Today Horoscope: ఈ రాశి వారు టెలివిజన్, విద్య, ఆడిటింగ్, ప్రకటనల రంగాలు వృత్తి విషయాల్లో ఆచితూచి వ్యవహరించాలి
ABN, Publish Date - Jan 02 , 2026 | 12:29 AM
నేడు రాశిఫలాలు 2-01-2026 - శుక్రవారం, మార్కెటింగ్, రవాణా, బోధన, కమ్యూనికేషన్ రంగాల వారు నిదానం పాటించాలి....
నేడు రాశిఫలాలు 2-01-2026 - శుక్రవారం, మార్కెటింగ్, రవాణా, బోధన, కమ్యూనికేషన్ రంగాల వారు నిదానం పాటించాలి.
మేషం (మార్చి 21 - ఏప్రిల్ 20 మధ్య జన్మించిన వారు)
మార్కెటింగ్, రవాణా, బోధన, కమ్యూనికేషన్ రంగాల వారు నిదానం పాటించాలి. ఇంటర్వ్యూలలో లక్ష్య సాధనకు అధికంగా శ్రమించాలి. విద్యార్థులు అశ్రద్ధ కారణంగా సరైన ఫలితాలు అందుకోలేకపోతారు. పెద్దల సహకారంతో లక్ష్యాలు సాధిస్తారు. దుర్గామాతను ఆరాధించండి.
వృషభం (ఏప్రిల్ 21 - మే 20 మధ్య జన్మించిన వారు)
విదేశీ ప్రయాణాలు, పైచదువులకు అవసరమైన నిధులు సకాలంలో అందక ఇబ్బంది పడతారు. బ్యాంకులు, ఆర్థిక సంస్థల వారికి కొంత నిరుత్సాహకరంగా ఉంటుంది. ఆర్థిక విషయాల్లో మీ వ్యూహాలు ఫలిస్తాయి. కనకధారా స్తోత్ర పారాయణ శుభప్రదం.
మిథునం (మే 21-జూన్ 21 మధ్య జన్మించిన వారు)
మూచ్యువల్ ఫండ్స్, పొదుపు పథకాల విషయంలో జాగ్రత్తగా నిర్ణయాలు తీసుకోవాలి. ఆర్థిక విషయాల్లో కొత్త పథకాల అమలును వాయిదా వేయడం మంచిది. పన్నులు, బీమా వ్యవహారాల్లో ప్రోత్సాహకరంగా ఉంటుంది. అమ్మవారి ఆరాధన మేలు చేస్తుంది.
కర్కాటకం (జూన్ 22 - జూలై 23 మధ్య జన్మించిన వారు)
ఉన్నత విద్య, విదేశీ వ్యవహారాల్లో ఆటంకాలు ఎదురయ్యే అవకాశం ఉంది. ఎగుమతులు, ఫొటోగ్రఫీ, టెక్స్టైల్స్, సినిమాలు, రాజకీయ రంగాల వారికి అనుకూల సమయం. సమావేశాల్లో సత్ఫలితాలు సాధిస్తారు. లలితా పరమేశ్వరిని ఆరాధించండి.
సింహం ( జూలై 24 - ఆగస్టు 23 మధ్య జన్మించిన వారు)
ఉద్యోగ, వ్యాపారాల్లో ఆర్థికంగా అసౌకర్యం కలిగే అవకాశం ఉంది. ఆర్థిక విషయాల్లో తొందరపాటు నిర్ణయాల వల్ల నష్టపోతారు. సమావేశాల్లో ఇబ్బందులు తలెత్తుతాయి. విందు వినోదాలు, వేడుకలు ఉల్లాసం కలిగిస్తాయి. అమ్మవారి ఆరాధన శుభప్రదం.
కన్య (ఆగస్టు 24-సెప్టెబరు 23 మధ్య జన్మించిన వారు)
టెలివిజన్, విద్య, ఆడిటింగ్, ప్రకటనల రంగాల వారు వృత్తి విషయాల్లో ఆచితూచి వ్యవహరించాలి. ఉద్యోగ, వ్యాపారాల్లో మీ ప్రతిభకు తగిన గుర్తింపు లభించకపోవడంతో నిరుత్సాహానికి గురవుతారు. ప్రియతములు, చిన్నారుల వ్యవహారాల్లో శుభపరిణామాలు సంభవం. దుర్గామాత అష్టక పారాయణ శుభప్రదం.
