IPL 2025, LSG vs GT: లఖ్నవూదే మ్యాచ్.. గుజరాత్పై గెలుపు
ABN, Publish Date - May 22 , 2025 | 11:46 PM
అటు బ్యాటింగ్లోనూ, ఇటు బౌలింగ్లోనూ రాణించిన లఖ్నవూ సూపర్ జెయింట్స్ ఎట్టకేలకు ఓ విజయాన్ని తన ఖాతాలో వేసుకుంది. టేబుల్ టాప్ జట్టు అయిన గుజరాత్ టైటాన్స్పై సాధికారిక విజయాన్ని సాధించింది. 33 పరుగుల తేడాతో గెలుపొందింది.
అటు బ్యాటింగ్లోనూ, ఇటు బౌలింగ్లోనూ రాణించిన లఖ్నవూ సూపర్ జెయింట్స్ ఎట్టకేలకు ఓ విజయాన్ని తన ఖాతాలో వేసుకుంది. టేబుల్ టాప్ జట్టు అయిన గుజరాత్ టైటాన్స్పై సాధికారిక విజయాన్ని సాధించింది. 33 పరుగుల తేడాతో గెలుపొందింది. ఓపెనర్ మిచెల్ మార్ష్ (117) అద్భుత సెంచరీతో చెలరేగడంతో లఖ్నవూ సూపర్ జెయింట్స్ టీమ్ భారీ స్కోరు సాధించింది. అనంతరం మెరుగ్గా బౌలింగ్ చేసిన లఖ్నవూ.. గుజరాత్ను కట్టడి చేసింది. ఈ రోజు అహ్మదాబాద్లోని నరేంద్ర మోదీ స్టేడియంలో గుజరాత్ టైటాన్స్, లఖ్నవూ సూపర్ జెయింట్స్ జట్లు తలపడుతున్నాయి (LSG vs GT).
టాస్ గెలిచిన గుజరాత్ టైటాన్స్ కెప్టెన్ శుభ్మన్ గిల్ బౌలింగ్ ఎంచుకున్నాడు. దీంతో లఖ్నవూ జట్టు బ్యాటింగ్కు దిగింది. బ్యాటింగ్కు అనుకూలిస్తున్న పిచ్పై లఖ్నవూ ఓపెనర్లు చెలరేగారు. మార్క్రమ్ (36) తో కలిసి తొలి వికెట్కు మార్ష్ 91 పరుగులు జోడించాడు. భారీ సిక్స్లు, ఫోర్లతో హోరెత్తించాడు. 64 బంతుల్లో 8 సిక్స్లు, 10 ఫోర్లతో 117 పరుగులు చేశాడు. ఈ సీజన్తో తొలి సెంచరీ చేశాడు. మార్క్రమ్ అవుట్ అయిన తర్వాత క్రీజులోకి వచ్చిన నికోలస్ పూరన్ మరో అర్ధశతకం సాధించాడు. 23 బంతుల్లోనే హాఫ్ సెంచరీ చేశాడు. చివర్లో పంత్ (16) కీలక పరుగులు చేశాడు. దీంతో లఖ్నవూ నిర్ణీత 20 ఓవర్లలో రెండు వికెట్లు మాత్రమే కోల్పోయి 235 పరుగులు చేసింది.
236 పరుగుల భారీ విజయ లక్ష్యంతో బరిలోకి దిగిన గుజరాత్ బ్యాటర్లు వేగంగా ఆడడంలో విఫలమయ్యారు. తాజా సీజన్లో వరుసగా రాణిస్తూ వచ్చిన టాపార్డర్ ఆశించిన స్థాయిలో రాణించలేకపోయింది. సాయి సుదర్శన్ (21), గిల్ (35), జాస్ బట్లర్ (33) మంచి ఆరంభాలను సద్వినియోగం చేసుకోలేకపోయారు. మిడిలార్డర్ బ్యాటర్ షారూక్ ఖాన్ (57) హాఫ్ సెంచరీ చేశాడు. అయితే సాధించాల్సిన లక్ష్యం కొండంత ఉండడంతో గుజరాత్ ఏ దశలోనూ విజయం దిశగా సాగలేకపోయింది. చివరకు నిర్ణీత 20 ఓవర్లలో 9 వికెట్లు కోల్పోయి 202 పరుగులు మాత్రమే చేయగలిగింది. 33 పరుగుల తేడాతో ఓటమి పాలైంది. లఖ్నవూ బౌలర్లో రూర్కీ మూడు వికెట్లు తీశాడు. ఆవేష్ ఖాన్, ఆయుష్ బదోనీ రెండేసి వికెట్లు తీశారు.
ఇవీ చదవండి:
బీసీసీఐపై ఫ్రాంచైజీలు సీరియస్!
మరిన్ని క్రీడా, తెలుగు వార్తల కోసం క్లిక్ చేయండి
Updated Date - May 22 , 2025 | 11:46 PM
