Congress: కొండా దంపతులను కలిసిన కడియం శ్రీహరి కుమార్తె కావ్య..
ABN, Publish Date - Apr 02 , 2024 | 09:51 AM
కాంగ్రెస్ పార్టీలో చేరిన అనంతరం కడియం శ్రీహరి, ఆయన కుమార్తె కడియం కావ్య సోమవారం అటవీ, పర్యావరణ, దేవాదాయ ధర్మాదాయశాఖ మంత్రి కొండా సురేఖ, ఆమె భర్త కొండా మురళిని వారి నివాసంలో మర్యాదపూర్వకంగా కలిశారు. ఈ సందర్భంగా రాష్ట్రంలో నెలకొన్న తాజా రాజకీయ పరిస్థితులపై చర్చించారు. కాంగ్రెస్ పార్టీ బలోపేతం అవుతున్న తీరు, ప్రజల్లో పార్టీకి పెరుగుతున్న ఆదరణ, లోక్సభ ఎన్నికల్లో అనుసరించాల్సిన వ్యూహాలు తదితర అంశాలపై వారు అభిప్రాయాలను పంచుకున్నారు.
కాంగ్రెస్ పార్టీలో చేరిన అనంతరం కడియం శ్రీహరి, ఆయన కుమార్తె కడియం కావ్య సోమవారం మంత్రి కొండా సురేఖ, ఆమె భర్త కొండా మురళిని వారి నివాసంలో మర్యాదపూర్వకంగా కలిసి పుష్పగుచ్చములు అందజేస్తున్న దృశ్యం.
తన నివాసానికి వచ్చిన కడియం శ్రీహరికి నుదుట బొట్టు పెడుతున్న అటవీ, పర్యావరణ, దేవాదాయ ధర్మాదాయశాఖ మంత్రి కొండా సురేఖ..
కడియం శ్రీహరి, ఆయన కుమార్తె కడియం కావ్యాలను మంత్రి కొండా సురేఖ దంపతులు నూతన వస్త్రములు పెట్టి సన్మానిస్తున్న దృశ్యం.
కడియం శ్రీహరి, ఆయన కుమార్తె కడియం కావ్యాలకు మంత్రి కొండా సురేఖ, ఆమె భర్త కొండా మురళి మొక్కను అందాజేస్తున్న దృశ్యం.
వర్ధన్నపేట ఎమ్మెల్యే కె.ఆర్. నాగరాజును సోమవారం కడియం శ్రీహరి ఆయన కుమార్తె కావ్య కలిసిన దృశ్యం.
పశ్చిమ ఎమ్మెల్యే నాయిని రాజేందర్ రెడ్డిని కడియం శ్రీహరి ఆయన కూతురు కావ్య కలిసి పుష్పగుచ్చములు అందజేస్తున్న దృశ్యం.
Updated Date - Apr 02 , 2024 | 09:51 AM
