కొండెక్కిన పసిడి

ABN, Publish Date - Apr 17 , 2025 | 03:45 AM

పసిడి మార్కెట్‌లో ర్యాలీ కొనసాగుతోంది. 10 గ్రాముల మేలిమి (24 కేరట్స్‌) బంగారం ధర రూ.లక్షకు చేరువవుతోంది. బుధవారం ఢిల్లీ మార్కెట్‌లో రికార్డు స్థాయిలో రూ.98,100కు చేరింది...

రూ.లక్షకు చేరువలో ధర

న్యూఢిల్లీ: పసిడి మార్కెట్‌లో ర్యాలీ కొనసాగుతోంది. 10 గ్రాముల మేలిమి (24 కేరట్స్‌) బంగారం ధర రూ.లక్షకు చేరువవుతోంది. బుధవారం ఢిల్లీ మార్కెట్‌లో రికార్డు స్థాయిలో రూ.98,100కు చేరింది. మంగళవారంతో పోలిస్తే ఇది రూ.1,650 ఎక్కువ. కిలో వెండి ధర సైతం రూ.1,900 లాభంతో రూ.99,400కు చేరింది. ఈ నెల 11 తర్వాత పసిడి ధర ఒకే రోజు ఈ స్థాయిలో పెరగడం ఇదే మొదటి సారి. తెలుగు రాష్ట్రాలతో పాటు దేశంలోని ఇతర ప్రధాన నగరాల్లోనూ పసిడి ధర మండుతోంది. అంతర్జాతీయ మార్కెట్‌లోనూ ఔన్స్‌ (31.10 గ్రాములు) బంగారం రికార్డు స్థాయిలో 3,328 డాలర్లకు చేరింది. ఈ సంవత్సరం ఇప్పటి వరకు 10 గ్రాముల మేలిమి బంగారం ధర రూ.18,710 (23.56 శాతం) పెరిగింది. పసిడి ధర చుక్కలంటడానికి ఈ కింది అంశాలు ప్రధానంగా దోహదం చేస్తున్నాయి.