Intel Reduces Workforce: ఇంటెల్లో 20 శాతం ఉద్యోగాల కోత
ABN, Publish Date - Apr 24 , 2025 | 03:14 AM
అమెరికా చిప్ దిగ్గజం ఇంటెల్ ఉద్యోగులను 20 శాతం వరకు తగ్గించనున్నది. వ్యాపార పునర్వ్యవస్థీకరణలో భాగంగా ఈ నిర్ణయం తీసుకున్నట్లు సమాచారం
న్యూఢిల్లీ: అమెరికా చిప్ తయారీ దిగ్గజం ఇంటెల్ వ్యాపార పునర్వ్యవస్థీకరణలో భాగంగా భారీగా ఉద్యోగులను తొలగించేందుకు సిద్ధమవుతోందని సమాచారం. తద్వారా కంపెనీ సిబ్బందిని 20 శాతం వరకు తగ్గించుకోవాలనుకుంటున్నట్లు బ్లూంబర్గ్ కథనం పేర్కొంది. ఇందుకు సంబంధించి ఈ వారంలోనే అధికారిక ప్రకటన వెలువడే అవకాశం ఉంది. ఎన్విడియా నుంచి గట్టి పోటీ ఎదుర్కొంటున్న ఇంటెల్ ప్రస్తుతం ఆర్థిక ఇబ్బందులు ఎదుర్కొంటోంది. వ్యాపారాన్ని తిరిగి గాడిలో పెట్టే బాధ్యతలను కొత్త సారథి లిప్-బు టాన్ చేతుల్లో పెట్టింది. ఈ మార్చిలో కంపెనీ పగ్గాలు చేపట్టిన టాన్.. ఉన్నతాధికార విభాగాన్ని క్రమబద్ధీకరించడంతోపాటు సంస్థలో ఇంజనీర్ల ప్రాధాన్యాన్ని పెంచేందుకు శ్రీకారం చుట్టారు. వ్యయాలను తగ్గించుకునేందుకు ఉద్యోగాల కోతలపైనా దృష్టి సారించినట్లు తెలిసింది.
Updated Date - Apr 24 , 2025 | 03:15 AM
