Nara Lokesh: ఉద్యోగుల కాళ్ల దగ్గర మంత్రి నేమ్ ప్లేట్
ABN, Publish Date - Jan 28 , 2025 | 01:23 PM
Minister Nara Lokesh Name Plate: ఏపీ మంత్రి నారా లోకేష్కు అవమానం జరిగింది. ఓ సమావేశంలో డయాస్ మీద ఉండాల్సిన నేమ్ ప్లేట్ మరోచోట ఉండటం చర్చకు దారి తీసింది. నేమ్ ప్లేట్ ఉన్న స్థలం చూసి ప్రతీ ఒక్కరూ ఆశ్చర్య పోవడమే కాకుండా.. ఉద్యోగుల తీరుపై ఆగ్రహం వ్యక్తం చేస్తున్నారు.
గుంటూరు, జనవరి 28: గుంటూరు జిల్లా డీఆర్సీ సమావేశంలో ఏపీ మంత్రి నారా లోకేష్కు (Minister Nara lokesh) అవమానం జరిగింది. సమావేశంలో అధికారులు వ్యవహరించిన తీరు సర్వత్రా విమర్శలకు దారి తీస్తోంది. ఉద్యోగుల కాళ్ల వద్ద మంత్రి లోకేష్ నేమ్ ప్లేట్ ఉండటం చర్చనీయాంశంగా మారింది. వేదికపై ఉండాల్సిన రాష్ట్ర మంత్రి నేమ్ప్లేట్ ఉద్యోగుల కాళ్ల దగ్గర ఉంచారు. దీంతో కలెక్టరేట్ ఉద్యోగుల తీరుపై విమర్శలు వెల్లువెత్తుతున్నాయి. ఈరోజు (మంగళవారం) గుంటూరు జిల్లా ఇన్చార్జ్ మంత్రి కందుల దుర్గేష్ ఆధ్వర్యంలో సమీక్ష మండలి సమావేశం ఏర్పాటు చేశారు. జిల్లా మంత్రిగా ఉన్న లోకేష్ ఈ సమావేశానికి రాలేదు.
డయాస్ మీద లోకేష్ పేరుతో ఉండాల్సిన నేమ్ప్లేట్ను తీసి ఉద్యోగస్తుల కాళ్ల వద్ద పెట్టారు అక్కడి సిబ్బంది. దీన్ని చూసి తోటి ఉద్యోగులు, మీడియా సిబ్బంది ఆశ్చర్యం వ్యక్తం చేస్తున్నారు. మంగళగిరి నుంచి ఎమ్మెల్యేగా ప్రాతినిధ్యం వహిస్తూ, మంత్రిగా ఉన్న లోకేష్ సమావేశానికి హాజరుకానంత మాత్రాన డయాస్ మీద నుంచి ఆయన నేమ్ప్లట్ను తీసి ఉద్యోగుల కాళ్ల వద్ద పెట్టడం తీవ్ర విమర్శలకు దారి తీసింది. దీనిపై ఉద్యోగులు ఎలాంటి సమాధానం చెబుతారో చూడాలి.
ఇవి కూడా చదవండి...
TDP on Tulasibabu: ఆ ఆరోపణల్లో నిజం లేదు.. తులసిబాబు వ్యవహారంపై టీడీపీ
Supreme Court: చంద్రబాబు కేసులు సీబీఐకి బదిలీపై సుప్రీం ఆగ్రహం
Read Latest AP News And Telugu News
Updated Date - Jan 28 , 2025 | 02:00 PM
