Cambridge Dictionary Word: కేంబ్రిడ్జ్ డిక్షనరీ 'ఇయర్ ఆఫ్ ద వర్డ్' ఏమిటంటే.?
ABN, Publish Date - Nov 18 , 2025 | 08:16 PM
ప్రఖ్యాత ఇంగ్లీష్ నిఘంటువు సంస్థలు ఏడాదికోసారి 'వర్డ్ ఆఫ్ ద ఇయర్'ను విడుదల చేస్తుంటాయి. ఆక్స్ఫర్డ్, కేంబ్రిడ్జ్, కొలిన్స్ లాంటి డిక్షనరీలు ఇందులో బాగా ప్రాచుర్యం పొందాయి. అలా కేంబ్రిడ్జ్ విడుదల చేసిన తాజా జాబితాలో ఈ ఏడాదికి గానూ 'పారాసోషల్' అనే పదం నిలిచింది. ఈ పదం అర్థం ఏంటి? ఎందుకు ఈ పదం ఇయర్ ఆఫ్ ద వర్డ్గా ఎన్నికైందో? ఆ వివరాలు మీకోసం...
ఇంటర్నెట్ డెస్క్: కొత్తగా పుట్టుకొస్తున్న పదాలకు అర్థాలను తెలియజేయడంలో డిక్షనరీ(Dictionary)లు మనకు ఎంతగానో సహకరిస్తాయి. అలాంటి నిఘంటువు సంస్థల్లో ప్రముఖమైనవి కొన్ని.. ఏటా ఒకపదం చొప్పున ఎంచుకుని 'వర్డ్ ఆఫ్ ద ఇయర్'గా ప్రకటిస్తుంటాయి. అలా కేంబ్రిడ్జ్ డిక్షనరీ(Cambridge Dictionary) సంస్థ 2025 ఏడాదికి గానూ 'పారాసోషల్(Parasocial)' అనే పదానికి ఈ జాబితాలో చోటు కల్పించింది(Word of the Year for 2025). 'పారాసోషల్' అంటే ఎవరైనా తమకు తెలియని ప్రముఖ వ్యక్తితో సంబంధమున్నట్టు భావించడం లేదా దానికి సంబంధించినది అని కేంబ్రిడ్జ్ నిర్వచించింది. సెలబ్రిటీలు, ఇన్ఫ్లుయెన్సర్లు సహా ఏఐ చాట్బాట్లతో ప్రజలు ఏర్పరచుకునే ఏకపక్ష పారాసోషల్ సంబంధాలపై ఆసక్తితోనే ఈ పదాన్ని గుర్తించినట్టు సంబంధిత అధికారులు వెల్లడించారు.
మరో 6వేల పదాలకూ చోటు
2025లో 'డెలులు', 'స్లాప్', 'స్కిబిడి', 'ట్రాడ్వైఫ్' వంటి 6 వేల కొత్త పదాలు కేంబ్రిడ్జ్ నిఘంటువులో చోటు దక్కించుకున్నట్టు అధికారులు పేర్కొన్నారు. గాయకులు టేలర్ స్విఫ్ట్, అమెరికన్ ఫుట్బాలర్ ట్రావిస్ కెల్స్(Taylor Swift and Travis Kelce) వంటి ప్రముఖులు.. తమ నిశ్చితార్థాన్ని ప్రకటించాక చాలామంది అభిమానులు వారిరువురూ దగ్గరి అనుబంధం కల్గినవారిగా భావించారు. నిజానికి గతంలో వారెప్పుడూ కలవలేదు. ఇలాంటి వాటితో మిలియన్ల మంది అభిమానులు సంబంధం కలిగిఉన్నారు. ఇలా మనస్తత్వవేత్తలు తారలతో 'పారాసోషల్' బంధాలుగా వర్ణించే వాటికి దారితీసింది. ఓ వ్యక్తి అసంపూర్ణత, ఒప్పుకోలు స్వభావం నిజమైన స్నేహితులను భర్తీచేస్తాయని, ఇలానే పారాసోషల్ సంబంధాలను ఉత్తేజపరుస్తున్నట్టు అధికారులు వెల్లడించారు. ఏఐ బాట్లతో పారాసోషల్ సంబంధాల ఆవిర్భావంతో ప్రజలు ChatGPTని నమ్ముతూ.. దాంతో స్నేహంగా ఉండటం, మరికొందరు సమీప భాగస్వామిగానూ ఉన్నట్టు భావించారు. ఇవి వినియోగదారులకు భావోద్వేగపరంగా అర్థవంతమైన, కొన్ని సందర్భాల్లో ఇబ్బందికరమైన బంధాల పరిణామాలు ఆందోళనలు రేకెత్తించినట్టు అధికారులు పేర్కొన్నారు.
