BIG NEWS: వారికి రేషన్ కార్డులు రద్దు!
ABN, Publish Date - Aug 03 , 2025 | 06:25 AM
రేషన్ కార్డుల జాబితా నుంచి అనర్హుల ఏరివేతకు కేంద్రం ఆదేశాలు జారీ చేసింది. పాత, కొత్త రేషన్ కార్డులకు ఇది ఇబ్బందిగా మారింది. ఆదాయపు పన్ను చెల్లిస్తూ రేషన్ పొందుతుంటే రేషన్ కార్డు తొలగించడం ఖాయమని తెలుస్తుంది.
ఆగస్టు 3 (ఆంధ్రజ్యోతి): రేషన్ కార్డుల జాబితా నుంచి అనర్హుల ఏరివేతకు కేంద్రం ఆదేశాలు జారీ చేసింది. పాత, కొత్త రేషన్ కార్డులకు ఇది ఇబ్బందిగా మారింది. ఆదాయపు పన్ను చెల్లిస్తూ రేషన్ పొందుతుంటే రేషన్ కార్డు తొలగించడం ఖాయమని తెలుస్తుంది. కేంద్ర ప్రభుత్వం నూతనంగా తీసుకువచ్చిన మార్గదర్శకాలే అందుకు నిదర్శనం.
ప్రధాన మంత్రి గరీబ్ కల్యాణ్ అన్న యోజన (పీఎంజీకేఏవై) పథకం కింద లబ్దిపొందుతున్న వారిలో అనర్హులను తొలగించడానికి కేంద్రం కసరత్తు ప్రారంభించింది. ఆదాయ పన్ను శాఖ కేంద్ర ఆహార శాఖకు సహకారం అందించనుండగా లబ్ధిదారుల వ్యవహారం మంత్రిత్వశాఖలోని ఫుడ్ అండ్ డిస్ట్రిబుషన్ (బీఎఫ్పీడీ) విభాగానికి ఆదాయం పన్ను శాఖ సమకూర్చనున్నట్లు కేంద్ర ప్రభుత్వ ఆదేశాలే స్పష్టం చేస్తున్నాయి. ఈ క్రమంలో లబ్దిదారుల ఆధార్ నంబర్ లేదా పాన్ వివరాలను ఆదాయ పన్ను శాఖకు డీఎఫ్పీడీ ఇవ్వనుండగా దీని ఆధారంగా లబ్ధిదారుని ఆర్థిక స్థితిగతులను ఆదాయపన్ను శాఖ నిర్ధారించి తిరిగి వివరాలను ఆహార శాఖకు అందించనుందని అధికారులు చెబుతున్నారు.
ప్రస్తుతం రుణం లేకుండా ఏ పనులు ముందుకు సాగడంలేదు. పేద నుంచి మధ్య తరగతి వరకు రుణాలతో జీవనం సాగిస్తున్నారు. సదరు కుటుంబాలు ఇంటి నిర్మాణ రుణం తీసుకున్నా, ఇతర అవసరాల కోసం బ్యాంక్లు, ప్రవేట్ సంస్థల ద్వారా రుణం పొందాలన్నా ఆదాయపు పన్ను చెల్లించే వారికే రుణాలు అందిస్తున్నారు. వరసగా మూడేళ్లు ఆదాయపు పన్ను వివరాలు పరిశీలించాకే రుణం మంజూరు చేస్తున్నాయి. ప్రతీ పనికి ఆధార్ కార్డు ఇవ్వల్సిందే.
దానికి అనుసంధానంగా పాన్ కార్డు ఇవ్వాల్సి ఉంటుంది. ఈ క్రమంలో సదరు నిబంధనల పరిధిలోకి వేల కుటుంబాలు వచ్చే అవకాశం ఉంది. దీంతో తెల్లరేషన్ కార్డు నుంచి ఆదాయపు పన్ను చెల్లిస్తూ గృహ, వాహన ఇతర అవసరాల కోసం రుణాలు తీసుకున్న కుటుంబాలు వేలల్లో ఉన్నాయి. వారందరికీ ఈ నిబంధన పూర్తిస్థాయిలో అమలయితే మాత్రం తెల్ల రేషన్ కార్డులు కోల్పోతారు. దీంతో ఉచిత రేషన్ కార్డు రద్దవడంతోపాటు ఆరోగ్యశ్రీ ఇతర సంక్షేమ పథకాలకు దూరమవుతారు. కేంద్ర ఆదేశాలపై తెల్ల రేషన్ కార్డుదారుల నుంచి విమర్శలు వ్యక్తం అవుతున్నాయి. రేషన్ కార్డు అనుభవిస్తున్న వారీలో సంపనులెవ్వరూ లేరని, రుణం కోసం ఆదాయ పన్ను చెల్లించినట్లుగా చూపి రుణాలు తీసుకుంటున్నామని చెబుతున్నారు.
ఇవి కూడా చదవండి
ఇలా ఇన్వెస్ట్ చేయండి..రెండేళ్లలోనే రూ. 10 లక్షలు పొందండి..
ఆగస్టులో 15 రోజులు బ్యాంకులకు సెలవులు.. ముందే ప్లాన్ చేసుకోండి
Updated Date - Aug 03 , 2025 | 07:25 AM
