Today Horoscope: ఈ రాశి వారికి ఆర్థిక వ్యవహారాల్లో అనుకోని సమస్యలు ఎదురవుతాయి
ABN, Publish Date - Oct 14 , 2025 | 03:54 AM
నేడు రాశిఫలాలు 14-10-2025 మంగళవారం గృహ నిర్మాణం, స్థలసేకరణకు అవసరమైన నిధులు సర్దుబాటు కావడంలో ఇబ్బందులు ఎదురవుతాయి....
నేడు రాశిఫలాలు 14-10-2025 మంగళవారం గృహ నిర్మాణం, స్థలసేకరణకు అవసరమైన నిధులు సర్దుబాటు కావడంలో ఇబ్బందులు ఎదురవుతాయి.
మేషం (మార్చి 21 - ఏప్రిల్ 20 మధ్య జన్మించిన వారు)
గృహ నిర్మాణం, స్థలసేకరణకు అవసరమైన నిధులు సర్దుబాటు కావడంలో ఇబ్బందులు ఎదురవుతాయి. ఆర్థిక వ్యవహారాల్లో అనుకోని సమస్యలు ఎదురవుతాయి. మధ్యాహ్నం నుంచికుటుంబ సభ్యుల వైఖరి ఆనందం కలిగిస్తుంది. సుబ్రహ్మణ్య స్వామి స్తోత్ర పారాయణ శుభప్రదం.
వృషభం (ఏప్రిల్ 21 - మే 20 మధ్య జన్మించిన వారు)
మార్కెటింగ్, రవాణా రంగాల వారు అచితూచి వ్యవహరించాలి. వృత్తిపరమైన చర్చలు, ప్రయాణాల్లో జాగ్రత్తలు పాటించాలి. కాంట్రాక్టులు, అగ్రిమెంట్లకు అనుకూలమైన రోజు కాదు. మధ్యాహ్నం నుంచి లక్ష్య సాధనలో సన్నిహితుల సహకారం లభిస్తుంది. హనుమాన్ చాలీసా పారాయణ శుభప్రదం.
మిథునం (మే 21-జూన్ 21 మధ్య జన్మించిన వారు)
పెట్టుబడులు, ఆర్థిక లావాదేవీల్లో అచితూచి నిర్ణయం తీసుకోవాలి. ఫీజులు, బిల్లుల చెల్లింపు కోసం అవసరమైన నిధులు సకాలంలో సర్దుబాటు కాకపోవచ్చు. మధ్యాహ్నం తరువాత పందాలు, పోటీల్లో విజయం సాధిస్తారు. సుబ్రహ్మణ్య స్వామి ఆరాధన శుభప్రదం.
కర్కాటకం (జూన్ 22 - జూలై 23 మధ్య జన్మించిన వారు)
మార్పులు, బదిలీలు కొంత అసౌకర్యం కలిగిస్తాయి. కుటుంబ సభ్యుల వైఖరి ఆవేదన కలిగిస్తుంది. మనశ్శాంతి లోపిస్తుంది. మధ్యాహ్నం నుంచి రియల్ ఎస్టేట్, నిర్మాణ రంగాల వారికి ప్రోత్సాహకరంగా ఉంటుంది. తల్లిందండ్రుల ఆరోగ్యం మెరుగుపడుతుంది. గోమాతను ఆరాఽధించండి.
సింహం (జూలై 24 - ఆగస్టు 23 మధ్య జన్మించిన వారు)
వీసా, పాస్పోర్ట్ వ్యవహారాల్లో, విదేశీ విద్య కోసం చే సే ప్రయత్నాలకు ఆటంకాలు ఎదురయ్యే అవకాశం ఉంది. ఒక సమాచారం ఆవేదన కలిగిస్తుంది. డ్రైవింగ్లో నిదానం అవసరం. మధ్యాహ్నం నుంచి దూర ప్రాంతంలో ఉన్న బంధుమిత్రులను కలుసుకుంటారు. ఆంజనేయ స్వామిని ఆరాధించండి.
కన్య (ఆగస్టు 24 - సెప్టెంబరు 23 మధ్య జన్మించిన వారు)
పెట్టుబడుల విషయంలో ఆచితూచి వ్యవహరించాలి. విలువైన వస్తువులు కోల్పోయే ప్రమాదం ఉంది. ఆర్థిక విషయాల్లో సన్నిహితులు మొహమాటపెట్టే అవకాశం ఉంది. మధ్యాహ్నం నుంచి బంధుమిత్రులతో వేడుకల్లో పాల్గొంటారు. సుబ్రహ్మణ్య అష్టక పారాయణ శుభప్రదం.
