Lucknow: యూపీలో నడిరోడ్డుపై దారుణం.. ఇదేనా మీ నారీ శక్తి అంటూ బీజేపీపై మండిపడ్డ టీఎంసీ
ABN, Publish Date - Apr 14 , 2024 | 07:05 PM
పుణ్యక్షేత్రానికి వెళ్లిన ఓ యాత్రికురాలిని నడి రోడ్డుపై ఓ యువకుడు వేధించాడు. ఈ ఘటన తాలూకూ దృశ్యాలు సీసీ కెమెరాల్లో రికార్డ్ అయ్యాయి. పశ్చిమ బెంగాల్ అధికార పార్టీ టీఎంసీ ఈ ఘటనపై స్పందించింది.
లక్నో: పుణ్యక్షేత్రానికి వెళ్లిన ఓ యాత్రికురాలిని నడి రోడ్డుపై ఓ యువకుడు వేధించాడు. ఈ ఘటన తాలూకూ దృశ్యాలు సీసీ కెమెరాల్లో రికార్డ్ అయ్యాయి. పశ్చిమ బెంగాల్ అధికార పార్టీ టీఎంసీ ఈ ఘటనపై స్పందించింది.
ఇదేనా మీ నారీ శక్తి మోదీజీ అంటూ మండిపడింది. పోలీసులు తెలిపిన వివరాల ప్రకారం.. పశ్చిమబెంగాల్‌కి చెందిన ఓ యువతి తన కుటుంబ సభ్యులతో మధురకు వచ్చింది. అక్కడున్న ఆలయాలను సందర్శిస్తూ మరో ప్రాంతానికి వెళ్తుండగా ఓ యువకుడు వేధించాడు. చేతిలో బిడ్డ ఉన్నా ఆమె వెంట పడి బలవంతంగా ముద్దుపెట్టుకున్నాడు. ఆమె అతడి బారి నుంచి తప్పించుకునేందుకు ప్రయత్నించింది.
ఆ తర్వాత అక్కడి నుంచి నిందుడుడు పారిపోయాడు. ఆ ప్రాంతంలోని సీసీటీవీలో రికార్డైన ఈ వీడియో సోషల్‌ మీడియాలో వైరల్‌‌గా మారింది. ఈ సంఘటన అనంతరం ఆ మహిళ తన కుటుంబంతో కలిసి బెంగాల్‌కు వెళ్లిపోయింది. కాగా, ఈ విషయంపై గ్రామ పెద్దలు పంచాయితీ నిర్వహించారు.
దీంతో తన తప్పుకు క్షమాపణలు కోరిన అతడు చెప్పుతో కొట్టుకున్నాడు. తప్పును అంగీకరించడంతో గ్రామ పెద్దలు అతడ్ని వదిలేశారు. అయితే ఈ ఘటనపై టీఎంసీ మండిపడింది. ప్రధాని మోదీ తరచూ చెప్పే నారీ శక్తి ఇదేనా అని ఆ పార్టీ నేతలు ప్రశ్నించారు. బీజేపీ అధికారంలో ఉన్న రాష్ట్రంలో ఇలాంటి ఘటన జరగడం సిగ్గు చేటని విమర్శించారు. పాలకులు నేరస్థులైతే.. ఇలాంటి ఘటనలే చోటు చేసుకుంటాయని తీవ్ర ఆరోపణలు చేశారు.
మరిన్ని వార్తల కోసం ఇక్కడ క్లిక్ చేయండి
Updated Date - Apr 14 , 2024 | 07:06 PM