తుల (సెప్టెంబరు 24 - అక్టోబరు 23 మధ్య జన్మించిన వారు)
ఉన్నత విద్య కోసం చేసే ప్రయత్నాలకు ఆటంకాలు ఎదురవుతాయి. సమావేశాలు, ప్రయాణాల్లో కొంత అసౌకర్యం కలిగే అవకాశం ఉంది. న్యాయపరమైన చిక్కులు ఎదురవుతాయి. బృందకార్యక్రమాలు ఆనందం కలిగిస్తాయి. లలితా దేవి ఆరాధన మేలు చేస్తుంది.
వృశ్చికం (అక్టోబరు 24 - నవంబరు 22 మధ్య జన్మించిన వారు)
పన్నులు, పెట్టుబడులకు సంబంధించిన చర్చల్లో ఆచితూచి వ్యవహరించాలి. విలువైన పత్రాలు అందుకుంటారు. సన్నిహితుల ఆరోగ్యం పట్ల శ్రద్ధ చూపించాలి. వైద్య కోసం ఖర్చు చేస్తారు. వ్యవసాయం, పరిశ్రమల రంగాల వారు ముఖమైన సమాచారం అందుకుంటారు. కనకధారా స్తోత్ర పారాయణ శుభప్రదం.
ధనుస్సు (నవంబరు 23- డిసెంబరు 21 మధ్య జన్మించిన వారు)
వేడుకల్లో పాల్గొంటారు. విలువైన వస్తువులు కొనుగోలు చేస్తారు. ఆర్థిక విషయాల్లో శ్రీవారు, శ్రీమతి వైఖరి ఆవేదన కలిగిస్తుంది. పెట్టుబడుల విషయంలో కీలక నిర్ణయాలకు అనుకూలం కాదు. ఆర్థిక పరిస్థితి మెరుగుపడుతుంది. లక్ష్మీదేవి ఆరాధన శుభప్రదం.
మకరం (డిసెంబరు 22-జనవరి 20 మధ్య జన్మించిన వారు)
ఉద్యోగ వ్యాపారాల్లో సన్నిహితుల సహకారం లోపిస్తుంది. వ్యవసాయం, పరిశ్రమల రంగాల వారు ఆర్థిక విషయాల్లో ఆచితూచి వ్యవహరించాలి. విందు వినోదాలు ఉల్లాసం కలిగిస్తాయి. సౌందర్య లహరీ పారాయణ శుభప్రదం.
కుంభం (జనవరి 21 - ఫిబ్రవరి 19 మధ్య జన్మించిన వారు)
టెలివిజన్, క్రీడలు, ఆడిటింగ్, విద్యా సంస్థల వారు ఆర్థిక విషయాల్లో నిదానం పాటించాలి. దూరప్రాంతంలో ఉన్న ప్రియతముల నుంచి ఆందోళనకరమైన సమాచారం అందుకోవాల్సి రావచ్చు. ప్రియతములు, చిన్నారుల వైఖరి ఉల్లాసం కలిగిస్తుంది. గాయత్రీ మాతను ఆరాధించండి.
మీనం(ఫిబ్రవరి 20 - మార్చి 20 మధ్య జన్మించిన వారు)
రియల్ ఎస్టేట్, నిర్మాణ రంగాల వారు పెట్టుబడులను సమీక్షించుకుంటారు. బదిలీలు, మార్పులు కొంత అసౌకర్యం కలిగించే అవకాశం ఉంది. ఆర్థిక విషయాల్లో కుటుంబ సభ్యుల సహకారం అందుకుంటారు. కనకధారా స్తోత్ర పారాయణ శుభప్రదం.
శ్రీ బిజుమళ్ల బిందుమాధవ శర్మ సిద్ధాంతి
Updated Date - Jan 02 , 2026 | 12:29 AM
