Today Horoscope: ఈ రాశి వారు విలువైన వస్తువులు కొనుగోలు చేస్తారు
ABN, Publish Date - Aug 19 , 2025 | 12:37 AM
నేడు రాశిఫలాలు19-8-2025 - మంగళవారం, కుటుంబ సభ్యుల వైఖరి ఆనందం కలిగిస్తుంది. బదిలీలు, మార్పులకు అనుకూలం
నేడు రాశిఫలాలు19-8-2025 - మంగళవారం, కుటుంబ సభ్యుల వైఖరి ఆనందం కలిగిస్తుంది. బదిలీలు, మార్పులకు అనుకూలం.
మేషం (మార్చి 21 - ఏప్రిల్ 20 మధ్య జన్మించిన వారు)
కుటుంబ సభ్యుల వైఖరి ఆనందం కలిగిస్తుంది. బదిలీలు, మార్పులకు అనుకూలం. మధ్యాహ్నం 3 గంటల తరువాత రియల్ ఎస్టేట్, నిర్మాణ రంగాల వారు ఆర్థిక విషయాల్లో ఆచితూచి వ్యవహరించాలి. చేపట్టిన పనులు పూర్తికాకపోవడంతో నిరుత్సాహానికి లోనవుతారు. సుబ్రహ్మణ్య స్వామిని ఆరాధించండి.
వృషభం ( ఏప్రిల్ 21 - మే 20 మధ్య జన్మించిన వారు)
స్థిర, చరాస్తులకు సంబంధించిన చర్చలు ఫలిస్తాయి. రిజిస్ట్రేషన్లకు అనుకూలం. రవాణా, మార్కెటింగ్, కమ్యూనికేషన్లు, కాంట్రాక్టులు, అగ్రిమెంట్లకు అనుకూలం. మధ్యాహ్నం 3 గంటల నుంచి వాగ్వివాదాలకు దూరంగా ఉండాలి. ఒక సమాచారం ఆవేదన కలిగిస్తుంది. హనుమాన్ చాలీసా పారాయణ శుభప్రదం.
మిథునం (మే 21-జూన్ 21 మధ్య జన్మించిన వారు)
విలువైన వస్తువులు కొనుగోలు చేస్తారు. పెట్టుబడులు లాభిస్తాయి. ఆర్థిక పరమైన చర్చలకు అనుకూలం మధ్యాహ్నం 3 గంటల నుంచి విలువైన పత్రాల విషయంలో జాగ్రత్తలు తీసుకోవాలి. బిల్లులు, చెక్కులు మంజూరు కావడంలో జాప్యం జరగవచ్చు. ఆంజనేయ స్వామిని ఆరాధించండి.
కర్కాటకం (జూన్ 22 - జూలై 23 మధ్య జన్మించిన వారు)
పెట్టుబడులకు సంబంధించి ఒక నిర్ణయానికి వస్తారు. ఆర్థిక సంస్థలతో పనులు పూర్తవుతాయి. మధ్యాహ్నం 3 గంటల తరువాత బ్యాంకులు, ఆర్థిక విషయాల్లో తొందరపాటు నిర్ణయాల కారణంగా నష్టపోతారు. సుబ్రహ్మణ్య అష్టక పారాయణ శుభప్రదం.
సింహం (జూలై 24 - ఆగస్టు 23 మధ్య జన్మించిన వారు)
ఉన్నత విద్య, విదేశీ ప్రయాణాలకు అనుకూల సమయం. సినీ, రాజకీయ రంగాల వారు లక్ష్యాలు సాధిస్తారు. మధ్యాహ్నం 3 గంటల తరువాత అనుకోని చిక్కులు ఎదురుకావడంతో మనశ్శాంతి కోల్పోతారు. విలువైన వస్తువులు కోల్పోయే ప్రమాదం ఉంది. హనుమాన్ చాలీసా పారాయణ శుభప్రదం.
కన్య (ఆగస్టు 24 - సెప్టెంబరు 23 మధ్య జన్మించిన వారు)
సమావేశాల్లో కీలక పాత్ర పోషిస్తారు,. దీర్ఘకాలిక పెట్టుబడులపై దృష్టి పెడతారు. మధ్యాహ్నం 3 గంటల తరువాత ఆర్థిక వ్యవహారాల్లో అనుకోని ఇబ్బందులు ఎదురవుతాయి. ప్రదర్శనలు, ప్రయాణాల్లో అసౌకర్యం కలిగే అవకాశం ఉంది. లక్ష్మీనరసింహ స్వామిని ఆరాధించడం శుభప్రదం.
