Human Relationships: గరిక పూలు
ABN, Publish Date - Aug 04 , 2025 | 06:07 AM
వెంటాడడంలో నీడకీ జ్ఞాపకానికీ పోటీ పెడితే,
వెంటాడడంలో నీడకీ
జ్ఞాపకానికీ పోటీ పెడితే,
ఓటమెప్పుడూ నీడదే!
పూలతోటలోకి నీ ప్రవేశాన్ని
నిషేధిస్తున్నాను! ఏది పువ్వో
ఏది నువ్వో తేల్చుకోలేక!
అతను,ఆమె ఆత్మహత్య చేసుకున్నారు!
ఒకరి ఫోన్లో ఒకరు
మారుపేర్లతో మిగిలిపోయారు!
నువ్వెంత ఇష్టం అంటే
నీతో కలిసి నడిచిన దారుల్లో
ఒక్కణ్ణే తిరగలేనంత!
జీవితం పుల్లఐస్ బండి లాంటిది!
దాని వెనకాలే పరిగెత్తే పిల్లలం మనం!
కూలిన చెట్టుకింద..
నీడముక్కలైన శబ్దం!
నా మనసులోతట్టు ప్రాంతంలో ఉందో ఏమో
తరచూ నీ జ్ఞాపకాలముంపుకి గురౌతూనే ఉంటుంది!
ఆటబొమ్మలు దిగాలుగా చూస్తున్నాయి
జ్వరం వచ్చిన పాపాయిని!
-భాస్కరభట్ల
bbpoet@gmail.com
Updated Date - Aug 04 , 2025 | 06:07 AM
