IPL 2025 SRH vs KKR: ఢిల్లీలో లాస్ట్ ఫైట్.. ఇరు జట్లలో కీలక ఆటగాళ్లు వీరే
ABN, Publish Date - May 25 , 2025 | 05:48 PM
గతేడాది ఐపీఎల్-2024 ఫైనల్ మ్యాచ్లో తడబడిన సన్రైజర్స్ హైదరాబాద్, కోల్కతా నైట్ రైడర్స్ జట్లు ఈ సీజన్ టైటిల్ ఫేవరెట్లుగా బరిలోకి దిగాయి. అయితే అనూహ్యంగా తడబడ్డాయి. పేలవ ప్రదర్శనతో నిరాశపరిచాయి.
గతేడాది ఐపీఎల్-2024 ఫైనల్ మ్యాచ్లో తడబడిన సన్రైజర్స్ హైదరాబాద్, కోల్కతా నైట్ రైడర్స్ జట్లు ఈ సీజన్ టైటిల్ ఫేవరెట్లుగా బరిలోకి దిగాయి. అయితే అనూహ్యంగా తడబడ్డాయి. పేలవ ప్రదర్శనతో నిరాశపరిచాయి. ఇప్పటివరకు ఈ రెండు జట్లు చెరో 13 మ్యాచ్లు ఆడి ఐదేసి విజయాలు మాత్రమే సాధించాయి. ఇప్పటికే ఈ సీజన్ ప్లే ఆఫ్స్ రేసు నుంచి నిష్క్రమించాయి. ఈ రోజు ఈ సీజన్లో ఈ రెండు జట్లు చివరి మ్యాచ్ ఆడేస్తున్నాయి.
ఈ రోజు ఢిల్లీలోని అరుణ్ జైట్లీ స్టేడియంలో సన్రైజర్స్ హైదరాబాద్, కోల్కతా నైట్ రైడర్స్ (SRH VS KKR) జట్లు ఈ సీజన్లో తమ చివరి మ్యాచ్ ఆడబోతున్నాయి. ఈ మ్యాచ్లో గెలిచే జట్టు పాయింట్ల పట్టికలో కాస్త పైకి చేరుకునే అవకాశం ఉంది. హైదరాబాద్ గత రెండు మ్యాచ్ల్లోనూ రాయల్ ఛాలెంజర్స్ బెంగళూరు, లఖ్నవూ సూపర్ జెయింట్స్ జట్లను ఓడించి ఫామ్లోకి వచ్చింది. మరోవైపు కోల్కతా గత ఐదు మ్యాచ్ల్లో రెండింట్లో గెలిచింది. ఈ ఇరు జట్లలో కూడా బలమైన ఆటగాళ్లు ఉన్నారు. సునీల్ నరైన్, డికాక్, రహానే, అయ్యర్, రింకూతో కూడిన బలమైన బ్యాటింగ్ లైనప్ ఉంది.
అభిషేక్ శర్మ, ఇషాన్ కిషన్, హెన్రిచ్ క్లాసెన్, ప్యాట్ కమిన్స్ సన్రైజర్స్ జట్టుకు కీలక ఆటగాళ్లు. కమిన్తో పాటు హర్షల్ పటేల్, ఉనద్కత్, అన్సారీ వంటి బౌలర్లు ప్రత్యర్థులను కట్టడి చేస్తున్నారు. ఇక, వరుణ్ చక్రవర్తి, సునీల్ నరైన్, రస్సెల్తో కూడిన కోల్కతా బౌలింగ్ విభాగం కూడా చెప్పుకోదగిన స్థాయిలోనే రాణిస్తోంది. మరి, ఈ రెండు జట్లలో ఏ జట్టు ఈ సీజన్ను విజయంతో ముగిస్తారో చూడాలి.
తుది జట్లు:
సన్రైజర్స్ హైదరాబాద్ (అంచనా): అభిషేక్ శర్మ, ట్రావిస్ హెడ్, ఇషాన్ కిషన్, హెన్రిచ్ క్లాసెన్, అనికేత్ వర్మ, హర్ష్ దూబే, అభినవ్ మనోహర్, ప్యాట్ కమిన్స్, హర్షల్ పటేల్, జయదేశ్ ఉనద్కత్, ఎషాన్ మలింగ
కోల్కతా నైట్ రైడర్స్ (అంచనా): సునీల్ నరైన్, డికాక్, రహ్మనుల్లా గుర్జాబ్, రహానే, రఘువంశీ, అండ్రూ రస్సెల్, రింకూ సింగ్, రమణ్ దీప్ సింగ్, హర్షిత్ రాణా, వైభవ్ అరోరా, వరుణ్ చక్రవర్తి, శివమ్ శుక్లా
ఇవీ చదవండి:
మరిన్ని క్రీడా, తెలుగు వార్తల కోసం క్లిక్ చేయండి
Updated Date - May 25 , 2025 | 05:48 PM
