Polycystic kidney disorder: మూత్రపిండాల మీద ఓ కన్నేసి...
ABN, Publish Date - Dec 02 , 2025 | 04:24 AM
కొన్ని జన్యుపరమైన వ్యాధులు, వేర్వేరు అవయవాలను కబళిస్తాయి. అలాంటిదే... ఆటోసోమల్ డామినెంట్ పాలీసిస్టిక్ కిడ్నీ డిసీజ్. ప్రధానంగా మూత్రపిండాలు, కాలేయం, పేగులు, గుండె, మెదడు రక్తనాళాలను ప్రభావితం చేసే ఈ ప్రాణాంతక వ్యాధి గురించీ, నివారణ చర్యల గురించీ తెలుసుకుందాం....
కొన్ని జన్యుపరమైన వ్యాధులు, వేర్వేరు అవయవాలను కబళిస్తాయి. అలాంటిదే... ఆటోసోమల్ డామినెంట్ పాలీసిస్టిక్ కిడ్నీ డిసీజ్. ప్రధానంగా మూత్రపిండాలు, కాలేయం, పేగులు, గుండె, మెదడు రక్తనాళాలను ప్రభావితం చేసే ఈ ప్రాణాంతక వ్యాధి గురించీ, నివారణ చర్యల గురించీ తెలుసుకుందాం!
ప్రతి వెయ్యి మందిలో ఒకరికి ఈ వ్యాధి ఉంటుంది. ఒక తరం నుంచి మరొక తరానికి జన్యుపరంగా సంక్రమిస్తుంది. తల్లితండ్రుల్లో ఒకరికి ఈ వ్యాధి ఉన్నప్పుడు, పిల్లలకు సంక్రమించే అవకాశాలు 50 శాతం మేరకు ఉంటాయి. తరాలు మారేకొద్దీ వ్యాధి తీవ్రత, ఉధృతి మరింత పెరుగుతుంది. కాబట్టి సకాలంలో వ్యాధిని గుర్తించి, నివారణ చర్యలు పాటించాలి. ఈ రుగ్మతను సమూలంగా అరికట్టే వీలు లేకపోయినప్పటికీ, ఉధృతిని అడ్డుకుని మూత్రపిండాలను కాపాడుకోగలిగే వీలుంది. జన్యు చికిత్సలు, ఆర్ఎన్ఎ ఆధారిత చికిత్సలతో మెరుగైన ఫలితాలుంటాయని పరిశోధనల్లో స్పష్టమైంది.
ఆటోసోమల్ డామినెంట్ పాలీసిస్టిక్ కిడ్నీ డిసీజ్లో...
ద్రవంతో నిండిన చిన్నపాటి తిత్తులు క్రమేపీ కిడ్నీలోని కణజాలాన్ని ఆక్రమిస్తాయి. దాంతో ఫిల్టర్ల స్థానంలో బెలూన్లను పోలిన తిత్తులు ఏర్పడతాయి
ఏళ్లు గడిచేకొద్దీ కిడ్నీలు పూర్తిగా వాచిపోయి, వాటి పనితీరు కుంటుపడుతుంది
సగానికి పైగా రోగులు కిడ్నీ మార్పిడి, డయాలసిస్ దశకు చేరుకుంటారు
కొందరికి కాలేయ సమస్యలు, మరికొందరికి మెదడు సమస్యలూ తలెత్తుతాయి
ఎటువంటి ముందస్తు హెచ్చరిక లేకుండా ప్రాణాంతక పరిస్థితి తలెత్తవచ్చు
గుండె కవాట లోపాలు, మూత్రపిండాల్లో రాళ్లు, హెర్నియా కూడా వేధించవచ్చు
లక్షణాల మీద ఓ కన్నేసి...
ఆటోసోమల్ డామినెంట్ పాలీసిస్టిక్ కిడ్నీ డిసీజ్ వ్యాధిని సకాలంలో గుర్తించాలంటే బయల్పడే లక్షణాలను జాగ్రత్తగా గమనించుకుంటూ ఉండాలి. ఎక్కువ మందికి 30 లేదా 40 ఏళ్ల వయసులో లక్షణాలు బయల్పడడం మొదలుపెడతాయి. అవేంటంటే....
వెన్ను లేదా డొక్కలో నొప్పి
కడుపు నిండిన భావన
మూత్రంలో రక్తం
తలనొప్పి
ఎడిపికెడి నియంత్రణ ఇలా...
రక్తపోటును నియంత్రణలో ఉంచుకోవాలి
వ్యాధి తొలి దశలో రోజుకు 2 నుంచి 3 లీటర్ల నీళ్లు తాగాలి
కాఫీ తగ్గించాలి. కాఫీ వ్యాధి తీవ్రత పెరుగుతుంది
ఈస్ట్రోజన్ కలిగిన గర్భనిరోధక మాత్రలు మానేయాలి
కిడ్నీ పనితీరు మెరుగ్గానే ఉన్నప్పటికీ, తరచూ వైద్యులను కలిసి పరీక్షలు చేయించుకుంటూ ఉండాలి
కిడ్నీలు 50 శాతం దెబ్బతినేవరకూ ఆగకుండా ప్రారంభంలోనే చికిత్స మొదలుపెడితే, కిడ్నీలు పూర్తిగా విఫలమయ్యే ప్రమాదం
తప్పుతుంది
ఇలా అప్రమత్తం
కుటుంబ చరిత్రలో ఎడిపికెడి ఉంటే, అల్ర్టాసౌండ్, ఎమ్మారై పరీక్షలు చేయించుకోవాలి. ఫలితాల్లో సిస్టులు ఉన్నట్టు తేలితే, వెంటనే చికిత్స మొదలుపెట్టాలి
టోల్డాప్టాన్ అనే ఔషథంతో వైద్యులు మూత్రపిండాల వైఫల్యాన్ని అరికట్టగలుగుతున్నారు. ధర ఎక్కువే అయినప్పటికీ ఈ ఔషథంతో డయాలసి్సను కొన్నేళ్లపాటు వాయిదా వేయవచ్చు
ఈ వ్యాధి ఉన్న జంటలు గర్భానికి ముందే ఐవిఎఫ్, ప్రీ ఇంప్లాంటేషన్ జెనెటిక్ డయాగ్ససిస్ ద్వారా అండాలను పరీక్షించుకుని వ్యాధికి ఆస్కారం లేని అండాలతోనే గర్భం దాల్చాలి.
Updated Date - Dec 02 , 2025 | 04:24 AM
