Boost Self Confidence: ఆత్మవిశ్వాసాన్ని ఇలా పెంచుకోవాలి
ABN, Publish Date - Jul 17 , 2025 | 04:59 AM
వ్యక్తిగత విషయాలతోపాటు ఉద్యోగం, వ్యాపారాలకు సంబంఽధించి... ఆత్మవిశ్వాసంతో తీసుకున్న నిర్ణయాలు మంచి ఫలితాలనిస్తాయి. దీంతో ఎలాంటి పరిస్థితినైనా ఎదుర్కోగలమన్న ధీమా వస్తుంది. అలా ఆత్మవిశ్వాసంతో...
వ్యక్తిగత విషయాలతోపాటు ఉద్యోగం, వ్యాపారాలకు సంబంఽధించి... ఆత్మవిశ్వాసంతో తీసుకున్న నిర్ణయాలు మంచి ఫలితాలనిస్తాయి. దీంతో ఎలాంటి పరిస్థితినైనా ఎదుర్కోగలమన్న ధీమా వస్తుంది. అలా ఆత్మవిశ్వాసంతో మెలగాలంటే కొన్ని అలవాట్లు పాటించాల్సిందే... అవి...
రోజూ ఓ కొత్త అంశం గురించి తెలుసుకోవాలి. వ్యక్తిగత సామర్థ్యం, నైపుణ్యాలపై నమ్మకంతో ఉండాలి. సానుకూల దృక్పథాన్ని అలవాటు చేసుకోవాలి.
ప్రతి ఒక్కరికీ ఏదో ఒక రంగంలో ప్రావీణ్యం ఉంటుంది. దానికి తగ్గట్టు లక్ష్యాన్ని నిర్ధేశించుకోవాలి. ఆ లక్ష్యాన్ని చిన్న చిన్న భాగాలుగా విభజించుకుని ఒక్కోదాన్ని సాధిస్తూ ఉంటే క్రమంగా ఆత్మవిశ్వాసం పెరుగుతుంది.
సుఖంగా, సౌకర్యవంతంగా ఉండే భద్రతా వలయం నుంచి బయటికి రావాలి. కొత్త నిర్ణయాలు, ఆలోచనల పట్ల దృష్టి సారించాలి. స్వీయ ప్రేరణ అలవాటు చేసుకోవాలి. ‘ఇది నా వల్ల కాదు’ అనుకోకుండా ‘ఒకసారి ప్రయత్నించి చూద్దాం’ అనే ధోరణి పెంచుకోవాలి.
మానసికంగా, శారీరకంగా కష్టపడడానికి సిద్ధంగా ఉండాలి. లక్ష్య సాధనలో ఎన్ని సమస్యలు ఎదురైనప్పటికీ వెనుకడుగు వేయకూడదు.
భవిష్యత్తులో ఎలా ఉండాలి? ఏం సాధించాలి? అనే అంశాలను నిత్యం గుర్తుచేసుకుంటూ ఉండాలి. వాటి కోసం తగిన ప్రయత్నాలు చేస్తూ ముందుకు సాగాలి.
అనవసరమైన ఆలోచనలు చేస్తూ భయాందోళనలకు గురికాకూడదు. ఒకసారి చేసిన తప్పులు పునరావృతం కాకుండా చూసుకోవాలి. ఎప్పటికప్పుడు లోపాలను సరిదిద్దుకుంటూ సవాళ్లను ఎదుర్కొనే నేర్పరితనాన్ని పెంచుకోవాలి.
పోషకాహారం తీసుకోవడంతోపాటు సమయానుసారం నిద్రిస్తూ ఒత్తిడిని జయించాలి. రోజూ వ్యాయామం, ఽధ్యానం, యోగ చేస్తూ శరీర దారుఢ్యాన్ని పెంచుకోవాలి. నచ్చిన పనులు చేయడానికి కొంత సమయాన్ని వినియోగించాలి.
హుందాగా కనిపించే దుస్తులు ధరించడం, తేలికపాటి మేకప్, వ్యక్తిగత శ్రధ్ద, మంచి స్నేహం అనేవి ఆత్మవిశ్వాసాన్ని పెంచుతాయి.
మరిన్ని బిజినెస్ వార్తలు కోసం క్లిక్ చేయండి..
Updated Date - Jul 17 , 2025 | 05:00 AM