తుల (సెప్టెంబరు 24 - అక్టోబరు 23 మధ్య జన్మించిన వారు)
పెద్దల సహకరారంతో ఆర్థికపరమైన లక్ష్యాలు సాధిస్తారు. ఉద్యోగ ప్రయత్నాలు ఫలిస్తాయి. మధ్యాహ్నం 3 గంటల తరువాత ప్రమోషన్లు, ఇంక్రిమెంట్ల విషయంలో నిరాశతప్పకపోచ్చు. బృందకార్యక్రమాలకు ఖర్చులు అధికం. నవగ్రహ ఆరాధన శుభప్రదం.
వృశ్చికం (అక్టోబరు 24 - నవంబరు 22 మధ్య జన్మించిన వారు)
పెద్దలతో చర్చలు, ప్రయాణాలు ఫలిస్తాయి. ఉన్నత విద్య, రక్షణ, న్యాయ, రవాణా రంగాల వారు వృత్తి, వ్యాపారాల్లో రాణిస్తారు. మధ్యాహ్నం 3 గంటల తరువాత విద్యాసంస్థలతో పనులకు ఆటంకాలు ఎదురవుతాయి. సమావేశాల్లో పైఅధికారుల నుంచి మాట పడాల్సి వస్తుంది. సుబ్రహ్మణ్య స్వామిని ఆరాధించండి.
ధనుస్సు (నవంబరు 23 - డిసెంబరు 21 మధ్య జన్మించిన వారు)
రుణప్రయత్నాలు, పెట్టుబడులకు సంబంధించిన చర్చలకు అనుకూలం. పెద్దల ఆరోగ్యం మెరుగుపడుతుంది. మధ్యాహ్నం 3 గంటల తరువాత పన్నులు, బీమా, పెన్షన్, గ్రాట్యుటీ వ్యవహారాల్లో ఆటంకాలు ఎదురవుతాయి. మెడికల్ క్లెయిముల మంజూరులో జాప్యం జరుగుతుంది. హనుమాన్ చాలీసా పారాయణ శుభప్రదం.
మకరం (డిసెంబరు 22-జనవరి 20 మధ్య జన్మించిన వారు)
ఆర్థిక విషయాల్లో శ్రీవారు, శ్రీమతి సహకారం లభిస్తుంది. స్పెక్యులేషన్లు, పెట్టుబడులు లాభిస్తాయి. మధ్యాహ్నం 3 గంటల తరువాత ఆర్థిక వ్యవహారాల్లో ఆచితూచి వ్యవహరించాలి. నిధుల విషయంలో బంధుమిత్రుల నుంచి మాటపడాల్సి రావచ్చు. పందాలు, పోటీల్లో నష్టపోయే అవకాశం ఉంది. గోమాతను ఆరాధించండి.
కుంభం (జనవరి 21 - ఫిబ్రవరి 19 మధ్య జన్మించిన వారు)
శ్రమకు తగిన ఫలితం అందుకుంటారు. ఆరోగ్యం పట్ల ప్రత్యేక శ్రద్ధ తీసుకుంటారు. మధ్యాహ్నం 3 గంటల నుంచి పరిశ్రమలు, వ్యవసాయం రంగాల వారు సకాలంలో నిధులు సర్దుబాటు కాకపోవడంతో ఇబ్బంది పడతారు. వైద్యం, హోటల్ రంగాల వారు ఆచితూచి వ్యవహరించాలి. ఖర్చులు అధికం. శ్రీ రుద్ర కవచ పారాయణ శుభప్రదం.
మీనం (ఫిబ్రవరి 20 - మార్చి 20 మధ్య జన్మించిన వారు)
చిన్నారులు, ప్రియతముల విషయంలో శుభపరిణామాలు సంభవం. మధ్యాహ్నం 3 గంటల తరువాత సినిమాలు, టెలివిజన్, క్రీడలు, విద్యా రంగాల వారు ఆచితూచి వ్యవహరించాలి. మీ సృజనాత్మక ప్రతిభకు తగిన గుర్తింపు లభించకపోవడంతో నిరుత్సాహానికి గురవుతారు. శివ అష్టోత్తర శతనామ పారాయణ శుభప్రదం.
Updated Date - Aug 19 , 2025 | 12:37 AM
