Fire incident: వృద్ధాశ్రమంలో అగ్నిప్రమాదం..16మంది మృతి
ABN, Publish Date - Dec 30 , 2025 | 03:52 AM
ఇండోనేషియాలో భారీ అగ్నిప్రమాదం జరిగింది. సులవేసీ ద్వీపంలోని ఓ వృద్ధాశ్రమంలో ఆదివారం ఒక్కసారిగా మంటలు చెలరేగడంతో ...
జకార్తా, డిసెంబరు 29: ఇండోనేషియాలో భారీ అగ్నిప్రమాదం జరిగింది. సులవేసీ ద్వీపంలోని ఓ వృద్ధాశ్రమంలో ఆదివారం ఒక్కసారిగా మంటలు చెలరేగడంతో 16మంది వృద్ధులు సజీవ దహనమయ్యారు. తీవ్రంగా గాయపడ్డ ముగ్గురు వ్యక్తులు ఆసుపత్రుల్లో చికిత్స పొందుతున్నారు. స్థానిక కాలమానం ప్రకారం ఆదివారం రాత్రి 8:30గంటలకు అగ్నిమాపక సిబ్బందికి సమాచారం అందింది. వారు వెంటనే ఘటనాస్థలికి చేరుకుని సహాయక చర్యలు ప్రారంభించారు. భారీ ఎత్తున మంటలు ఎగిసిపడటంతో ఆ ప్రాంతమంతా దట్టమైన పొగ అలుముకుంది. రాత్రి సమయం కావడంతో వృద్ధులంతా తమ గదుల్లో నిద్రిస్తున్నారని, మంటలు వేగంగా వ్యాపించడంతో చాలామంది బయటకు రాలేక అక్కడికక్కడే మృతి చెందారని అధికారులు తెలిపారు. అధికారులు, స్థానికులు సకాలంలో స్పందించి 12మందిని బయటకు తీసుకురాగలిగారు.
Updated Date - Dec 30 , 2025 | 03:52 AM
