1. • Home » Health » Home Tips Cracked Heel Remedy Sj

Cracked Heel Remedy: మడమల పగుళ్లతో ఇబ్బంది పడుతున్నారా? ఈ నివారణలను ట్రై చేస్తే పగుళ్లు మాయం.!

వర్షాకాలంలో చాలా మంది మడమల పగుళ్లతో ఇబ్బంది పడుతుంటారు. అయితే, ఈ ఇంటి నివారణలను ట్రై చేస్తే మడమల నొప్పి, పగుళ్లు రెండూ మాయమవుతాయని ఆయుర్వేద నిపుణులు చెబుతున్నారు. ఆ నివారణలు ఏంటో ఇప్పుడు తెలుసుకుందాం..

ఇంటర్నెట్ డెస్క్: వర్షాకాలంలో అనేక ఆరోగ్య సమస్యలు వచ్చే అవకాశం ఉంది. ముఖ్యంగా, పెరిగిన తేమ, నీటి నిల్వలు.. బ్యాక్టీరియా, వైరస్లు, ఇతర సూక్ష్మక్రిములు వృద్ధి చెందడానికి అనువైన వాతావరణాన్ని సృష్టిస్తాయి. దీని వలన అంటువ్యాధులు, ఇతర ఆరోగ్య సమస్యలు వచ్చే అవకాశం ఉంది. అంతేకాకుండా వర్షాకాలంలో చర్మం, ముఖ్యంగా మడమలు ఎక్కువగా ప్రభావితమవుతాయి.

పగిలిన మడమల వల్ల నొప్పి రావడమే కాకుండా నడవడం కూడా ఇబ్బంది అవుతుంది. మీరు కూడా ఇలాంటి సమస్యతో బాధపడుతున్నారా? అయితే, ఇక ఆందోళన చెందాల్సిన అవసరం లేదు. ఎందుకంటే వర్షాకాలంలో మడమల నివారణకు కొన్ని సులభమైన, ప్రభావవంతమైన ఇంటి నివారణలు ఉన్నాయి. ఇవి ట్రై చేస్తే నొప్పి, పగుళ్లు రెండూ మాయమవుతాయని ఆయుర్వేద నిపుణులు చెబుతున్నారు. ఆ నివారణలు ఏంటో ఇప్పుడు తెలుసుకుందాం..

గోరువెచ్చని నీటిలో

గోరువెచ్చని నీటిని తీసుకోండి. అందులో కొద్దిగా ఉప్పు, కొన్ని చుక్కల నిమ్మరసం కలపండి. తర్వాత మీ పాదాలను ఈ నీటిలో 15-20 నిమిషాలు ఉంచండి. ఇలా చేయడం వల్ల క్రమంగా మడమల నొప్పి, పగుళ్లు తగ్గుతాయని ఆయుర్వేద నిపుణులు చెబుతున్నారు.

కలబంద జెల్‌

పగిలిన మడమలకు కలబంద మొక్క చాలా ప్రయోజనకరంగా ఉంటుంది. రాత్రి పడుకునే ముందు మడమలపై కలబంద జెల్‌ను పూయండి. రాత్రంతా అలాగే ఉంచండి. కలబంద జెల్ సహజమైన మాయిశ్చరైజింగ్, వైద్యం లక్షణాలను కలిగి ఉంటుంది. కాబట్టి, ఇది త్వరగా మడమల పగుళ్లను తగ్గేలా చేస్తుంది.

తేనె

తేనె మన ఆరోగ్యానికి చాలా మేలు చేస్తుంది. కానీ వర్షాకాలంలో పగిలిన మడమలకు కూడా తేనె ప్రభావవంతంగా ఉంటుందని మీకు తెలుసా? గోరువెచ్చని నీటిలో తేనె కలిపి పాదాలను ఆ నీటిలో కాసేపు ఉంచితే పగిలిన మడమలు త్వరగా నయం అవుతాయని ఆయుర్వేద నిపుణులు సూచిస్తున్నారు.

అరటిపండ్లు

వర్షాకాలంలో పగిలిన మడమల కోసం అరటిపండ్లను ఉపయోగించవచ్చు. అరటిపండును మెత్తగా చేసి మడమల మీద పూయడం వల్ల పగిలిన మడమలు మృదువుగా మారుతాయి. ఇది నొప్పిని కూడా తగ్గిస్తుంది.

కొబ్బరి, పసుపు మిశ్రమం

కొబ్బరి, పసుపు మిశ్రమం పగిలిన మడమలకు మంచి ఇంటి నివారణ అని ఆయుర్వేద నిపుణులు అంటున్నారు. కొబ్బరి నూనె చర్మాన్ని తేమ చేస్తుంది. పసుపులో యాంటీ ఇన్ఫ్లమేటరీ లక్షణాలు ఉంటాయి. ఇది పగిలిన మడమలను నయం చేయడంలో సహాయపడుతుందని చెబుతున్నారు.

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు ABN ఆంధ్రజ్యోతి బాధ్యత వహించదు.)

Also Read:

రోజూ ఈ 3 సూపర్ ఫ్రూట్స్ తింటే.. రోగాలు పరార్..!

ఈ మూడు అలవాట్లు పాటిస్తే చాలు.. వృద్ధాప్యం వచ్చినా పుష్టిగా ఉంటారు.!

For More Health News