శివయ్య దర్శనానికి.. ఆలయాలు ముస్తాబు
ABN, Publish Date - Feb 25 , 2025 | 09:32 PM
మహాశివరాత్రి పర్వదినాన్ని ఆధ్యాత్మిక వాతావరణంలో అంగరంగ వైభవంగా నిర్వహించేందుకు పలు శివాలయాలు ముస్తాబవుతున్నాయి. రేపు(బుధవారం) శివరాత్రి సందర్భంగా నూతన కళను సంతరించుకున్నాయి. భారీ సెట్టింగ్స్తో ఆలయాల్లో ఏర్పాట్లను ముమ్మరంగా చేస్తున్నారు. శివనామస్మరణతో ఆలయాలు మార్మోగుతున్నాయి .
విద్యుత్ వెలుగుల్లో నల్గొండలో గల పానగల్ శ్రీ ఛాయా సోమేశ్వరాలయం
రంగారెడ్డి జిల్లాలోని మహేశ్వరం శివగంగ దేవాలయాన్ని విద్యుత్ దీపాలతో అలంకరించారు.
మహా శివరాత్రి రోజున శివాభిషేకం చేస్తే శివ కటాక్షం లభిస్తుందని భక్తులు చెబుతున్నారు.
కోరిన వరాలను తీర్చే పరమ శివుడు ఈ శివరాత్రి రోజున శివనామ స్మరణతో మార్మోగే వేళ అభిషేకం చేయిస్తే స్వామి వారి కరుణను పొందవచ్చని భక్తులు భావిస్తారు.
ప్రతి సంవత్సరం 12 శివరాత్రులు వస్తాయి.
అందులో ఏడాదిలో వచ్చే మహా శివరాత్రి శివునికి అత్యంత ప్రీతికరమైనది.
ప్రతి ఏడాది మాఘ మాసం కృష్ణపక్ష చతుర్దశి తిథిలో మహా శివరాత్రి వస్తుంది.
పురాణాల ప్రకారం ఈ శివరాత్రి రోజునే శివపార్వతుల వివాహం జరిగిందని ప్రతీతి.
శివరాత్రి వేడుకల్లో భాగంగా అభిషేకాలు, హోమాలు ఉంటాయని నిర్వాహకులు తెలిపారు.
శివుడికి అభిషేకాలు, హోమాలు, విశేష పూజలు జరుగనున్నాయి.
ఈ వేడుకలను వైభవంగా నిర్వహించేందుకు ఏర్పా ట్లు చేస్తున్నారు.
వేడుకలకు వచ్చే భక్తుల సౌకర్యార్థం అన్నదాన ఏర్పాట్లు చేస్తున్నా రు.
శివరాత్రి రోజున అభిషేక పూజలు, శివపార్వతుల కల్యా ణోత్సవ వేడుకల కోసం ఆలయాలను సర్వాంగ సుందరంగా ముస్తాబు చేస్తున్నారు.
ఉదయం నుంచి సాయంత్రం వరకు మహాశివున్ని స్మరిస్తూ భక్తులు ఉపావాసం చేస్తారు.
సాయంత్రం పలు రకాల పండ్లు సేవించి ఉపావాసాన్ని విడవనున్నారు. ఇందుకోసం మార్కెట్లకు ప్రజలు భారీగా తరలి వచ్చి పండ్లను తీసుకెళ్తున్నారు.
శివరాత్రి సందర్భంగా పండ్ల కోసం ప్రజలు మార్కెట్లకు తరలి రావడంతో కలకల లాడుతున్నాయి.
Updated Date - Feb 25 , 2025 | 09:44 PM
