1. • Home » Health » These are tha Kidney Disease Symptoms Sj

Kidney Disease Symptoms: మీ కిడ్నీ సరిగ్గా పనిచేస్తుందా లేదా.. రోజూ ఇంట్లో ఇలా చెక్ చేసుకోండి..

చాలా సార్లు మన శరీరం మూత్రపిండాలు ఇబ్బంది పడుతున్నట్లు లేదా దెబ్బతిన్నట్లు సంకేతాలను చూపిస్తుంది. కానీ మనం దానిని నిర్లక్ష్యం చేస్తాం. అయితే, మీ కిడ్నీ సరిగ్గా పనిచేస్తుందా లేదా? అనే విషయాన్ని ప్రతిరోజూ ఇంట్లో ఇలా చెక్ చేసుకోండి..

Kidney Disease Symptoms : శరీరాన్ని ఆరోగ్యంగా ఉంచుకోవడానికి అన్ని అవయవాలు సరిగ్గా పనిచేయడం ముఖ్యం. వీటిలో ఒకటి మూత్రపిండాలు. ఇది మన రక్తాన్ని శుద్ధి చేయడమే కాకుండా శరీరం నుండి మురికిని కూడా తొలగిస్తాయి. చాలా సార్లు మన శరీరం మూత్రపిండాలు ఇబ్బంది పడుతున్నాయని లేదా దెబ్బతిన్నాయని సూచిస్తుంది. కానీ మనం దానిని పట్టించుకోము. అయితే, మీ కిడ్నీ సరిగ్గా పనిచేస్తుందా లేదా? అనే విషయాన్ని ప్రతిరోజూ ఇంట్లో ఇలా చెక్ చేసుకోవచ్చని నిపుణులు చెబుతున్నారు.

కాళ్ళలో వాపు

కాళ్ళలో వాపు మూత్రపిండాలు దెబ్బతిన్నప్పుడు కనిపించే ప్రారంభ లక్షణం. ఉదయం నిద్ర లేచినప్పుడు పాదాలపై లేదా ముఖంపై వాపు కనిపిస్తుంది. మూత్రంలో అధిక మొత్తంలో ప్రోటీన్ ఉండటం వల్ల ఇది జరుగుతుంది. ఇది మూత్రపిండాలను దెబ్బతీస్తుంది.

మూత్రంలో నురుగు

ఉదయం నిద్రలేచిన తర్వాత మొదటిసారి మూత్ర విసర్జన చేసేటప్పుడు నురుగు రావడం సాధారణం. కానీ పదే పదే ఇలా జరిగితే అది మూత్రపిండాల సమస్యకు సంకేతం కావచ్చు.

మూత్రంలో రక్తం

మూత్రంలో రక్తస్రావం అనేది మూత్రాశయ క్యాన్సర్ అనే ప్రాణాంతక వ్యాధికి సంకేతం కావచ్చు. మీరు కూడా ఇలాంటి సమస్యతో మీరు ఇబ్బంది పడుతుంటే వైద్యుడిని సంప్రదించడం మంచిది.

ఆకలి లేకపోవడం

ఆకలి లేకపోవడం, అలసట సాధారణ లక్షణాలు. కానీ, మూత్రపిండాల వ్యాధి ప్రారంభ దశలో ఉన్నప్పుడు కూడా ఈ లక్షణాలు కనిపించవచ్చు. ఇది రక్తహీనత పరిస్థితి కారణంగా జరుగుతుంది.

మూత్ర పరిమాణంలో మార్పు

తక్కువ మూత్రం, ఎక్కువ మూత్రం రెండూ అసాధారణ పరిస్థితిని సూచిస్తాయి. అటువంటి సందర్భంలో, మూత్రపిండాల పరీక్షించుకోవడం మంచిది.

వీటిపై కూడా శ్రద్ధ వహించండి

శ్వాస తీసుకోవడంలో ఇబ్బంది, నోటి రుచిలో మార్పు, దుర్వాసన, మూత్ర విసర్జన చేస్తున్నప్పుడు మంట, బరువు తగ్గడం, నిద్ర లేకపోవడం మొదలైనవి కూడా మూత్రపిండాల నష్టాన్ని సూచిస్తాయి.

శరీరంలో మూత్రపిండాల పనితీరు

మూత్రపిండాలు శరీరాన్ని శుద్ధి చేయడానికి పనిచేస్తాయి. అవి మూత్రం ద్వారా శరీరం నుండి వ్యర్థాలు, విషపదార్థాలు, అదనపు ద్రవాన్ని తొలగిస్తాయి. శరీరంలో సోడియం, పొటాషియం, కాల్షియం సమతుల్యతను కాపాడుకోవడంలో మూత్రపిండాలు ముఖ్య పాత్ర పోషిస్తాయి. ఇది రక్తపోటును నియంత్రించడంలోనూ సహాయపడుతాయి.

Also Read:

రోజూకు రెండు గుడ్లు తింటే ఏం జరుగుతుంది..

పుట్టగొడుగులతో రక్తహీనతకు గుడ్‌బై చెప్పండి..

For More Health News