Overhydration Risks: అతిగా నీరు తాగితే కిడ్నీలకు ప్రమాదమా..
ABN, Publish Date - Sep 20 , 2025 | 10:24 PM
కొందరు రోజుకు 6 గ్లాసుల నీళ్లు తాగాలంటారు. మరికొందరు ఎనిమిది గ్లాసులు అంటారు. అసలు నీరు ఎక్కువగా తాగితే కిడ్నీలకు ప్రమాదమా అన్న సందేహం మీకెప్పుడైనా కలిగిందా? దీనికి వైద్యులు సవివరమైన సమాధానమే ఇస్తున్నారు
ఒంట్లో అతిగా నీరు పెరగడాన్ని ఓవర్హైడ్రేషన్ అంటారు. డీహైడ్రేషన్ వలెనే ఇది కూడా కిడ్నీలకు చేటు చేస్తుంది.
కిడ్నీలు కేవలం మలినాలను తొలగించడమే కాకుండా ఒంట్లో నీరు, మినరల్స్ మధ్య సమతౌల్యాన్ని కాపాడతాయి.
అతిగా నీరు తాగితే సోడియం శాతం తగ్గుతుంది. దీన్ని హైపోనాట్రేమియా అంటారు. ఇది కిడ్నీలపై ఒత్తిడి పెంచుతుంది.
రోజుకు కనీసం 8 గ్లాసుల నీరు తాగాలన్నది కచ్చితమైన నిబంధన కాదని నిపుణులు చెబుతున్నారు. నీటి అవసరాలు ఆయా వ్యక్తుల శారీరక తత్వం, జీవన శైలిపై ఆధారపడి ఉంటుంది.
అతిగా నీరు తాగితే మెదడులో వాపు వచ్చి కన్ఫ్యూజన్ వంటివి వస్తాయి. ఒక్కోసారి ఫిట్స్ వచ్చే ప్రమాదం కూడా ఉంది.
అతిగా నీరు తాగే వారిలో కొందరికి కడుపుబ్బరం, నీరసం వంటి వస్తుంటాయి.
కిడ్నీ, గుండె, హార్మోన్ సమౌతౌల్యానికి సంబంధించిన సమస్యలు ఉన్న వారు అతిగా నీరు తాగితే అనారోగ్యం బారిన పడే ప్రమాదం ఉంది.
కేవలం నీరు తాగకుండా ఎలక్ట్రోలైట్స్ ఉన్న డ్రింక్స్ లేదా నీరు అధికంగా ఉండే పండ్లను తినాలని నిపుణులు చెబుతున్నారు.-
Updated Date - Sep 20 , 2025 | 10:24 PM