Today Horoscope: ఈ రాశి వారికి బ్యాంకులు ఆర్థిక సంస్థలతో పనులు పూర్తవుతాయి
ABN, Publish Date - Jul 02 , 2025 | 03:21 AM
నేడు 02-07-2025 బుధవారం, శ్రీవారు, శ్రీమతి వ్యవహారశైలిలో మార్పు గమనిస్తారు. జనసంబంధాలు విస్తరిస్తాయి...
నేడు 02-07-2025 బుధవారం, శ్రీవారు, శ్రీమతి వ్యవహారశైలిలో మార్పు గమనిస్తారు. జనసంబంధాలు విస్తరిస్తాయి.
మేషం (మార్చి 21 - ఏప్రిల్ 20 మధ్య జన్మించిన వారు)
శ్రీవారు, శ్రీమతి వ్యవహారశైలిలో మార్పు గమనిస్తారు. జనసంబంధాలు విస్తరిస్తాయి. వివాహ ప్రయత్నాలు ఒక కొలిక్కి వస్తాయి. కుటుంబ సభ్యులతో ఉల్లాసంగా గడుపుతారు. మధ్యాహ్నం నుంచి న్యాయ వివాదాలు, పోటీల్లో చిక్కులు ఎదురయ్యే అవకాశం ఉంది. శ్రీ రామచంద్ర మూర్తిని ఆరాధించండి.
వృషభం ( ఏప్రిల్ 21 - మే 20 మధ్య జన్మించిన వారు)
ఇంటర్వ్లూలో విజయం సాధిస్తారు. సహోద్యోగులతో చర్చలు ఆనందం కలిగిస్తాయి. వైద్య, పరిశ్రమలు, వ్యవసాయ రంగాల వారికి ఒక వార్త ఆనందం కలిగిస్తుంది. మధ్యాహ్నం నుంచి సన్నిహితుల ఆరోగ్యం కలవరపెడుతుంది. గణపతిని ఆరాధించండి.
మిథునం (మే 21-జూన్ 21 మధ్య జన్మించిన వారు)
విలువైన వస్తువులు కొనుగోలు చేస్తారు. మీలోని సృజనాత్మక ప్రతిభకు తగిన గుర్తింపు లభిస్తుంది. మూచ్యువల్ ఫండ్స్, చిట్ఫండ్ తదితర పెట్టుబడులు లాభిస్తాయి. మధ్యాహ్నం 12 గంటల నుంచి క్రీడలు, బోధన, బ్యాంకింగ్ రంగాల వారికి ఆర్థికంగా అనుకోని ఇబ్బందులు ఎదురయ్యే అవకాశం ఉంది. శ్రీ రామ రక్షా స్తోత్ర పారాయణ శుభప్రదం.
కర్కాటకం (జూన్ 22 - జూలై 23 మధ్య జన్మించిన వారు)
మీ మనసు మార్పు కోరుకుంటుంది. సంకల్పం నెరవేరుతుంది. కుటుంబం విస్తరిస్తుంది. ఇంటి అవసరాలపై దృష్టి సారిస్తారు. హార్డ్వేర్, ఇంటీరియర్ డిజైనింగ్ రంగాల వారికి ప్రోత్సాహకరంగా ఉంటుంది. మధ్యాహ్నం నుంచి బదిలీలు, మార్పులు అసౌకర్యం కలిగించే అవకాశం ఉంది. గణపతిని ఆరాధించండి.
సింహం (జూలై 24 - ఆగస్టు 23 మధ్య జన్మించిన వారు)
ముఖ్యమైన సమాచారం అందుకుంటారు. దూరంలో ఉన్న మిత్రుల కలయిక ఆనందం కలిగిస్తుంది. కాంట్రాక్టులు, అగ్రిమెంట్లు లాభిస్తాయి. చర్చలు, ప్రయాణాలు ఫలిస్తాయి. తోబుట్టువుల సమస్యలను పరిష్కారిస్తారు. మధ్యాహ్నం నుంచి డ్రైవింగ్లో నిదానం పాటించాలి. వాగ్వివాదాలకు దూరంగా ఉండండి. శ్రీ రామచంద్ర మూర్తి ఆలయాన్ని దర్శించండి.
కన్య (ఆగస్టు 24 - సెప్టెంబరు 23 మధ్య జన్మించిన వారు)
విలువైన వస్తువులు కొనుగోలు చేస్తారు. బ్యాంకులు, ఆర్థిక సంస్థల వారికి ఈ రోజు ప్రోత్సాహకరంగా ఉంటుంది. సకాలంలో డబ్బు చేతికి అందుతుంది. బృందకార్యక్రమాల కోసం ఖర్చు చేస్తారు. మధ్యాహ్నం 12 గంటల నుంచి షేర్మార్కెట్ లావాదేవీలు, డిపాజిట్ల విషయంలో నష్టాలు వచ్చే ప్రమాదం ఉంది. గణపతి ఆలయాన్ని దర్శించండి.
