cheated on in love ప్రేమించి మోసం చేశాడంటూ ఫిర్యాదు
ABN, Publish Date - Mar 19 , 2025 | 11:36 PM
cheated on in love మండలంలోని ఓ గ్రామానికి చెందిన యువతిని అదే గ్రామానికి చెందిన కిరణ్ అనే వ్యక్తి ప్రేమించి పెళ్లి చెసుకుంటానని చెప్పి మోసం చేశాడని బుధ వారం ఆమె పోలీసులకు ఫిర్యాదు చేసింది.
జి.సిగడాం, మార్చి 19(ఆంధ్రజ్యోతి): మండలంలోని ఓ గ్రామానికి చెందిన యువతిని అదే గ్రామానికి చెందిన కిరణ్ అనే వ్యక్తి ప్రేమించి పెళ్లి చెసుకుంటానని చెప్పి మోసం చేశాడని బుధ వారం ఆమె పోలీసులకు ఫిర్యాదు చేసింది. పోలీసులు తెలిపిన వివరాల మేరకు.. ఆ యువతి డిగ్రీ పూర్తి చేసి ఇంటి వద్ద ఉండగా.. సిగటాపు కిరణ్ కూడా డిగ్రీ పూర్తి చేసి వ్యవసాయం చేసుకుం టున్నాడు. వీరిద్దరూ 2021 నుంచి ప్రేమించుకుంటున్నారు. ఈ క్రమంలో కిరణ్ వేరే అమ్మాయిని వివాహం చేసుకునేందుకు సిద్ధమయ్యాడు. ఈ విషయం తెలుసుకున్న బాధిత యువతి కిరణ్ను నిలదీసినా ఫలితం లేకపోయింది. దీంతో ఆమె పోలీసులకు ఫిర్యాదు చేసింది. బాధితురాలి ఫిర్యాదు మేరకు కేసు నమోదు చేసి దర్యాప్తు చేస్తున్నట్టు ఎస్ఐ వై.మధుసూదనరావు తెలిపారు.
Updated Date - Mar 19 , 2025 | 11:36 PM
