1. • Home » National » Supreme Court Shocks Kannada Actor Darshan with Bail Cancellation in Renuka Swamy Murder Case sri

Darshan Bail Cancellation: కన్నడ స్టార్ నటుడు దర్శన్‌కు సుప్రీంకోర్టు షాక్..రేణుక స్వామి హత్య కేసులో బెయిల్ రద్దు

కన్నడ నటుడు దర్శన్‎కు సుప్రీంకోర్టు నుంచి ఎదురుదెబ్బ తగిలింది. రేణుక స్వామి హత్య కేసులో దర్శన్ బెయిల్‎ను గురువారం సుప్రీంకోర్టు రద్దు చేసింది. కర్ణాటక హైకోర్టు నిర్ణయాన్ని కోర్టు కొట్టివేసింది.

కన్నడ సినీ ఇండస్ట్రీలో సంచలనం సృష్టించిన ఓ వార్త గురించి కీలక అప్డేట్ వచ్చింది. కన్నడ నటుడు దర్శన్‌కు, రేణుక స్వామి హత్య కేసులో సుప్రీంకోర్టు (Supreme Court) నుంచి పెద్ద ఎదురుదెబ్బ తగిలింది. గురువారం సుప్రీంకోర్టు దర్శన్‌కు ఇచ్చిన బెయిల్‌ను రద్దు చేసింది (Darshan Bail Cancellation). అంతేకాదు, కర్ణాటక హైకోర్టు నిర్ణయాన్ని కూడా తోసిపుచ్చింది. ఈ ఉత్తర్వును జస్టిస్‌లు జె.బి. పార్దివాలా, ఆర్. మహదేవన్‌లతో కూడిన ద్విసభ్య ధర్మాసనం జారీ చేసింది. ఈ కారణంగా దర్శన్ వెంటనే జైలుకు వెళ్లాల్సి ఉంటుంది.

ఎవరైనా కూడా ఒకటే..

హైకోర్టు ఉత్తర్వులో లోపం ఉందని, సాంకేతిక కారణాల వల్ల బెయిల్ మంజూరు చేయబడిందని సుప్రీంకోర్టు అభిప్రాయపడింది. నిందితుడు ఎంత పెద్దవాడైనా, చట్టం కంటే అతీతుడు కాదని తెలిపింది. చట్టం ముందు ఎవరైనా ఒకటేనని వెల్లడించింది. నిందితులకు జైలులో 5 స్టార్ సౌకర్యాలు కల్పించడంపై జైలు సూపరింటెండెంట్‌ను సస్పెండ్ చేసి ఉండాలని కోర్టు అభిప్రాయపడింది. దర్శన్‌తో పాటు ఏ6 పవిత్ర గౌడ, జగదీష్ అలియాస్ జగ్గా, ఏ7 అనుకుమార్ అలియాస్ అను, ఏ14 ప్రదుష్, ఏ11 నాగరాజు అలియాస్ నాగ, ఏ12, లక్ష్మణ్‌ల బెయిల్‌ను కూడా రద్దు చేశారు.

నాలుగు నెలలకు పైగా..

సేకరించిన ఆధారాలను సుప్రీంకోర్టు అంగీకరించింది. జైలులో ఆయన గడిపిన విలాసవంతమైన జీవితం, బయటకు వచ్చిన తర్వాత ఆయన ప్రవర్తించిన తీరు గురించి మేము కోర్టుకు అప్పీల్ చేసుకున్నాముని ప్రభుత్వ న్యాయవాది అన్నారు. దర్శన్‌ను గత సంవత్సరం జూన్ 11న అరెస్టు చేశారు. ఆ తర్వాత, ఆయన నాలుగు నెలలకు పైగా జైలులో ఉండాల్సి వచ్చింది. ఆ తర్వాత, వెన్నునొప్పి కారణంగా ఆయన జైలు నుంచి విడుదలయ్యారు. డిసెంబర్‌లో ఆయనకు పూర్తి బెయిల్ లభించింది. దీని గురించి కర్ణాటక ప్రభుత్వం సుప్రీంకోర్టులో ప్రశ్నించింది.

చాలా కాలంగా స్వేచ్ఛగా

సుప్రీంకోర్టు చాలా రోజులుగా కేసును విచారించింది. అలాగే, కర్ణాటక హైకోర్టు బెయిల్ మంజూరు చేయడానికి ఇచ్చిన కారణాలపై అసంతృప్తి వ్యక్తం చేసింది. ఇప్పుడు సుప్రీంకోర్టు తన తీర్పును ఇచ్చింది. గతంలో, దర్శన్‌కు బెయిల్ మంజూరు చేసినందుకు కర్ణాటక హైకోర్టును సుప్రీంకోర్టు మందలించింది. దర్శన్ చాలా కాలంగా బయట స్వేచ్ఛగా తిరుగుతున్నాడు. కానీ, ఇప్పుడు ఆయన ఇబ్బందులను ఎదుర్కొనున్నారు. ఆయన తిరిగి జైలుకు వెళ్లనున్నారు.

జూన్ 9న బెంగళూరులోని ఓ ఫ్లైఓవర్‌పై 33 ఏళ్ల ఆటో డ్రైవర్ రేణుక స్వామి మృతదేహం కనిపించింది. రేణుక దర్శన్‌కు పెద్ద అభిమాని. కానీ, దర్శన్ ఆదేశాల మేరకు ఆమెను కిడ్నాప్ చేసి, హత్య చేశారని ఆరోపణలు వచ్చాయి. ఈ కేసులో దర్శన్‌కు సంబంధించిన కొన్ని వాట్సాప్ సందేశాలు కూడా ఆధారాలుగా ఉన్నాయట.

ఇవి కూడా చదవండి

ఈ తేదీకి ముందే ఐటీఆర్ దాఖలు చేయండి… ఆలస్య రుసుమును తప్పించుకోండి

రైల్వే టిక్కెట్లపై 20% తగ్గింపు ఆఫర్.. ఈ అవకాశాన్ని వినియోగించుకోండి

మరిన్ని జాతీయ, తెలుగు వార్తల కోసం క్లిక్ చేయండి