Fireworks Explosion: తమిళనాడులో బాణసంచా పేలి ఏడుగురి మృతి
ABN, Publish Date - Apr 27 , 2025 | 01:41 AM
తమిళనాడులోని విరుదునగర్, సేలం జిల్లాల్లో జరిగిన బాణసంచా పేలుడు ఘటనల్లో 7 మంది మరణించారు. వీరిలో ఇద్దరు చిన్నారులు, నలుగురు మహిళలు ఉంటారు, మరియు మరికొందరు గాయపడినట్టు అధికారులు తెలిపారు.
చెన్నై, ఏప్రిల్ 26 (ఆంధ్రజ్యోతి): బాణసంచా కర్మాగారంలో, ఆలయ రథోత్సవం సందర్భంగా జరిగిన బాణసంచా పేలుడు ఘటనల్లో ఏడుగురు దుర్మరణం చెందారు. తమిళనాడులోని విరుదునగర్, సేలం జిల్లాల్లో ఈ ప్రమాదాలు సంభవించాయి. మృతుల్లో ఇద్దరు బాలురు, నలుగురు మహిళలు ఉన్నారు. మరో ఏడుగురు తీవ్రంగా గాయపడ్డారు. శనివారం విరుదునగర్ జిల్లా శివకాశిలోని ఓ బాణసంచా కర్మాగారంలో కార్మికులు రసాయనాల మిశ్రమాన్ని సిద్ధం చేస్తుండగా హఠాత్తుగా పేలుడు సంభవించింది. ఈ ఘటనలో ముగ్గురు మహిళలు మరణించగా, మరో ఏడుగురు తీవ్రంగా గాయపడ్డారు. శుక్రవారం రాత్రి సేలం జిల్లా కంచనాయకన్పట్టి గ్రామంలో ద్రౌపది అమ్మవారి ఆలయ రథోత్సవం సందర్భంగా మరో ఘటన జరిగింది. కొంతమంది బాణసంచా కాల్చగా, ఆ నిప్పు రవ్వలు ఓ మోటార్ బైక్పై ఉంచిన బాణసంచా బస్తాకు అంటుకున్నాయి. ఆ బస్తాలో ఉన్న శక్తిమంతమైన టపాసులు పేలడంతో 11 ఏళ్ల వయసున్న ఇద్దరు చిన్నారులు, ఓ మహిళ సహా నలుగురు అక్కడికక్కడే దుర్మరణం చెందారు.
ఇవి కూడా చదవండి:
పెళ్లై సంవత్సరం కూడా కాలేదు.. అంతలోనే విషాదం..
Seema Haider: పాకిస్తాన్ తిరిగి వెళ్లటంపై ఆసక్తికర వ్యాఖ్యలు చేసిన సీమా హైదర్
Updated Date - Apr 27 , 2025 | 01:41 AM
