరిగిన ఎన్కౌంటర్లో సైనికులు ఒక ఉగ్రవాదిని హతమార్చారు.
జమ్మూ కశ్మీర్లో మన భద్రతా బలగాలు మరోసారి తమ శక్తిని చూపించాయి. కుల్గాం జిల్లాలోని అఖల్ ప్రాంతంలో శుక్రవారం సాయంత్రం జరిగిన ఒక ఎన్కౌంటర్లో మన సైన్యం ఒక కీలక ఉగ్రవాదిని హతమార్చింది. దక్షిణ కశ్మీర్లోని అటవీ ప్రాంతంలో కొంతమంది ఉగ్రవాదులు దాక్కున్నారనే సమాచారం అందింది. ఈ సమాచారం ఆధారంగా భారత సైన్యం, జమ్మూ కశ్మీర్ పోలీసులు, సెంట్రల్ రిజర్వ్ పోలీస్ ఫోర్స్ (CRPF) కలిసి ఒక సంయుక్త ఆపరేషన్ను ప్రారంభించాయి.
ఆపరేషన్ చర్యలు
ఈ ఆపరేషన్లో భాగంగా వారు అఖల్ ప్రాంతంలో సెర్చ్ ఆపరేషన్ చర్యలు చేపట్టారు. ఈ గాలింపు సమయంలో ఉగ్రవాదులు హఠాత్తుగా భద్రతా దళాలపై కాల్పులు జరిపారు. మన సైనికులు ఏమాత్రం వెనక్కి తగ్గలేదు. వారు వెంటనే ప్రతిస్పందించి, ఒక ఉగ్రవాదిని హతమార్చారు. మరో ఇద్దరి నుంచి ముగ్గురు ఉగ్రవాదులు ఆ ప్రాంతంలో దాక్కుని ఉన్నారని అనుమానం ఉంది. ఈ క్రమంలో భద్రతా దళాలు గాలింపు చర్యలను ముమ్మరం చేశాయి. ఈ ఆపరేషన్ ఇంకా కొనసాగుతోంది.
భద్రతా దళాల సమర్థత
ఈ ఘటన మన భద్రతా దళాల సమర్థతను, ధైర్యాన్ని మరోసారి రుజువు చేశాయి. ఈ ఆపరేషన్ గురించి చినార్ కార్ప్స్ X పోస్ట్లో వివరాలు షేర్ చేశారు. వారి ప్రకారం ఈ ఆపరేషన్లో భద్రతా దళాలు చాలా చాకచక్యంగా వ్యవహరించాయని చెప్పవచ్చు. మన భద్రతా దళాల విజయం గురించి మీ అభిప్రాయాలను కామెంట్ రూపంలో తెలియజేయండి.
ఇవి కూడా చదవండి
ఇలా ఇన్వెస్ట్ చేయండి..రెండేళ్లలోనే రూ. 10 లక్షలు పొందండి..
ఆగస్టులో 15 రోజులు బ్యాంకులకు సెలవులు.. ముందే ప్లాన్ చేసుకోండి
మరిన్ని జాతీయ, తెలుగు వార్తల కోసం క్లిక్ చేయండి
Updated Date - Aug 02 , 2025 | 09:30 AM
