Switch to Zoho Mail: జీమెయిల్ నుంచి జోహోకు మళ్లాలా.. ఇలా చేయండి
ABN, Publish Date - Oct 09 , 2025 | 10:30 PM
జోహో సంస్థ సాఫ్ట్వేర్ ఉత్పత్తులకు క్రమంగా భారత్లో ఆదరణ పెరుగుతోంది. మరి జీమెయిల్ నుంచి జోహోకు మళ్లాలనుకునే వారు ఏం చేయాలో తెలుసుకుందాం.
ఆత్మనిర్భర్ భారత్లో భాగంగా కేంద్రం జోహోను ప్రోత్సహిస్తోంది. తన అధికారిక ఈమెయిల్గా జోహో మెయిల్ను ఎంచుకున్నట్టు కేంద్ర హోం మంత్రి అమిత్ షా ఇటీవలే ప్రకటించారు.
ప్రైవేసీకి పెద్ద పీట వేస్తూ, యాడ్ రహిత ప్రత్యామ్నాయంగా ఉన్న జోహో మెయిల్కు భారతీయుల్లో క్రమంగా పాప్యులారిటీ పెరుగుతోంది.
ఇక జీమెయిల్కు బదులు జోహోకు మళ్లాలనుకునే వారు మొదటగా జోహో మెయిల్ అకౌంట్ను క్రియేట్ చేయాలి.
ఆ తరువాత జీమెయిల్లోని సెట్టింగ్స్లో ఐఎమ్ఏపీను యాక్టివేట్ చేస్తే జోహో మెయిల్ మీ మెయిల్స్, ఇతర డాటాను సులువుగా ఇంపోర్టు చేయగలుగుతుంది.
ఆ తరువాత జోహోలోని మైగ్రేషన్ విజర్డ్ ద్వారా జీమెయిల్లోని ఈమెయిల్స్, కాంటాక్ట్స్, ఫోల్డర్లను ఇంపోర్టు చేసుకోవచ్చు.
ఇక జీమెయిల్లో ఫార్వార్డింగ్ను యాక్టివేట్ చేసుకుంటే కొత్తగా వచ్చే మెయిల్స్ అన్నీ జోహో మెయిల్కు బదిలీ అవుతాయి.
ఆ తరువాత మీకు తెలిసిన వారందరికీ జోహో మెయిల్కు మారినట్టు సమాచారం అందిస్తే సరిపోతుంది.
Updated Date - Oct 09 , 2025 | 10:33 PM