LIC Two Endowment Policies: ఎల్ఐసీ నుంచి కొత్త పాలసీలు
ABN, Publish Date - Jul 06 , 2025 | 02:51 AM
ప్రభుత్వ రంగంలోని భారతీయ జీవిత బీమా కార్పొరేషన్ (ఎల్ఐసీ).. మరో రెండు కొత్త ఎండోమెంట్ పాలసీలు ప్రారంభించింది. నవ జీవన్ శ్రీ, నవ జీవన్ శ్రీ సింగిల్ ప్రీమియం పేరుతో ప్రారంభించిన ఈ రెండు పాలసీలు...
ప్రభుత్వ రంగంలోని భారతీయ జీవిత బీమా కార్పొరేషన్ (ఎల్ఐసీ).. మరో రెండు కొత్త ఎండోమెంట్ పాలసీలు ప్రారంభించింది. నవ జీవన్ శ్రీ, నవ జీవన్ శ్రీ సింగిల్ ప్రీమియం పేరుతో ప్రారంభించిన ఈ రెండు పాలసీలు పొదుపుతో పాటు పాలసీదారులకు ఆర్థిక భద్రత కల్పిస్తాయని తెలిపింది. ఆయా వ్యక్తుల జీవిత కాలంలో వివిధ అవసరాలకు అనుగుణంగా చాలినంత మూలధనాన్ని సమకూర్చేలా ఈ రెండు పాలసీలను రూపొందించారు. ప్రస్తుత వడ్డీ రేట్ల ఆటుపోట్లను దృష్టిలో ఉంచుకుని పాలసీ కాలంలో హామీతో కూడిన అదనపు మొత్తాలకూ వీలు కల్పించారు. ఈ రెండు పాలసీల ప్రత్యేకతలు.
నవ జీవన్ శ్రీ పాలసీ
ఇది ఒక లిమిటెడ్ పీరియడ్ ఎండోమెంట్ ప్లాన్
ప్రీమియం చెల్లింపు కాలపరిమితి 6,8,10,12 సంవత్సరాలు
30 రోజుల నుంచి 60 సంవత్సరాల వరకు వయసు ఉన్న వారు ఎవరైనా ఈ పాలసీ తీసుకోవచ్చు
పాలసీ కనీస కాలపరిమితి 10 నుంచి 16 సంవత్సరాలు.
పాలసీ గరిష్ట కాలపరిమితి 20 సంవత్సరాలు.
కనీస బీమా హామీ మొత్తం రూ.5 లక్షలు. గరిష్ఠ పరిమితి లేదు.
నవ జీవన్ శ్రీ సింగిల్ ప్రీమియం
30 రోజుల నుంచి 60 సంవత్సరాల వరకు వయసున్న వారు ఎవరైనా ఈ పాలసీ తీసుకోవచ్చు
ఆప్షన్-1 కింద కనీస మెచ్యూరిటీ వయసు 18 సంవత్సరాలు. గరిష్ట మెచ్యూరిటీ వయసు 75 సంవత్సరాలు
ఆప్షన్-2 కింద మెచ్యూరిటీ వయసు 60వ పుట్టిన రోజుకు దగ్గరలో ఉండాలి
పాలసీ కనీస గడువు ఐదేళ్లు, గరిష్ఠ గడువు 20 సంవత్సరాలు
కనీస బీమా హామీ మొత్తం రూ.లక్ష. గరిష్ఠ బీమా హామీ మొత్తానికి పరిమితి లేదు.
ఇవి కూడా చదవండి
ఆస్తే లేనప్పుడు మనీలాండరింగ్ ఎక్కడిది?
పవర్ జోలికొస్తే... పవర్ పోతుంది
Updated Date - Jul 06 , 2025 | 02:55 AM
