Wildlife Smuggling: బ్యాంకాక్ నుంచి అరుదైన పాముల తరలింపు
ABN, Publish Date - Jun 02 , 2025 | 05:13 AM
బ్యాంకాక్ నుంచి భారతదేశానికి అరుదైన విషసర్పాలు, తాబేళ్లను అక్రమంగా తరలిస్తున్న ఇద్దరు వ్యక్తులను శనివారం శంషాబాద్ ఎయిర్పోర్టులో కస్టమ్స్ అధికారులు అరెస్ట్ చేశారు.
శంషాబాద్ ఎయిర్పోర్టులో పట్టివేత
శంషాబాద్ రూరల్, జూన్ 1 (ఆంధ్రజ్యోతి): బ్యాంకాక్ నుంచి అరుదైన విష సర్పాలు, తాబేళ్లను అక్రమంగా తరలిస్తున్న ఇద్దరిని కస్టమ్స్ అధికారులు శనివారం పట్టుకున్నారు. ముంబైకి చెందిన షేక్ నిజాముద్దీన్, షేక్ అల్తాఫ్ అలీ బ్యాంకాక్ నుంచి ఇండిగో ఎయిర్లైన్స్ 6ఈ- 1066 విమానంలో శంషాబాద్ ఎయిర్పోర్టుకు చేరుకున్నారు. వారి ప్రవర్తన అనుమానాస్పదంగా ఉండడంతో కస్టమ్స్ అధికారులు ఇద్దరి లగేజీని తనిఖీ చేశారు. అందులో 28 రెడ్ టెయిల్డ్ బాంబూ పిట్ వైపర్లు, మూడు స్పైడర్ టెయిల్డ్ హార్న్డ్ వైపర్లు, 6 తాబేళ్లు ఉన్నట్లు గుర్తించారు. వాటిని స్వాధీనం చేసుకుని, నిందితులపై కేసు నమోదు చేశారు.
ఇవీ చదవండి:
మరిన్ని అంతర్జాతీయ వార్తల కోసం క్లిక్ చేయండి
Updated Date - Jun 02 , 2025 | 05:13 AM
