Health Tips: ఖాళీ కడుపుతో పాలు లేదా టీ తాగితే ఏం జరుగుతుంది..
ABN, Publish Date - Jun 14 , 2025 | 01:18 PM
ఉదయం చాలా మంది ఖాళీ కడుపుతో టీ లేదా పాలు తాగడం సాధారణం. అయితే, ఖాళీ కడుపుతో పాలు లేదా టీ తాగితే ఏం జరుగుతుంది? అలా తాగడం మంచిదేనా? ఈ విషయంపై నిపుణులు ఏం చెబుతున్నారో ఇప్పుడు తెలుసుకుందాం..
Health Tips: ఉదయం చాలా మంది ముందుగా ఒక కప్పు టీ లేదా ఒక గ్లాసు పాలు తాగడానికి ఇష్టపడతారు. అయితే, ఖాళీ కడుపుతో పాలు లేదా టీ తాగడం మంచిది కాదని కొంత మంది అంటారు. దీని వల్ల పలు ఆరోగ్య సమస్యలు వస్తాయని చెబుతున్నారు. అయితే, ఈ విషయంపై నిపుణులు ఏం చెబుతున్నారో ఇప్పుడు తెలుసుకుందాం..
ఖాళీ కడుపుతో టీ తాగడం వల్ల కడుపులో ఆమ్లత్వం పెరుగుతుంది. ఇది గ్యాస్, గుండెల్లో మంట వంటి సమస్యలను కలిగిస్తుందని నిపుణులు చెబుతున్నారు. మరోవైపు పాలు ఆరోగ్యానికి మంచివని చాలా మంది ఉదయాన్నే తాగుతారు. కానీ, అందరి జీర్ణవ్యవస్థ ఒకేలా ఉండదు. లాక్టోస్ అసహనం ఉన్నవారి శరీరంలో పాలలో ఉండే చక్కెరను జీర్ణం చేయడానికి తగినంత ఎంజైమ్లు ఉత్పత్తి కావు. అలాంటి వారు ఖాళీ కడుపుతో పాలు తాగడం వల్ల గ్యాస్, జీర్ణ సమస్యలు వస్తాయి.
ఏం చేయాలి?
మీరు ఉదయం నిద్రలేచిన వెంటనే ముందుగా గోరువెచ్చని నీరు లేదా నిమ్మకాయ-తేనె నీరు తాగాలి.
టీ లేదా పాలు తాగే ముందు బిస్కెట్లు, ఖర్జూరాలు లేదా పండ్లు వంటి తేలికైన వాటిని తినండి.
మీరు లాక్టోస్ అసహనం కలిగి ఉంటే బాదం పాలు తీసుకోండి.
టీకి బదులుగా హెర్బల్ లేదా గ్రీన్ టీ తీసుకోండి.
మీరు గ్యాస్, ఉబ్బరం లేదా గుండెల్లో మంట వంటి సమస్యలతో బాధపడుతుంటే ఉదయం ఖాళీ కడుపుతో పాలు లేదా టీ తాగే అలవాటు మానుకోవడం మంచిది. కొన్ని మార్పులు మీ జీర్ణవ్యవస్థను మెరుగుపరుస్తాయి.
Updated Date - Jun 14 , 2025 | 02:55 PM
