Purandeswari: కమ్మసిగడం మహాలక్ష్మి అమ్మవారిని దర్శించుకున్న పురందేశ్వరి
ABN, Publish Date - Feb 10 , 2025 | 08:00 AM
బీజేపీ ఆంధ్రప్రదేశ్ అధ్యక్షురాలు పురందేశ్వరి విశాఖపట్నం, శ్రీకాకుళం జిల్లాల్లో పర్యటించారు. పలు కార్యక్రమాల్లో పురందేశ్వరి పాల్గొన్నారు. కూటమి నేతలు పురందేశ్వరికి ఘన స్వాగతం పలికారు.
బీజేపీ ఆంధ్రప్రదేశ్ అధ్యక్షురాలు పురందేశ్వరి విశాఖపట్నం, శ్రీకాకుళం జిల్లాల్లో పర్యటించారు.
పలు కార్యక్రమాల్లో పురందేశ్వరి పాల్గొన్నారు. కూటమి నేతలు పురందేశ్వరికి ఘన స్వాగతం పలికారు.
కమ్మసిగడం శ్రీ మహాలక్ష్మి అమ్మవారిని పురందేశ్వరి దర్శించుకున్నారు. ఉత్తరాంధ్ర కల్పవల్లిగా మహాలక్ష్మి అమ్మవారిని కొలుస్తారు.
అమ్మవారి జాతర ఘనంగా ప్రారంభమైంది. ఈ జాతరను రణస్థలం మండలం కమ్మ సిగడం గ్రామంలో మూడురోజుల పాటు నిర్వహించనున్నారు. మెుదటగా అమ్మవారికి బంటుపల్లి గ్రామస్తులు తాళిబొట్టు, పసుపు కుంకుమలు సమర్పించారు.
అమ్మవారిని ఎచ్చెర్ల నియోజకవర్గం ఎమ్మెల్యే నడుకుదుటి ఈశ్వరరావు, బంగారు బంటుపల్లి సర్పంచ్ రజిని, ఎచ్చెర్ల నియోజకవర్గం కూటమి నాయకులు దర్శించుకున్నారు. అనంతరం పురందేశ్వరిని గజమాలతో సత్కరించారు.
జాతరలో పురందేశ్వరి పాల్గొని అమ్మవారి విశిష్టతను తెలిపారు.
జాతరలో భాగంగా పల్లకిలో తాళిబొట్టును ఊరేగింపుగా తీసుకొచ్చి.. అమ్మవారి కల్యాణాన్ని ఘనంగా నిర్వహించారు. జాతర సందర్భంగా మూడు రోజుల పాటు పలు సాంస్కృతిక కార్యక్రమాలు ఏర్పాటు చేసినట్లు నిర్వాహకులు వెల్లడించారు.
Updated Date - Feb 10 , 2025 | 08:03 AM
