Karthika Masam 2025: కార్తీక మాసంలో దీపాలను ఎందుకు దానం చేయాలి? దాని ప్రాముఖ్యత తెలుసుకోండి
ABN, Publish Date - Oct 18 , 2025 | 10:48 AM
కార్తీక మాసంలో దీపాలను దానం చేయడం చాలా శుభప్రదమని అంటారు. అయితే, దీపాలను ఎందుకు దానం చేయాలి? దాని ప్రాముఖ్యత ఏంటో ఇప్పుడు తెలుసుకుందాం..
ఇంటర్నెట్ డెస్క్: కార్తీక మాసంలో దీప దానం చేయడం వల్ల ఆరోగ్యం, సంపద, శాంతి వంటి ప్రయోజనాలు లభిస్తాయి. ఈ మాసంలో దీపాలను దానం చేయడం అత్యంత పవిత్రమైనదిగా భావిస్తారు. దీనివల్ల పాపాలు తొలగిపోయి, కోరికలు నెరవేరుతాయని నమ్ముతారు.
కార్తీక మాసంలో దీప దానం ప్రాముఖ్యత
పాప పరిహారం: ఈ మాసంలో చేసే దీపదానం వల్ల తెలిసీ తెలియక చేసిన పాపాలు తొలగిపోతాయి.
ఆరోగ్య ప్రయోజనాలు: అనారోగ్య సమస్యల నుండి విముక్తి లభించి సంపూర్ణ ఆరోగ్యం సిద్ధిస్తుంది.
ఆధ్యాత్మిక వృద్ధి: అజ్ఞానాన్ని తొలగించి జ్ఞానాన్ని ప్రసాదించమని కోరుతూ దీపదానం చేస్తారు. ఇది ఆధ్యాత్మిక వృద్ధిని పెంచుతుంది.
లక్ష్మీ కటాక్షం: దీపదానం వల్ల శ్రీలక్ష్మీదేవి అనుగ్రహం లభిస్తుంది.
అనుకూల శక్తులు: ప్రతికూల శక్తులు తొలగిపోయి, ఇంట్లో సానుకూల శక్తులు ప్రవహిస్తాయి.
కోరికల నెరవేర్పు: ప్రతి పనిలో అనుకూలత లభించి సకల మనోభీష్టాలు నెరవేరుతాయి.
మోక్ష ప్రాప్తి: దీపదానం ద్వారా మోక్షాన్ని పొందవచ్చని నమ్మకం.
దీప దానం ఎలా చేయాలి?
గోధుమ పిండిలో బెల్లం, ఆవు పాలు కలిపి పిండి దీపాన్ని తయారు చేయాలి.
స్వయంగా పత్తిని వత్తులుగా తయారు చేయాలి.
పిండి దీపంలో వత్తులు ఉంచి, ఆవు నెయ్యి లేదా నువ్వుల నూనె పోసి వెలిగించాలి.
ఇలా వెలిగించిన దీపాన్ని ఆలయాల్లో లేదా అవసరమైన వారికి దానం చేయాలి.
కార్తీక మాసంలో ఎప్పుడైనా దీప దానం చేయవచ్చు, ముఖ్యంగా కార్తీక సోమవారాలు మరింత విశిష్టమైనవి.
సూర్యోదయ సమయంలో లేదా సూర్యాస్తమయం తర్వాత సాయంత్రం వేళల్లో దీప దానం చేయవచ్చు.
Also Read:
ధన త్రయోదశి.. లక్ష్మీ దేవి, కుబేరుడి ఆశీస్సుల కోసం ఇలా చేయండి
జాగ్రత్త.. దీపాలు వెలిగించేటప్పుడు ఈ తప్పులు చేయకండి
For More Latest News
Updated Date - Oct 18 , 2025 | 10:48 AM