అందుకే.. పారాసోషల్
'పారాసోషల్' 2025 కాలమానాన్ని సంగ్రహిస్తుందని అధికారులు వెల్లడించారు. భాష ఎలా మారుతుందో చెప్పడానికి ఇదో గొప్ప ఉదాహరణ అని.. ఒకప్పుడు ప్రత్యేకంగా పిలుచుకున్న ఒక పదం తర్వాత జనజీవన స్రవంతిలో ప్రధాన పదంగా మారిందని వివరించారు. అలా ప్రస్తుతం.. లక్షలాది మంది పారాసోషల్ సంబంధాలలో నిమగ్నమై ఉన్నాయన్నారు. కేంబ్రిడ్జ్ డిక్షనరీ వెబ్సైట్లో పారాసోషల్ కోసం శోధించేవారిలో పెరుగుదల కనిపిస్తుండటంతో డేటా దానిని ప్రతిబింబిస్తోందని పేర్కొన్నారు. సమాజం, సంస్కృతి మారుతున్న కొలదీ.. పారాసోషల్ దృగ్విషయాల చుట్టూ ఉన్న భాష వేగంగా అభివృద్ధి చెందుతోంది. ప్రముఖుల నుంచి చాట్బాట్ల వరకూ పారాసోషల్ పోకడలు భాష అభివృద్ధిపై ఆసక్తి ఉన్నవారికి ఆకర్షణీయంగా ఉంటాయని వారు చెప్పుకొచ్చారు.
మరికొన్ని ప్రముఖ పదాలు
పారాసోషల్ అనే పదం 1956 నాటిది. చికాగో విశ్వవిద్యాలయ సామాజిక శాస్త్రవేత్తలు డోనాల్డ్ హోర్టన్, రిచర్డ్ వోల్ టెలివిజన్ ప్రేక్షకులు తెరపై వ్యక్తిత్వాలతో నాటి కాలంలోనే 'పారాసోషల్' సంబంధాలలో నిమగ్నమై ఉన్నారని గమనించారు. అప్పుడు వారు నిజమైన కుటుంబ భావనతో సన్నిహితంగా ఉన్నారు. అలా 2025లో దీర్ఘకాలికంగా ఆన్లైన్లో ఉన్న వారు తమకు తెలిసినట్లుగా భావించే యూట్యూబర్లు, ఇన్ఫ్లుయెన్సర్లతో పారాసోషల్ సంబంధాలను పెంచుకున్నారు. అలా కేంబ్రిడ్జ్ విశ్వవిద్యాలయంలో పారాసోషల్ అనే పదం వర్డ్ ఆఫ్ ద ఇయర్ కోసం ఎంపికైనట్టు కేంబ్రిడ్జి యూనివర్సిటీ సామాజిక మనస్తత్వశాస్త్ర ప్రొఫెసర్ సైమన్ ష్నాల్ వివరించారు.
2025లో గణనీయమైన ప్రభావాన్ని చూపిన ఇతర పదాలలో 'స్లాప్', 'సూడోనిమైజేషన్', 'వైబే', 'బ్రీత్ వర్క్', 'డూమ్స్పెండింగ్', 'మెమీఫై' వంటి పదాలున్నాయి.
ఇవీ చదవండి:
Northern Lights: మీరెప్పుడైనా 'అరోరా బొరియాలిసిస్' చూశారా.?
Maithili Thakur: బీహార్ ఎన్నికలు.. ఆ ఘనత సాధించిన తొలి వ్యక్తి మైథిలీ ఠాకూర్
Updated Date - Nov 18 , 2025 | 09:50 PM