తుల (సెప్టెంబరు 24 - అక్టోబరు 23 మధ్య జన్మించిన వారు)
ఉద్యోగ, వ్యాపార రంగాల్లో ఉన్న వారికి కొత్త ఆలోచనలు స్ఫురిస్తాయి. పైఅధికారుల మన్ననలు పొందుతారు. ఉద్యోగ ప్రయత్నాలు ఫలిస్తాయి. పలుకుబడిగల వ్యక్తుల సహకారంతో లక్ష్యాలు సాధిస్తారు. మధ్యాహ్నం నుంచి కొత్త పనుల ప్రారంభానికి అనుకూల సమయం కాదు. శ్రీ రామ రక్షా స్తోత్ర పారాయణ శుభప్రదం.
వృశ్చికం (అక్టోబరు 24 - నవంబరు 22 మధ్య జన్మించిన వారు)
ప్రయాణాలు, చర్చలు ఫలిస్తాయి. వీసా, పాస్పోర్డ్ వ్యవహారాలకు అనుకూలం. సినమాలు, రాజకీ యాలు, టెలివిజన్, పత్రికల రంగాల వారికి ప్రోత్సాహకరంగా ఉంటుంది. మధ్యాహ్నం నుంచి మనశ్శాంతి లోపిస్తుంది. ఒక సమాచారం ఆందోళన కలిగిస్తుంది. ఆధ్యాత్మిక, సేవా కార్యక్రమాలు ఊరటనిస్తాయి.
ధనుస్సు (నవంబరు 23 - డిసెంబరు 21 మధ్య జన్మించిన వారు)
విలువైన వస్తువులు కొనుగోలు చేస్తారు. బ్యాంకులు, ఆర్థిక సంస్థలతో పనులు పూర్తవుతాయి. రుణ ప్రయత్నాలు ఫలిస్తాయి. గత అనుభవంతో ఆర్థికపరమైన లక్ష్యాలు సాధిస్తారు. చిరకాల మిత్రులను కలుసుకుంటారు. మధ్యాహ్నం నుంచి బృందకార్యక్రమాల కోసం ఖర్చులు అంచనాలు మించిపోతాయి. గణపతి ఆలయాన్ని దర్శించండి.
మకరం (డిసెంబరు 22 - జనవరి 20 మధ్య జన్మించిన వారు)
ఉద్యోగ, వ్యాపారాల్లో భాగస్వామి సహకారం లభిస్తుంది. పదిమందిలో మంచిపేరు తెచ్చుకుంటారు. ప్రభుత్వరంగ సంస్థల వారికి ఆర్థికంగా ప్రోత్సాహకరంగా ఉంటుంది. మధ్యాహ్నం 12 గంటల నుంచి పందాలు, పోటీల్లో అప్రమత్తంగా ఉండాలి. న్యాయవిషయాల్లో అనుకోని చిక్కులు ఎదురయ్యే అవకాశం ఉంది. గణపతిని ఆరాధించండి.
కుంభం (జనవరి 21 - ఫిబ్రవరి 19 మధ్య జన్మించిన వారు)
ప్రణాళికాబద్ధంగా వ్యవహరించి వృత్తి వ్యాపారాల్లో లక్ష్యాలు సాధిస్తారు. రక్షణ, న్యాయ, బోధన, కళా రంగాల వారికి ప్రోత్సాహకరమైన సమయం. బంధుమిత్రులతో విందుల్లో పాల్గొంటారు. మధ్యాహ్నం నుంచి ఒక సమాచారం ఆందోళన కలిగిస్తుంది. మీ అంచనాలు ఫలించకపోవచ్చు. శ్రీ రామచంద్రమూర్తి ఆలయాన్ని దర్శించండి.
మీనం(ఫిబ్రవరి 20 - మార్చి 20 మధ్య జన్మించిన వారు)
ఆర్థిక పరిస్థితి ప్రోత్సాహకరంగా ఉంటుంది. పెట్టుబడులపై మంచి ప్రతిఫలాలు అందుకుంటారు. చిన్నారులు, ప్రియతముల కోసం విలువైన వస్తువులు కొనుగోలు చేస్తారు. మధ్యాహ్నం నుంచి పన్నులు, బీమా వ్యవహారాల్లో ఆటంకాలు ఎదురవుతాయి. రుణప్రయత్నాలు ఫలించకపోవచ్చు. గణపతి ఆలయాన్ని దర్శించండి.
బిజుమళ్ళ బిందుమాధవ శర్మ
Updated Date - Jul 02 , 2025 | 03:21 AM
