1. • Home » Health » Health Tips Five Foods That Protect Eyes Sj

Eye Health: ఈ 5 సూపర్ ఫుడ్స్ కళ్ళకు చాలా మేలు చేస్తాయి..

ఎక్కువ స్క్రీన్ సమయం కళ్లకు హాని కలిగించవచ్చు. స్క్రీన్‌ల నుండి వచ్చే నీలి కాంతి కళ్ళకు హాని కలిగిస్తుంది. ఇది దృష్టి సమస్యలు, పొడిబారిన కళ్ళు, ఇతర కంటి వ్యాధులకు దారితీస్తుంది. కాబట్టి, స్క్రీన్ సమయాన్ని తగ్గించి ఈ సూపర్ ఫుడ్స్‌తో కంటి ఆరోగ్యాన్ని కాపాడుకోండి..

కంటి ఆరోగ్యాన్ని కాపాడుకోవడం చాలా ముఖ్యం. ఎందుకంటే మన కళ్ళు చాలా విలువైనవి. అయితే, ఈ రోజుల్లో చాలా మంది ఎక్కువ సమయం స్క్రీన్‌ల ముందే గడుపుతున్నారు. అందుకే కళ్ల మీద ఒత్తిడి ఎక్కువగా పడుతోంది. అయితే, సరైన ఆహారంతో మనం కళ్ల ఆరోగ్యాన్ని కాపాడుకోవచ్చు. కాబట్టి, స్క్రీన్ సమయాన్ని తగ్గించి ఈ సూపర్ ఫుడ్స్‌తో కంటి ఆరోగ్యాన్ని కాపాడుకోండి..

క్యారెట్లు

క్యారెట్లు కళ్లకి చాలా మంచివని చెబుతుంటారు. వీటిలో బీటా-కెరోటిన్ అనే పదార్థం ఉంటుంది. ఇది మన శరీరంలోకి వెళ్లాక విటమిన్ Aగా మారుతుంది. విటమిన్ A రాత్రివేళ కనిపించడానికి, మొత్తం కంటి ఆరోగ్యానికి చాలా అవసరం. క్యారెట్లను మీరు పచ్చిగా తినొచ్చు, లేదా రసం చేసుకుని తాగొచ్చు లేదా కూరగా చేసుకుని తినవచ్చు.

పాలకూర, ఇతర ఆకుకూరలు

పాలకూర, తోటకూర, ముల్లంగికూర లాంటి ఆకుకూరల్లో లుటీన్, జియాక్సంతిన్ అనే పదార్థాలు ఉంటాయి. ఇవి కళ్లను హానికరమైన కాంతి (బ్లూ లైట్, UV) నుండి రక్షిస్తాయి. వయస్సు పెరిగే కొద్దీ వచ్చే కంటి సమస్యలను (మాక్యులర్ డీజెనరేషన్, కంటిశుక్లం) నివారించడంలో సహాయపడతాయి.

సిట్రస్ పండ్లు

నారింజ, ముసంబి, నిమ్మకాయ, ద్రాక్ష లాంటి పండ్లలో విటమిన్ C పుష్కలంగా ఉంటుంది. ఇది ఒక శక్తివంతమైన యాంటీఆక్సిడెంట్. ఇది కళ్లలో ఉండే రక్తనాళాలను ఆరోగ్యంగా ఉంచుతుంది. కంటిశుక్లం వచ్చే అవకాశాన్ని కూడా తగ్గిస్తుంది.

గుడ్లు

గుడ్లు, ముఖ్యంగా గుడ్డులోని పచ్చసొన కళ్లకు చాలా మంచిది. దీనిలో విటమిన్ A, లుటీన్, జియాక్సంతిన్, జింక్ ఉంటాయి. ఇవన్నీ కంటి నుండే మాక్యులర్ డీజెనరేషన్, కంటిశుక్లం లాంటి వ్యాధుల నుంచి కళ్లను రక్షించడంలో సహాయపడతాయి.

బాదం, పిస్తా గింజలు

బాదం, పిస్తా లాంటి గింజలలో విటమిన్ E ఉంటుంది. ఇది కళ్ల కణాలను నష్టపోకుండా కాపాడుతుంది. వయస్సుతో వచ్చే కంటి సమస్యల వేగాన్ని తగ్గిస్తుంది. ప్రతిరోజూ గుప్పెడు గింజలు తినడం వల్ల మంచి ఫలితాలు ఉంటాయి. మీరు రోజూ ఆహారంలో వీటిని చేర్చుకుంటే, మీ కళ్లు ఆరోగ్యంగా ఉండటంలో మీకు సహాయపడతాయి. అలాగే, కళ్లకి విశ్రాంతినివ్వడం కూడా మర్చిపోకండి. ప్రతి 20 నిమిషాలకు 20 అడుగుల దూరం చూస్తూ 20 సెకన్లు బ్రేక్ ఇవ్వండి.

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు ABN ఆంధ్రజ్యోతి బాధ్యత వహించదు.)

Also Read:

ప్రీ-డయాబెటిస్‌ నయం చేసేందుకు 10 మార్గాలు..

ప్యాకింగ్ ఫుడ్ కొనేముందు ఈ 5 తప్పక చెక్ చేయాలి..

For More Health News