తుల (సెప్టెంబరు 24 - అక్టోబరు 23 మధ్య జన్మించిన వారు)
ఉద్యోగ, వ్యాపారాల్లో ఆచితూచి వ్యవహరించాలి. గౌరవ ప్రతిష్ఠలకు భంగం కలిగే ప్రమాదం ఉంది. పెద్దల ఆరోగ్యం కలవరపెడుతుంది. మధ్యాహ్నం నుంచి పైఅధికారుల సహకారంతో లక్ష్యాలు సాధిస్తారు. హనుమాన్ చాలీసా పారాయణ శుభప్రదం.
వృశ్చికం (అక్టోబరు 24 - నవంబరు 22 మధ్య జన్మించిన వారు)
బంధుమిత్రుల వైఖరి ఆవేదన కలిగిస్తుంది. అంచనాలు ఫలించకపోవచ్చు. రాజకీయాలు, ప్రచురణలు, న్యాయ, బోధన, రవాణా, సాంస్కృతిక రంగాల వారు ఆచితూచి ముందడుగు వేయాలి. మధ్యాహ్నం నుంచి దూర ప్రయాణాలు ఆనందం కలిగిస్తాయి. లక్ష్యాలు సాధిస్తారు. సుబ్రహ్మణ్య స్వామిని ఆరాధించండి.
ధనుస్సు (నవంబరు 23 - డిసెంబరు 21 మధ్య జన్మించిన వారు)
పెట్టుబడులపై ఆచితూచి నిర్ణయం తీసుకోవాఇ. ఆరోగ్యం పట్ల శ్రద్ధ చూపించాలి. వారసత్వ వ్యవహారాలు ఇబ్బంది పెట్టే అవకాశం ఉంది. మధ్యాహ్నం నుంచి ఉన్నత విద్యకు అవసరమైన నిధులు సర్దుబాటు అవుతాయి. ఆంజనేయ స్వామిని ఆరాధించండి.
మకరం (డిసెంబరు 22-జనవరి 20 మధ్య జన్మించిన వారు)
శ్రీవారు, శ్రీమతి వైఖరి ఆవేదన కలిగస్తుంది. పెట్టుబడులపై ఆచితూచి నిర్ణయం తీసుకోవాలి. స్పెక్యులేషన్లు, పందాలు, పోటీలకు దూరంగా ఉండాలి. మధ్యాహ్నం నుంచి సమావేశాల్లో సత్ఫలితాలు సాధిస్తారు. ఆర్థిక పరిస్థితి ప్రోత్సాహకరంగా ఉంటుంది. హనుమాన్ చాలీసా పారాయణ శుభప్రదం.
కుంభం (జనవరి 21 - ఫిబ్రవరి 19 మధ్య జన్మించిన వారు)
ఆర్థిక విషయాల్లో పెద్దల వైఖరి ఆవేదన కలిగిస్తుంది. ఉద్యోగ ప్రయత్నాలకు ఆంటకాలు ఎదురవుతాయి. లక్ష్య సాధనలో సహోద్యోగుల సహకారం లోపిస్తుంది. ఆహారం విషయంలో పరిమితి పాటించండి. మధ్యాహ్నం నుంచి పెద్దల ఆరోగ్యం మెరుగుపడుతుంది. నవ గ్రహ స్తోత్ర పారాయణ శుభప్రదం.
మీనం (ఫిబ్రవరి 20 - మార్చి 20 మధ్య జన్మించిన వారు)
పెట్టుబడుల విషయంలో తొందరపాటు తగదు. ఆర్థిక విషయాల్లో ఆచితూచి వ్యవహరించాలి. విలువైన వస్తువులు కోల్పోయే ప్రమాదం ఉంది. చిన్నారుల ఆరోగ్యం పట్ల శ్రద్ధ చూపించాలి. మధ్యాహ్నం తరువాత షాపింగ్ ఉల్లాసం కలిగిస్తుంది. ఆర్థిక పరిస్థితి మెరుగుపడుతుంది. సుబ్రహ్మణ అష్టక పారాయణ శుభప్రదం.
బిజుమళ్ళ బిందుమాధవ శర్మ
Updated Date - Oct 14 , 2025 | 03:54 AM
