Mahindra: మహీంద్రా థార్ డాల్బీ అట్మాస్తో వినూత్న ఆడియో అనుభవం
ABN, Publish Date - May 30 , 2025 | 10:25 PM
మహీంద్రా థార్ రాక్స్ ఎస్యూవీ ఆటోమోటివ్ రంగంలో ఒక సరికొత్త ట్రెండ్ను సెట్ చేస్తోంది. ప్రపంచంలోనే తొలిసారిగా డాల్బీ అట్మాస్ సౌండ్ టెక్నాలజీతో వస్తున్న ఎస్యూవీ ఇది.
ముంబయి: మహీంద్రా థార్ రాక్స్ ఎస్యూవీ ఆటోమోటివ్ రంగంలో ఒక సరికొత్త ట్రెండ్ను సెట్ చేస్తోంది. ప్రపంచంలోనే తొలిసారిగా డాల్బీ అట్మాస్ సౌండ్ టెక్నాలజీతో వస్తున్న ఎస్యూవీ ఇది. మహీంద్రా డాల్బీ ల్యాబొరేటరీస్ భాగస్వామ్యం థార్ రాక్స్ ఏఎక్స్7ఎల్ వేరియంట్కు ఈ ప్రీమియం ఆడియో ఫీచర్ను తీసుకువచ్చింది. కారు లోపలి భాగాన్ని వ్యక్తిగత కచేరీ హాల్గా మార్చడం ఈ ఆడియో సిస్టమ్ ముఖ్య ఉద్దేశం. డాల్బీ అట్మాస్ థార్ రాక్స్ డ్రైవింగ్ అనుభవానికి పూర్తి స్థాయి ఆడియో ఫీలింగ్ని అందిస్తుంది. ఈ ఎస్యూవీలోని ఇన్ఫోటైన్మెంట్ సిస్టంలో గానా యాప్ ని చేర్చారు. దీని ద్వారా వినియోగదారులు పాటలను సులభంగా వినగలరు. 9-స్పీకర్ హర్మాన్ కార్డాన్ ఆడియో సిస్టంతో పాటు, డాల్బీ అట్మాస్ నాలుగు ఛానెళ్ల అత్యద్భుత ఆడియోను అందిస్తుంది. థార్ రాక్స్ భారత విపణిలో మంచి ఆదరణ పొందింది.
పెరిగిన ఉత్పత్తి..
గత సంవత్సరం ఆగస్టులో విడుదలైనప్పటి నుండి దీని ఉత్పత్తిని మహీంద్రా గణనీయంగా పెంచింది. థార్ రాక్స్, మూడు డోర్ల థార్ కలిపి 2.5 లక్షల యూనిట్లకు పైగా విక్రయాలు జరిగాయి. ఉత్పత్తి పెంపు కారణంగా థార్ రాక్స్ కోసం వేచి ఉండే సమయం గతంలో 18 నెలలు ఉండగా, ఇప్పుడు గరిష్టంగా ఆరు నెలలకు తగ్గింది. థార్ రాక్స్ ధరలు రూ.12.99 లక్షల నుండి రూ.23.39 లక్షల (ఎక్స్-షోరూమ్ ధరలు) వరకు ఉంటాయి. ఇది రెండు శక్తివంతమైన పవర్ట్రైన్ ఎంపికలు అందిస్తుంది: అవి 2.0-లీటర్ టర్బో-పెట్రోల్ ఇంజిన్ 2.2-లీటర్ డీజిల్ ఇంజిన్. పెట్రోల్ ఇంజిన్ 6-స్పీడ్ మాన్యువల్ గేర్బాక్స్తో 161.8బిహెచ్పి శక్తి 330ఎన్ఎమ్ టార్క్ ఇస్తుంది. 6-స్పీడ్ టార్క్ కన్వర్టర్ ఆటోమేటిక్ గేర్బాక్స్ 176.8బిహెచ్పి శక్తి 380ఎన్ఎమ్ టార్క్ ఉత్పత్తి చేస్తుంది. డీజిల్ ఇంజిన్ రెండు ట్రాన్స్మిషన్ ఎంపికలతో వస్తుంది. మాన్యువల్ 152.1బిహెచ్పి శక్తి 330ఎన్ఎమ్ టార్క్ ఇస్తుంది. ఆటోమేటిక్ రెండు ట్యూన్లలో వస్తుంది – ఒకటి మాన్యువల్ ఇంజిన్ శక్తిని అందిస్తే, మరొకటి 174.8బిహెచ్పి శక్తి 370 ఎన్ఎమ్ టార్క్ ఉత్పత్తి చేస్తుంది.
Updated Date - May 30 , 2025 | 10:28 PM
