Aditya Birla: ఆదిత్య బిర్లా సన్ లైఫ్ బ్యాలెన్స్డ్ అడ్వాంటేజ్ ఫండ్.. సంపద సృష్టిపై కొత్త అధ్యయనం!
ABN, First Publish Date - 2025-05-28T22:42:12+05:30
ఆదిత్య బిర్లా సన్ లైఫ్ బ్యాలెన్స్డ్ అడ్వాంటేజ్ ఫండ్ (ABSLBAF) పై ఇటీవల నిర్వహించిన 'వెల్త్ క్రియేషన్ స్టడీ' గణనీయమైన ఫలితాలను వెల్లడించింది.
ముంబయి: ఆదిత్య బిర్లా సన్ లైఫ్ బ్యాలెన్స్డ్ అడ్వాంటేజ్ ఫండ్ (ABSLBAF) పై ఇటీవల నిర్వహించిన 'వెల్త్ క్రియేషన్ స్టడీ' గణనీయమైన ఫలితాలను వెల్లడించింది. ఈ అధ్యయనం ప్రకారం, నెలకు రూ.10,000 చొప్పున 25 సంవత్సరాల పాటు కొనసాగించిన సిస్టమాటిక్ ఇన్వెస్ట్మెంట్ ప్లాన్ (SIP) ద్వారా రూ.1.6 కోట్లకు పైగా విలువను సాధించే అవకాశం ఉందని తేలింది. కేవలం రూ.1 లక్ష ప్రారంభ పెట్టుబడి కూడా రూ.10.3 లక్షలకు పైగా వృద్ధి చెందుతుందని ఇది సూచిస్తుంది.
ఫండ్ పనితీరు, ప్రయోజనాలు:
ABSLBAF, 2000 ఏప్రిల్ 25న ప్రారంభమైంది. పెరుగుతున్న ఈక్విటీ మార్కెట్ అవకాశాలను, తక్కువ అస్థిరతతో అన్వేషించాలనుకునే పెట్టుబడిదారుల కోసం దీనిని రూపొందించారు. దీర్ఘకాలిక వృద్ధి సామర్థ్యాన్ని లక్ష్యంగా పెట్టుకుని, ఈ ఫండ్ మార్కెట్ మదింపుల ఆధారంగా ఈక్విటీ, స్థిర ఆదాయ పెట్టుబడుల మోతాదును డైనమిక్గా సమతుల్యం చేస్తుంది. ఈ ఫండ్లోని డైనమిక్ అసెట్ అలోకేషన్ మోడల్ అధిక విలువల వద్ద ఈక్విటీ ఎక్స్పోజర్ను స్వయంచాలకంగా తగ్గించి, రాబడులలో అస్థిరతను నియంత్రించడంలో సహాయపడుతుంది. చారిత్రాత్మకంగా చూస్తే, విస్తృత మార్కెట్లతో పోల్చినపుడు ఈ ఫండ్ తక్కువ డ్రాడౌన్లను (నష్టాల తీవ్రత) కలిగి ఉంది. అంతేకాదు, వేగంగా పునరుద్ధరణను సాధించింది. 2015 తర్వాత, ఈ ఫండ్ సగటు 52% నికర ఈక్విటీ ఎక్స్పోజర్ కలిగి ఉన్నప్పటికీ, నిఫ్టీ రాబడిలో 80% వరకు ఆర్జించింది. అదే సమయంలో, నిఫ్టీ సూచికకు గణనీయంగా తక్కువగా – కేవలం 66% మాత్రమే అస్థిరతను ఎదుర్కొంది. గత తొమ్మిదేళ్లలో 3 సంవత్సరాల రోలింగ్ కాలాన్ని పరిశీలించినపుడు, ఈ ఫండ్ 86% కన్నా ఎక్కువ సందర్భాలలో 8% కంటే అధిక రాబడిని అందించడంలో విజయవంతమైంది.
పెట్టుబడిదారుల విశ్వాసం..
ఫండ్ 25వ వార్షికోత్సవం సందర్భంగా ఆదిత్య బిర్లా సన్ లైఫ్ ఏఎంసీ లిమిటెడ్ ఎండీ, సీఈవో ఎ. బాలసుబ్రమణియన్ మాట్లాడుతూ, "ఆదిత్య బిర్లా సన్ లైఫ్ బ్యాలెన్స్డ్ అడ్వాంటేజ్ ఫండ్ తన 25 ఏళ్ల ప్రయాణాన్ని పూర్తిచేసిన ఈ సమయంలో, ఇది కేవలం పనితీరు ఆధారిత మైలురాయి మాత్రమే కాదు. ఇది మా పెట్టుబడిదారుల నిరంతర విశ్వాసం, అలాగే మా బృందం నిబద్ధతకు నిదర్శనంగా నిలుస్తుంది" అని పేర్కొన్నారు. మార్కెట్ స్థితిగతుల ఆధారంగా ఈక్విటీ, స్థిర ఆదాయ ఎక్స్పోజర్ను డైనమిక్గా సర్దుబాటు చేయడం ద్వారా తక్కువ అస్థిరతతో సహేతుకమైన రాబడులు అందించడమే ఈ ఫండ్ లక్ష్యం అని అన్నారు.
సెబీకి డీఆర్హెచ్పీ సమర్పించిన కనోడియా సిమెంట్ లిమిటెడ్
సిమెంట్ తయారీ సంస్థ కనోడియా సిమెంట్ లిమిటెడ్ తమ ఇనీషియల్ పబ్లిక్ ఆఫరింగ్కి (ఐపీవో) సంబంధించి ముసాయిదా ప్రాస్పెక్టస్ని (డీఆర్హెచ్పీ) మార్కెట్ల నియంత్రణ సంస్థ సెబీకి సమర్పించింది. ఈ ఇష్యూ కింద ‘ఆఫర్ ఫర్ సేల్’ విధానంలో 1,49,13,930 షేర్లను విక్రయించడం ద్వారా నిధులు సమీకరించనుంది. ఒక్కో షేరు ముఖ విలువ రూ. 10గా ఉంటుంది. కనోడియా సిమెంట్కు ఉత్తర్ప్రదేశ్, బీహార్లో శాటిలైట్ గ్రైండింగ్ యూనిట్స్ ఉన్నాయి. పోర్ట్ల్యాండ్ పొజొలానా సిమెంట్, కాంపోజిట్ సిమెంటు మొదలైనవి ఉత్పత్తి చేస్తోంది.
Updated Date - 2025-05-28T22:42:13+05:30 IST