1. • Home » Health » Eating Two eggs Health Benefits Sj

Eggs: రోజూకు రెండు గుడ్లు తింటే ఏం జరుగుతుంది..

ప్రతి రోజూ రెండు గుడ్లు తినడం ఆరోగ్యానికి మంచిదని నిపుణులు చెబుతున్నారు. గుడ్లు అనేక పోషకాలతో నిండి ఉంటాయని, ఇవి మన ఆరోగ్యానికి ఎంతో ప్రయోజనకరంగా ఉంటాయని అంటున్నారు.

Eggs: గుడ్లు చాలా ఆరోగ్యకరమైనవి. వీటిలో పోషకాలు పుష్కలంగా ఉంటాయి. ఒక గుడ్డులో దాదాపు 70 కేలరీలు, 6 గ్రాముల ప్రోటీన్, 5 గ్రాముల కొవ్వు, విటమిన్ ఎ, డి, బి 12, రిబోఫ్లేవిన్, ఫోలేట్, ఫాస్పరస్ వంటి ముఖ్యమైన విటమిన్లు, ఖనిజాలు ఉంటాయి. మెదడు ఆరోగ్యానికి కీలకమైన కోలిన్‌ను కూడా అందిస్తాయి. అయితే, రోజుకు ఎన్ని గుడ్లు తినాలి? రోజుకు రెండు గుడ్లు తింటే ఆరోగ్యానికి మంచిదేనా? ఈ విషయాలపై నిపుణులు ఏమంటున్నారో ఇప్పుడు తెలుసుకుందాం..

ప్రోటీన్

గుడ్లు ప్రోటీన్‌కు మూలం. ఒక గుడ్డులో దాదాపు 6 గ్రాముల ప్రోటీన్ ఉంటుంది. ఈ ప్రోటీన్ మీ శరీర కణజాలాలను నిర్మించడానికి, మరమ్మత్తు చేయడానికి అవసరమైన అన్ని అమైనో ఆమ్లాలను అందిస్తుంది. ప్రతిరోజూ రెండు గుడ్లు తినడం వల్ల ప్రోటీన్ లభిస్తుందని ఇది కండరాల పెరుగుదలకు ఉపయోగపడుతుందని నిపుణులు చెబుతున్నారు.

గుండె ఆరోగ్యం

గుండె ఆరోగ్యానికి గుడ్లు ప్రయోజనకరంగా ఉంటాయని నిపుణులు చెబుతున్నారు. రోజుకు రెండు గుడ్లు తినడం వల్ల గుండె వ్యాధులు, పక్షవాతం వచ్చే ప్రమాదాన్ని తగ్గించుకోవచ్చని చెబుతున్నారు. గుడ్డులోని పోషకాలు, ముఖ్యంగా కోలిన్, గుండె పనితీరును మెరుగుపరుస్తాయి. అయితే, గుండె సమస్యతో బాధపడేవారు గడ్డులోని సోనాని తినడం మంచిది కాదని నిపుణులు చెబుతున్నారు.

కంటి ఆరోగ్య ప్రయోజనాలు

గుడ్లలోని పచ్చసొనలో యాంటీఆక్సిడెంట్లు పుష్కలంగా ఉంటాయి. ఈ యాంటీఆక్సిడెంట్లు రెటీనాలో పేరుకుపోయి మీ కళ్ళను హానికరమైన నీలి కాంతి నుండి రక్షించడంలో సహాయపడతాయి. గుడ్లు క్రమం తప్పకుండా తీసుకోవడం వల్ల కంటి వ్యాధుల ప్రమాదం తగ్గుతుంది.

బరువు నిర్వహణ

బరువు తగ్గడానికి గుడ్లు తినడం మంచిదని నిపుణులు అంటున్నారు. ఎందుకంటే గుడ్లు ప్రోటీన్, విటమిన్లు, ఖనిజాలతో నిండి ఉంటాయి. ఇవి బరువు తగ్గడానికి సహాయపడతాయి. గుడ్లు తక్కువ కేలరీలతో ఉంటాయి. అందువల్ల కడుపు నిండిన భావన కలుగుతుంది. ఎక్కువగా తినకుండా నియంత్రిస్తుంది.

ఎముకల ఆరోగ్యం

గుడ్లలో ఎముకల ఆరోగ్యానికి అవసరమైన విటమిన్ డి ఉంటుంది. బలమైన ఎముకలు, దంతాలను నిర్వహించడానికి అవసరమైన ఖనిజమైన కాల్షియంను మీ శరీరం గ్రహించడానికి విటమిన్ డి సహాయపడుతుంది. రోజూ గుడ్లు తినడం వల్ల అనేక ప్రయోజనాలు ఉన్నప్పటికీ, రెండు కంటే ఎక్కువగా తినడం మంచిది కాదని నిపుణులు చెబుతున్నారు.