Chatgpt Model Selection Guide: రకరకాల చాట్జీపీటీ మోడల్స్.. ఏది ఎప్పుడు ఎలా వాడాలో తెలుసా
ABN, Publish Date - Apr 27 , 2025 | 02:16 PM
ప్రస్తుతం ఎన్నో చాట్జీపీటీ చాట్ బాట్ మోడల్స్ అందుబాటులో ఉన్నాయి. ఏవి ఎప్పుడు వాడాలో ఈ కథనంలో తెలుసుకుందాం.
ఇంటర్నెట్ డెస్క్: కృత్రిమ మేథకు మారుపేరుగా మారింది చాట్జీపీటీ. ఈ చాట్బాట్ మాతృసంస్థ ఓపెన్ ఏఐ.. క్రమం తప్పకుండా కొత్త చాట్బాట్ మోడల్స్ను వినియోగదారుల ముందుకు తెస్తోంది. చాట్ జీపీటీ 4, జీపీటీ -4o, జీపీటీ-4.5, జీపీటీ-o3.. ఇలా ఎన్నో మోడల్స్ ప్రస్తుతం వినియోగదారులకు అందుబాటులో ఉన్నాయి. ఈ నేపథ్యంలో అసలు ఏ చాట్బాట్ ఏ పనికి వాడాలన్న సందేహం ఈపాటికే చాలా మందికి వచ్చే ఉంటుంది. అయితే, నిపుణులు దీనికి సవివరమైన సమాధానమే ఇస్తున్నారు.
చాట్ జీపీటీ - 4o మినీ:
ఇది ఇచ్చిన పనిని చకచకా చేసిపెట్టే చాట్బాట్. కొత్త ఐడియాలకు, ఓ అంశానికి సంబంధించిన నిజానిజాలు తెలుసుకునేందుకు ఉపయుక్తం. స్మార్ట్ ఫోన్ యాప్స్తో పాటు హై లేటెన్సీ నెట్వర్క్ల్లో వాడుకునేందుకు అనుకూలం. సుదీర్ఘ వ్యాసాలు, ఆడియో, వీడియో లాంటి సంక్లిష్ట మల్టీ మోడల్ టాస్క్లకు ఇది అంతగా ఉపయోగకరం కాదు.
చాట్ జీపీటీ - 4o(ఓమ్నీ)
టెక్స్ట్తో పాటు ఆడియో, ఇమేజీలు లాంటి మల్టీ మోడల్ ఇన్పుట్లను కూడా ఇది స్వీకరించగలదు. రియల్ టైమ్లో వీడియోల అనొటేషన్, క్రాస్ మీడియా అనాలిసిస్ వంటి పనులకు ఈ మోడల్ అనుకూలం. వివిధ రకాల ఫార్మాట్లలో ఔట్పుట్ను కూడా ఇస్తుంది.
చాట్ జీపీటీ - 4 (స్టాండర్డ్)
తార్కిక సామర్థ్యాలు ఎక్కువగా అవసరమైన పనులకు ఈ మోడల్ను ఎంచుకోవడం మంచిది. ఈ-బుక్స్, వైట్ పేపర్స్, భారీ కంప్యూటర్ కోడ్స్ను విశ్లేషించేందుకు, కొత్తవి రూపొందించేందుకు ఇది అనువైనది.
చాట్ జీపీటీ - 4.5 ( ఓరియాన్)
వినియోగదారులకు చాట్జీపీటీ - 5 మోడల్ సామర్థ్యాలను పరిచయం చేసే బీటా వర్షెన్ ఇది. ప్రయోగాత్మక పనులకు, అత్యాధునిక సమ్మరైజేషన్కు ఇది అవసరం. దీన్ని అత్యవసర పనులకు వినియోగించరాదని నిపుణులు చెబుతున్నారు. మోడల్ కొత్తది కావడంతో తప్పులు చేసే అవకాశం ఎక్కువని అంటున్నారు.
చాట్ జీపీటీ - o3
విశ్లేషణా సామర్థ్యాలు ఈ మోడల్కు అధికం. విజువల్ ఎనలిటిక్స్, మల్టీ ఫేసెటెడ్ సంక్లిష్ణ పనులను ఈ మోడల్ సులువుగా చేస్తుంది. విజువల్ ఎనలిటిక్స్, ఇన్ఫోగ్రాఫిక్స్ చదివేందుకు, సైంటిఫిక్ రీసెర్చ్కు ఇది ఉత్తమం. అయితే, డాటా విశ్లేషణ అధికంగా ఉన్న పనులు ఈ మోడల్కు చెప్పకపోవడమే మంచిది.
చాట్జీపీటీ - o4 మినీ
స్టెమ్, నాన్ స్టెమ్ రంగాలకు అవసరమైన తార్కిక శక్తిలో తనకు తానే సాటి అని ఈ మోడల్ నిరూపించింది. మ్యాథ్, కోడింగ్, డాటా సైన్స్ వంటివాటికి ఇది అనుకూలం.
ఇవి కూడా చదవండి:
యూట్యూబ్ పుట్టి 20 ఏళ్లు.. ఇప్పటివరకూ ఎన్ని వీడియోలు అప్లోడ్ అయ్యాయంటే..
యూపీఐని మించిన టెక్నాలజీ.. చైనా రూటే సపరేటు
జపాన్లో మరో అద్భుతం.. ఆరు గంటల వ్యవధిలో రైల్వే స్టేషన్ నిర్మాణం
Read Latest and Technology News
Updated Date - Apr 27 , 2025 | 02:42 PM
