చల్లగా ఉండయ్య..
ABN, Publish Date - Apr 26 , 2025 | 10:58 PM
అది నారాయణపేట జిల్లా కేంద్రంలోని సత్యనారాయణ చౌరస్తా.. శనివారం మిట్ట మధ్యాహ్నం వేళ.. ఎండ దంచికొడుతోంది.. అక్కడికి వచ్చిన ఓ వృద్ధురాలు దాహంతో అల్లాడుతోంది.. ఎవరిని అడగాలో అర్థం కాక చుట్టూ చూసింది..
అది నారాయణపేట జిల్లా కేంద్రంలోని సత్యనారాయణ చౌరస్తా.. శనివారం మిట్ట మధ్యాహ్నం వేళ.. ఎండ దంచికొడుతోంది.. అక్కడికి వచ్చిన ఓ వృద్ధురాలు దాహంతో అల్లాడుతోంది.. ఎవరిని అడగాలో అర్థం కాక చుట్టూ చూసింది.. అక్కడే ఓ ట్రాఫిక్ కానిస్టేబుల్ కనిపించాడు.. అతన్ని చూడగానే ఆమెకు ప్రాణం లేచివచ్చినట్లయ్యింది.. అయ్యా అంటూ అతన్ని పిలిచింది.. దగ్గరగా వచ్చిన కానిస్టేబుల్తో దీనంగా దూపయితుంది, గుక్కెడు మంచి నీళ్లు కావాలయ్య అని అడిగింది.. వెంటనే కానిస్టేబుల్ దగ్గరలో ఉన్న చలివేంద్రం వద్దకు వెళ్లి, ఓ బాటిల్లో నీళ్లు తెచ్చి ఆమెకు ఇచ్చాడు.. దాహంతో గొంతు ఎండుకుపోయిన ఆ వృద్ధురాలు గబగబా నీళ్లు తాగింది.. తర్వాత కానిస్టేబుల్ వైపు కృతజ్ఞతగా చూస్తూ, చల్లగా ఉండయ్యా అని దీవించింది.. ఆ మాటలకు కానిస్టేబుల్ నవ్వుకుంటూ వెళ్లిపోయాడు.. ఈ దృశ్యాన్ని చూసిన పలువురు కానిస్టేబుల్ మానవత్వానికి మనసులోనే సెల్యూట్ చేశారు..
- నారాయణపేట
Updated Date - Apr 26 , 2025 | 10:58 PM
